22. mars 2021 - Greiningardeild
Vikan framundan
- Á þriðjudag birtir Hagstofan vísitölu launa fyrir febrúar.
- Á miðvikudag er vaxtaákvörðun hjá Seðlabankanum. Við eigum von á að peningastefnunefnd haldi vöxtum óbreyttum.
- Á fimmtudag birtir Hagstofan marsmælingu vísitölu neysluverðs og eigum við von á að verðbólgan mælist 4,3%.
- Á föstudag birtir Seðlabankinn ársfjórðungslegt rit sitt Hagvísa.
- Í vikunni halda Festi (mánudag), Landsbankinn (miðvikudag), Brim (fimmtudag), Eik (fimmtudag) og Eimskip (fimmtudag) aðalfundi.
Mynd vikunnar
Frá árslokum 2019 til loka febrúar í ár hefur eign erlendra aðila í ríkisbréfum lækkað úr 90 mö.kr. að nafnvirði (15% af útistandandi ríkisbréfum) í um 37 ma.kr. (5% af útistandandi ríkisbréfum). Þessi þróun einskorðast ekki við ríkisbréf, en eignarhlutur 5 stærstu erlendra eigenda hlutabréfa í Arion banka hafa farið úr 41% í lok árs 2019 í 22% í byrjun mars í ár.
Það helsta frá síðustu viku
- Eftir rólegan janúarmánuð hækkaði íbúðaverð á höfuðborgarsvæðinu um 0,6% milli mánaða í febrúar.
- Heildarfjárfesting dróst saman um 6,3% í fyrra.
- Tekjujöfnuður hins opinbera var neikvæður um 215 ma.kr. í fyrra.
- Leiguverð íbúðarhúsnæðis lækkaði milli mánaða í febrúar.
- Heildarvelta innlendra greiðslukorta jókst um 0,1% milli mánaða í febrúar.
- Hagstofan birti: afla íslenskra fiskiskipa í febrúar, atvinnutekjur eftir menntunarstigi, tilraunatölfræði um staðgreiðsluskyldar launagreiðslur og skammtímahagvísa ferðaþjónustu.
- Arion banki, Marel, Iceland Seafood, Íslandsbanki, TM, Sýn og VÍS héldu aðalfundi.
- Lánasjóður sveitarfélaga hélt skuldabréfaútboð, Kvika banki víxlaútboð og Lánamál ríkisins útboð ríkisbréfa.
Hagtölur og markaðsupplýsingar
Þú gætir einnig haft áhuga á
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.