Vikubyrjun 21. desember 2020
Út frá fjölda streyma á Spotify má ætla að þrjú vinsælustu jólalögin hér á landi séu All I want for Christmas is you, Last Christmas og Snjókorn falla. Einungis tvö lög sem ekki eru jólalög eru á nýjast lista (19. desember) yfir 40 mest streymdu lögin á Íslandi, Rólegur kúreki og Esjan.
21. desember 2020 - Greiningardeild
Vikan framundan
- Í dag birtir Hagstofan launavísitölu og vísitölu heildarlauna.
- Á morgun birtir Hagstofan mánaðarlega vinnumarkaðsrannsókn.
- Á þriðjudag birtir Hagstofan vísistölu neysluverðs. Við spáum 3,7% verðbólgu. Seðlabankinn birtir ársfjórðungslega Hagvísa sína þennan dag.
Mynd vikunnar
Út frá fjölda streyma á Spotify má ætla að þrjú vinsælustu jólalögin hér á landi í ár séu All I want for Christmas is you með Mariah Carey, Last Christmas með Wham! og Snjókorn falla með Ladda. Einungis tvö lög sem ekki eru jólalög eru á nýjast lista (19. desember) yfir 40 mest streymdu lögin á Íslandi, Rólegur Kúreki og Esjan með Bríet. Eins og við er að búast hefur streymi á jólalögunum aukist eftir því sem líður að jólum. Streymi á jólalögunum er mest um helgar, en svipið um helgar og á virkum dögum á öðrum lögunum.
Það helsta frá vikunni sem leið
- Svo virðist sem jólaverslun fari vel af stað, þrátt fyrir veirufaraldurinn.
- Íbúðaverð hækkaði um 0,8% í nóvember.
- Atvinnuleysi jókst áfram í nóvember.
- Seðlabankinn birti yfirlýsingu fjármálastöðugleikanefndar.
- Hagdeild HMS birti mánaðarskýrslu sína.
- Eimskip og VÍS birtu afkomutilkynningar.
- Lánasjóður sveitarfélaga lauk skuldabréfaútboði, Kvika banki lauk víxlaútboði.
Hagtölur og markaðsupplýsingar
Þú gætir einnig haft áhuga á
15. sept. 2025
Ferðamönnum hélt áfram að fjölga af krafti í ágúst og Íslendingar slógu enn eitt metið í fjölda utanlandsferða. Atvinnuleysi hélst óbreytt á milli mánaða í 3,4% og er lítillega meira en á sama tíma í fyrra. Í þessari viku birtir HMS nýjustu gögn um íbúðamarkað og við fylgjumst með vaxtaákvörðunum í Bandaríkjunum og Bretlandi.
11. sept. 2025
Við spáum því að verðbólga aukist í september og mælist 4,1%. Aukin verðbólga skýrist aðallega af því að í september í fyrra voru máltíðir í grunnskólum gerðar ókeypis og lækkunaráhrifin af því detta nú út úr ársverðbólgunni. Verðhækkun á mjólkurafurðum leiðir til meiri hækkunar á matvöruverði en síðustu mánuði. Ró yfir húsnæðismarkaðnum heldur aftur af hækkunum á reiknaðri húsaleigu en útsölulok hafa áhrif til hækkunar í mánuðinum, gangi spáin eftir.
8. sept. 2025
Í þessari viku ber hæst útgáfu á tölum um fjölda ferðamanna í ágúst og skráð atvinnuleysi. Í síðustu viku birti Seðlabankinn fundargerð peningastefnunefndar þar sem fram kom að allir nefndarmenn hefðu verið sammála um að halda vöxtum óbreyttum í ágúst. Þá birti Seðlabankinn einnig tölur um greiðslujöfnuð við útlönd sem gáfu til kynna mun meiri halla á viðskiptum við útlönd á öðrum fjórðungi þessa árs en þess síðasta.
1. sept. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
1. sept. 2025
Verðbólga hjaðnaði óvænt úr 4,0% í 3,8% í ágúst. Hagstofan áætlar að hagkerfið hafi dregist saman um 1,9% á öðrum ársfjórðungi. Gistinóttum fjölgaði alls um 16,5% á milli ára í júlí. Í vikunni birtir Seðlabankinn viðskiptajöfnuð við útlönd og fundargerð peningastefnunefndar.
28. ágúst 2025
Vísitala neysluverðs lækkaði um 0,15% á milli mánaða í ágúst og verðbólga hjaðnaði úr 4,0% í 3,8%. Hjöðnun á milli mánaða kemur ánægjulega á óvart en við spáðum 0,07% hækkun á vísitölunni og óbreyttri verðbólgu. Við gerum nú ráð fyrir að verðbólga verði 3,8% í árslok, að stærstum hluta vegna lægri mælingar nú en við spáðum áður.
25. ágúst 2025
Seðlabanki Íslands hélt stýrivöxtum óbreyttum í 7,50% í síðustu viku og allir nefndarmenn studdu ákvörðunina. Vísitala íbúðaverðs hefur hækkað um 4,2% á síðasta árinu, en í janúar var árshækkunin 10,4%. Í vikunni birtir Hagstofan verðbólgutölur fyrir ágústmánuð og þjóðhagsreikninga fyrir annan ársfjórðung.
22. ágúst 2025
Á síðustu misserum hefur dregið töluvert úr verðhækkunum á íbúðamarkaði. Vísitala íbúðaverðs hefur hækkað um 4,2% á síðustu 12 mánuðum, aðeins örlítið umfram almennt verðlag, og ársbreytingin hefur ekki verið minni frá því í byrjun árs 2024. Þótt kaupsamningar hafi verið færri á fyrstu sjö mánuðum þessa árs en á sama tíma í fyrra er enn talsverð velta á markaðnum.
19. ágúst 2025
Vöruútflutningur frá Íslandi hefur aukist frá því í fyrra en samt hefur vöruskiptahalli aldrei verið meiri en nú. Þetta skýrist af stórauknum vöruinnflutningi, einkum á tölvubúnaði í tengslum við uppbyggingu gagnavera. Ferðaþjónustan hefur skilað auknum tekjum í ár en á móti hefur utanlandsferðum Íslendinga fjölgað og uppsafnaður kortaveltujöfnuður við útlönd var enn neikvæður í lok júlí.
18. ágúst 2025
Við búumst við að peningastefnunefnd Seðlabankans haldi stýrivöxtum óbreyttum á miðvikudag. Auk vaxtaákvörðunarinnar fáum við vísitölu íbúðaverðs í vikunni og nokkur uppgjör. Metfjöldi erlendra ferðamanna fór frá landinu í júlí, atvinnuleysi var óbreytt á milli mánaða og áfram var nokkur kraftur í greiðslukortaveltu heimila.