11. júní 2018
Vikan framundan
- Á morgun birtir Seðlabankinn tölur um gjaldeyrisforða fyrir maí.
- Á miðvikudag kemur vaxtaákvörðun frá Seðlabanka Íslands, við búumst við óbreyttum vöxtum.
- Á fimmtudag gefur Hagstofan út Fjármál hins opinbera á 1. ársfjórðungi 2018.
Mynd vikunnar
Hagstofa Íslands gaf út tölur um hagvöxt á 1. fjórðungi síðastliðinn föstudag. Hagvöxturinn er nokkuð meiri en opinberir spáaðilar hafa spáð að verði fyrir árið í heild. Spár fyrir árið liggja á bilinu 2,6-4,1% og er Landsbankinn með hæstu spána. Spáaðilar eru sammála um að hægja muni nokkuð á hagkerfinu á næstu árum en til samanburðar var 3,6% hagvöxtur í fyrra en 7,5% hagvöxtur árið 2016. Einn fjórðungur segir ekki mikið um endanlegan hagvöxt yfir árið í heild og því enn ómögulegt að segja hvaða spáaðili verður næstur endanlegri tölu.
Það helsta frá vikunni sem leið
- Fitch og S&P staðfestu óbreytta lánshæfiseinkunn ríkissjóðs.
- Hagstofan birti þjóðhagsreikninga fyrir 1. ársfjórðung.
- Seðlabankinn birti tölur um greiðslujöfnuð við útlönd á 1. ársfjórðungi og erlenda stöðu þjóðarbúsins miðað við lok fjórðungsins.
- Peningastefnunefnd Seðlabanka Íslands breytti fyrirkomulagi bindiskyldu lánastofnana.
- Seðlabankinn birti útreikning á raungengi í maí og upplýsingar um millibankamarkað með evrur og krónur.
- Hagstofan gaf út ársskýrslu fyrir árið 2017.
- Aðalfundur Haga fór fram.
- Arion banki lauk útboði á þremur markflokkum sértryggðra skuldabréfa.
- Landsbankinn lauk útboði á þremur víxlaflokkum.
- Erlendum ferðamönnum um Leifsstöð fjölgaði um 13% milli ára í maí.
Hagtölur og markaðsupplýsingar
Þú gætir einnig haft áhuga á
23. sept. 2024
Í vikunni birtir Seðlabankinn yfirlýsingu fjármálastöðugleikanefndar og fjármálastöðugleikaskýrslu. Þá gefur Hagstofan út verðbólgumælingu fyrir septembermánuð á föstudag. Í síðustu viku gaf HMS út vísitölu íbúðaverðs sem hækkaði talsvert á milli mánaða og vísitölu leiguverðs sem lækkaði á milli mánaða. Kortaveltugögn sem Seðlabankinn birti í síðustu viku benda til þess að þó nokkur kraftur sé í innlendri eftirspurn eftir vörum og þjónustu.
16. sept. 2024
Í vikunni birtist meðal annars vísitala íbúðaverðs, vísitala leiguverðs og tölur um veltu greiðslukorta í ágúst. Í síðustu viku birtust tölur um fjölda ferðamanna sem hingað komu í ágúst, en þeir voru svipað margir og í ágúst í fyrra. Atvinnuleysi jókst lítillega á milli mánaða í ágúst. Fjárlög fyrir 2025 voru kynnt.
12. sept. 2024
Við spáum því að vísitala neysluverðs hækki um 0,08% á milli mánaða í september og að verðbólga lækki úr 6,0% niður í 5,7%. Við eigum von á áframhaldandi lækkun næstu mánuði og að ársverðbólga verði komin niður í 4,9% í lok árs.
9. sept. 2024
Í þessari viku ber hæst útgáfa á tölum um fjölda ferðamanna í ágúst og skráð atvinnuleysi á morgun. Í síðustu viku birtist fundargerð peningastefnunefndar þar sem fram kom að allir nefndarmenn voru sammála um að halda vöxtum óbreyttum á síðasta fundi, ólíkt því sem var síðustu þrjá fundi þar áður þar sem einn nefndarmaður vildi lækka vexti um 0,25 prósentustig.
6. sept. 2024
Meðfylgjandi er mánaðarlegt yfirlit sértryggðra skuldabréfa.
5. sept. 2024
Halli mældist á viðskiptum við útlönd á öðrum fjórðungi þessa árs, ólíkt öðrum ársfjórðungi í fyrra, þegar lítils háttar afgangur mældist. Það var afgangur af þjónustujöfnuði og frumþáttatekjum, en halli á vöruskiptum og rekstrarframlögum. Hrein staða þjóðarbúsins versnaði lítillega á fjórðungnum.
3. sept. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
2. sept. 2024
Verðbólga lækkaði óvænt á milli mánaða í ágúst. Hagkerfið dróst örlítið saman á milli ára á öðrum ársfjórðungi, en á sama tíma er nú ljóst að hagvöxtur í fyrra var meiri en áður var talið og einnig að samdráttur var minni á fyrsta ársfjórðungi. Í þessari viku birtir Seðlabankinn gögn um greiðslujöfnuð við útlönd og fundargerð peningastefnunefndar.
30. ágúst 2024
Hagkerfið dróst örlítið saman á milli ára á öðrum ársfjórðungi, samkvæmt nýbirtum þjóðhagsreikningum Hagstofunnar. Á sama tíma er nú ljóst að hagvöxtur var meiri í fyrra en áður var talið og samdráttur einnig minni á fyrsta ársfjórðungi. Umsvif í hagkerfinu eru því meiri en áður var talið þótt landsframleiðsla dragist saman.
29. ágúst 2024
Vísitala neysluverðs hækkaði um 0,09% á milli mánaða í ágúst, samkvæmt nýbirtum tölum Hagstofu Ísland. Ársverðbólga lækkar því úr 6,3% í 6,0%, um 0,3 prósentustig. Vísitalan hækkaði nokkuð minna en við gerðum ráð fyrir, en við spáðum óbreyttri verðbólgu. Það sem kom okkur mest á óvart var lækkun á menntunarliðnum, sem skýrist af niðurfellingu á skólagjöldum einstaka háskóla. Verð á matarkörfunni lækkaði í fyrsta skiptið í þrjú ár.