Vikubyrjun 10. desember
Fyrstu níu mánuði ársins jókst landsframleiðslan (hagvöxtur) um 5,0% að raungildi milli ára. Þetta er nokkuð meira en flestar spár, þar á meðal okkar spá frá októberlokum, gera ráð fyrir yfir árið í heild. Það hægir verulega á hagvexti milli 2. og 3. ársfjórðungs en samkvæmt bráðabirgðatölum Hagstofunnar mældist hagvöxturinn á 3. ársf. 2,6% samanborið við 6,7% á 2. ársf.
10. desember 2018
Vikan framundan
- Eftir lokun markaða í dag birta Lánamál ríkisins mánaðarlegt rit sitt, Markaðsupplýsingar.
- Á miðvikudag er stýrivaxtaákvörðun, við gerum ráð fyrir óbreyttum vöxtum.
- Á fimmtudag birtir Seðlabankinn tölur um greiðslukortaveltu í nóvember.
- Á föstudag birtir Vinnumálastofnun skráð atvinnuleysi.
Mynd vikunnar
Fyrstu níu mánuði ársins jókst landsframleiðslan (hagvöxtur) um 5,0% að raungildi milli ára. Þetta er nokkuð meira en flestar spár, þar á meðal okkar spá frá októberlokum, gera ráð fyrir yfir árið í heild. Þetta skýrist af því að verulega hægir á hagvaxtartaktinum eftir því sem líður á árið. Á fyrsta ársfjórðungi nam hagvöxtur 5,9%, á öðrum fjórðungi 6,9% og svo snögghægir á vextinum á þriðja fjórðungi niður í 2,6%. Tölur Hagstofunnar eru því í grófum dráttum í takt við spá Hagfræðideildar.
Það helsta frá vikunni sem leið
- Það mældist 76,5 ma.kr. afgangur af viðskiptum við útlönd á 3. ársfjórðungi.
- Hagvöxtur mældist 5,0% á fyrstu níu mánuðum ársins.
- Við spáum að verðbólga fari í 3,6% í desember.
- Ríkisstjórnin samþykkti að leggja fyrir Alþingi frumvarp um losun fjármagnshafta á aflandskrónueigendur og breytingu bindingarskyldu á fjármagnsinnstreymi.
- Erlendum farþegum um Leifsstöð fjölgaði um 3,7% milli ára í nóvember.
- Leiguverð íbúðarhúsnæðis hækkar meira en kaupverð.
- Raungengi íslensku krónunnar er um 12% lægra í nóvember en á sama tímabili 2017.
- Seðlabankinn birti tölur um veltu á krónumarkaði og gjaldeyrismarkaði.
- Hagstofan birti bráðabirgðatölur um vöruviðskipti við útlönd í nóvember.
- Hagstofan birti líka skammtímavísa í ferðaþjónustu.
- Icelandair birti flutningstölur.
- Tilkynnt var um tvær hópuppsagnir í nóvember.
- Landsbankinn lauk víxlaútboði, Íslandsbanki lauk víxlaútboði, Arion banki lauk útboði sértryggðra skuldabréfa, Reykjavíkurborg gaf út grænan, verðtryggðan skuldabréfaflokk og Lánamál ríkisins luku útboði ríkisbréfa.
Hagtölur og markaðsupplýsingar
Hagtölur 10. desember 2018 (PDF)
Þú gætir einnig haft áhuga á
12. jan. 2026
Breytingar á gjaldtöku hins opinbera af rekstri og kaupum ökutækja gætu aukið verðbólgu um 0,7 prósentustig. Óvíst er hvort áhrifin komi fram að öllu leyti í janúar eða dreifist yfir næstu mánuði, en telja má að það velti ekki síst á eftirspurn eftir bílum í byrjun árs.
12. jan. 2026
Skráð atvinnuleysi hélt áfram að aukast í desember og var 0,6 prósentustigum meira en á sama tíma árið áður. Álíka margir erlendir ferðamenn heimsóttu Ísland í fyrra og síðustu tvö ár á undan en utanlandsferðir Íslendinga voru 18% fleiri í fyrra en árið á undan. Þó nokkur óvissa ríkir um verðbólgumælingu janúarmánaðar, ekki síst í tengslum við breytta gjaldtöku á innflutningi og rekstri bíla. Við gefum út verðbólguspá næsta fimmtudag.
5. jan. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
5. jan. 2026
Verðbólgan kom aftan að landsmönnum stuttu fyrir jól og fór úr 3,7% í 4,5%. Verðbólga í desember var aðeins 0,3 prósentustigum minni en í upphafi síðasta árs þegar hún mældist 4,8%. Á sama tímabili lækkuðu stýrivextir um 1,25 prósentustig, úr 8,50% í 7,25%.
22. des. 2025
Verðbólga rauk upp í 4,5% í desember eftir að hafa hjaðnað verulega í nóvember og mælst 3,7%. Rífleg hækkun á flugfargjöldum til útlanda skýrir stóran hluta hækkunarinnar, en einnig töluverð gjaldskrárhækkun á hitaveitu í desember. Aukin verðbólga skýrist þannig af afmörkuðum, sveiflukenndum liðum og ekki er að greina merki um að undirliggjandi verðbólguþrýstingur hafi aukist að ráði.
22. des. 2025
Fasteignamarkaðurinn fer enn kólnandi, ef marka má skýrslu sem HMS gaf út í síðustu viku. Gistinóttum á hótelum fækkaði um 6,6% á milli ára í nóvember. Kaupmáttur ráðstöfunartekna jókst um 1,9% á milli ára á þriðja ársfjórðungi, samkvæmt Hagstofunni. Í dag birtir Hagstofan verðbólgutölur.
15. des. 2025
Færri erlendir ferðamenn heimsóttu Ísland í nóvember í ár en í nóvember í fyrra en utanlandsferðum Íslendinga hélt áfram að fjölga. Skráð atvinnuleysi hefur aukist þó nokkuð á síðustu mánuðum og var 4,3% í nóvember.
11. des. 2025
Við spáum því að vísitala neysluverðs hækki um 0,56% á milli mánaða í desember. Gangi spáin eftir mun verðbólga hækka úr 3,7% í 3,9% í desember. Flugfargjöld til útlanda, reiknuð húsaleiga og lok tilboðsdaga í nóvember verða til hækkunar en bensínverð til lækkunar. Við gerum ráð fyrir að verðbólga verði á bilinu 3,9% til 4,0% næstu mánuði.
8. des. 2025
Talsvert minni afgangur mældist af viðskiptum við útlönd á þriðja ársfjórðungi þessa árs en þess síðasta. Í síðustu viku gaf Seðlabankinn út yfirlýsingu fjármálastöðugleikanefndar og fundargerð peningastefnunefndar. Í þessari viku verða birtar ferðamannatölur og skráð atvinnuleysi fyrir nóvembermánuð.
1. des. 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.