1. mars 2021 - Hagfræðideild
Vikan framundan
- Á þriðjudag birtir Seðlabankinn greiðslujöfnuð og erlenda stöðu þjóðarbúsins. Eik birtir ársuppgjör.
Mynd vikunnar
Samkvæmt þjóðhagsreikningum sem Hagstofan birti fyrir helgi dróst útflutningur saman um 30,5% milli ára að raunvirði í fyrra. Þetta er svipað og við gerðum ráð fyrir í þjóðhagsspá okkar í október. Skýrist samdrátturinn af hruni í ferðaþjónustu vegna heimsfaraldurs Covid-19, en hlutur ferðaþjónustu í landsframleiðslu dróst saman úr 8,0% í 3,5% milli ára.
Þetta er langmesti samdráttur milli ára sem mælst hefur frá upphafi mælinga, eða frá árinu 1946. Það hefur einungis tvisvar gerst að útflutningur dragist saman um yfir 10% milli ára á þessu tímabili: 1949, þegar það þrengdi að mörkuðum fyrir íslenskar fiskafurðir við það að sjávarútvegur Evrópuþjóða var endurreistur eftir stríð og 1967, þegar síldarstofninn hrundi.
Það helsta frá síðustu viku
- Landsframleiðslan dróst saman um 6,6% milli ára á síðasta ári.
- Verðbólgan mældist 4,1% í febrúar.
- Vöru- og þjónustujöfnuður var neikvæður um 17,5 ma.kr. á síðasta ári.
- Launavísitalan hækkaði um 3,7% milli mánaða í janúar.
- Miklar hækkanir hafa verið á hlutabréfamarkaði síðustu mánuði.
- Hagstofan birti niðurstöður úr mánaðarlegri vinnumarkaðsrannsókn sinni, skammtímahagvísa í ferðaþjónustu, gistinætur í janúar og bráðabirgðatölur um vöruviðskipti við útlönd í janúar.
- Brim (fjárfestakynning), Eimskip, Festi, Iceland Seafood, Sýn og VÍS (fjárfestakynning) birtu ársuppgjör.
- RARIK birti ársreikning.
- Lánamál ríkisins luku útboði ríkisvíxla, Kvika banki stækkaði flokkinn KVB 19 01, Eik ákvað að greiða upp flokkinn EIF 15 1.
Hagtölur og markaðsupplýsingar
Þú gætir einnig haft áhuga á
3. sept. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
2. sept. 2024
Verðbólga lækkaði óvænt á milli mánaða í ágúst. Hagkerfið dróst örlítið saman á milli ára á öðrum ársfjórðungi, en á sama tíma er nú ljóst að hagvöxtur í fyrra var meiri en áður var talið og einnig að samdráttur var minni á fyrsta ársfjórðungi. Í þessari viku birtir Seðlabankinn gögn um greiðslujöfnuð við útlönd og fundargerð peningastefnunefndar.
30. ágúst 2024
Hagkerfið dróst örlítið saman á milli ára á öðrum ársfjórðungi, samkvæmt nýbirtum þjóðhagsreikningum Hagstofunnar. Á sama tíma er nú ljóst að hagvöxtur var meiri í fyrra en áður var talið og samdráttur einnig minni á fyrsta ársfjórðungi. Umsvif í hagkerfinu eru því meiri en áður var talið þótt landsframleiðsla dragist saman.
29. ágúst 2024
Vísitala neysluverðs hækkaði um 0,09% á milli mánaða í ágúst, samkvæmt nýbirtum tölum Hagstofu Ísland. Ársverðbólga lækkar því úr 6,3% í 6,0%, um 0,3 prósentustig. Vísitalan hækkaði nokkuð minna en við gerðum ráð fyrir, en við spáðum óbreyttri verðbólgu. Það sem kom okkur mest á óvart var lækkun á menntunarliðnum, sem skýrist af niðurfellingu á skólagjöldum einstaka háskóla. Verð á matarkörfunni lækkaði í fyrsta skiptið í þrjú ár.
27. ágúst 2024
Afgangur af þjónustuviðskiptum náði ekki að vega upp halla af vöruviðskiptum á öðrum ársfjórðungi, ólíkt því sem var fyrir ári síðan. Bæði var meiri halli af vöruviðskiptum og minni afgangur af þjónustuviðskiptum en á öðrum fjórðungi síðasta árs.
26. ágúst 2024
Peningastefnunefnd hélt vöxtum óbreyttum í síðustu viku, eins og búist var við. Nokkur kraftur er í fasteignamarkaðnum og vísitala íbúðaverðs og vísitala leiguverðs hækkuðu báðar þó nokkuð í júlí. Í þessari viku fáum við verðbólgutölur fyrir ágústmánuð og þjóðhagsreikninga annars ársfjórðungs.
20. ágúst 2024
Hagstofan hefur frá því í júní notað nýja aðferð við að mæla kostnað við búsetu í eigin húsnæði. Hefði Hagstofan ekki breytt um aðferð væri verðbólgumælingin nú líklega hærri. Um næstu áramót áforma stjórnvöld að breyta innheimtu gjalda á ökutæki sem mun að líkindum einnig hafa áhrif til lækkunar á mældri verðbólgu.
19. ágúst 2024
Uppfærð gögn Seðlabankans gefa til kynna að kortavelta íslenskra heimila hafi verið þó nokkuð meiri á þessu ári en áður var talið. Heildarkortavelta Íslendinga hefur aukist á milli ára alla mánuði ársins og hefur verið 4% meiri að raunvirði það sem af er ári en á sama tímabili í fyrra.
19. ágúst 2024
Kortavelta erlendra ferðamanna hér á landi það sem af er ári er meiri en áður var talið, samkvæmt uppfærðum tölum sem Seðlabanki Íslands birti í síðustu viku. Í þessari viku ber hæst vaxtaákvörðun hjá Seðlabankanum á miðvikudag.
16. ágúst 2024
Uppfærðar tölur um kortaveltu teikna upp töluvert aðra mynd af stöðu ferðaþjónustunnar en áður birt gögn. Það sem af er ári hefur kortavelta aukist frá fyrra ári, þvert á það sem áður var talið. Ferðamenn eru því lítillega fleiri í ár en í fyrra og eyða meiru.