Tekj­ur af er­lend­um ferða­mönn­um mun meiri nú en fyr­ir far­ald­ur

Neyslumynstur erlendra ferðamanna hefur breyst mikið frá því faraldurinn skall á. Þannig eyddi hver ferðamaður tvöfalt til þrefalt meira í sínum heimagjaldmiðli á fyrstu tveimur fjórðungum ársins í ár borið saman við sama tímabil árið 2019, þ.e. síðasta árið fyrir faraldur. Hvort þessi neyslubreyting verður að einhverju leyti varanleg verður tíminn að leiða í ljós en líklegt er að svipuð þróun haldist a.m.k. fram á næsta ár. Auknar meðaltekjur á hvern ferðamann hafa dregið umtalsvert úr neikvæðum áhrifum af fækkun ferðamanna vegna faraldursins og stutt við ferðaþjónustuna.
Sky Lagoon
24. september 2021 - Hagfræðideild

Gögn Hagstofunnar benda til þess að neysla erlendra ferðamanna hér á landi, mælt í þeirra eigin heimamynt, hafi verið mun meiri á fyrri helmingi ársins en á sama tímabili áður en faraldurinn hófst, þ.e. á fyrri árshelmingi ársins 2019. Þannig mældust útgjöld erlendra ferðamanna vegna ferðalaga hingað til lands 490 þúsund á hvern ferðamann á fyrsta ársfjórðungi og 417 þúsund á öðrum ársfjórðungi. Til samanburðar mældist neyslan 156 þúsund á fyrsta fjórðungi 2019 og 197 þúsund krónur á öðrum fjórðungi sama árs.

Á fyrsta fjórðungi þessa árs var neyslan því rúmlega þrefalt meiri en á sama fjórðungi 2019 og rúmlega tvöfalt meiri á öðrum ársfjórðungi. Á fyrri hluta ársins var meðalneyslan 140% meiri en árið 2019. Segja má að þessi þróun hafi hafist fljótlega eftir að faraldurinn hófst. Þannig var meðalneysla ferðamanna um 370 þúsund á fjórða fjórðungi á síðasta ári og jókst þá um 167% milli ára. Aukningin á þriðja fjórðungi síðasta árs var síðan 41%.

Lesa Hagsjána í heild:

Hagsjá: Tekjur af erlendum ferðamönnum mun meiri nú en fyrir faraldur

Þú gætir einnig haft áhuga á
Skólavörðustígur í Reykjavík
22. okt. 2021

Enn hækkar íbúðaverð

Íbúðaverð hækkaði um 1,2% milli mánaða í september sem verður að teljast veruleg hækkun í sögulegu samhengi. Íbúðasala var hinsvegar minni en á fyrri mánuðum árs og því mögulega einhver merki um að markaðurinn sé að róast. Hagfræðideild spáir 14% hækkun íbúðaverðs milli ára í ár og 9% á næsta ári.
20. okt. 2021

Þjóðhags- og verðbólguspá 2021-2024

Efnahagsbatinn er hafinn af fullum krafti og horfur eru á kröftugum hagvexti 2021 og 2022. Ferðaþjónustan er vöknuð úr dvala, horfur eru á sérstaklega góðri loðnuvertíð og atvinnuleysi heldur áfram að minnka. Töluverðar áskoranir eru í ríkisfjármálum og kröftugur efnahagsbati og þrálát verðbólga munu knýja á um töluverða hækkun stýrivaxta, áður en aðstæður skapast til að lækka þá á nýjan leik. Þetta er meðal þess sem kemur fram í þjóðhags- og verðbólguspá Hagfræðideildar Landsbankans 2021-2024.
Flugvél
18. okt. 2021

Vikubyrjun 18. október 2021

Um 40% færri ferðamenn fóru um Leifsstöð í september en í september 2019. Velta erlendra greiðslukorta hér á landi í september var hins vegar einungis 9% lægri en í september 2019.
Seðlabanki Íslands
14. okt. 2021

Spáum 4,5% verðbólgu í október

Hagstofan birtir septembermælingu vísitölu neysluverðs (VNV) miðvikudaginn 27. október. Hagfræðideild Landsbankans spáir 0,6% hækkun vísitölunnar milli mánaða. Gangi spáin eftir hækkar verðbólgan úr 4,4% í 4,5%. Verðbólga án húsnæðis hefur gengið nokkuð hratt niður að undanförnu og mældist hún 3,3% í september en hún sló hæst í 4,7% í janúar. Við spáum því að verðbólga án húsnæðiskostnaðar verði 3,4% í október.
Smiður
11. okt. 2021

Atvinnuleysi minnkaði um 0,5% í september og er nú svipað og fyrir faraldur

Samkvæmt tölum Vinnumálastofnunar var skráð atvinnuleysi í september 5,0% af áætluðum fjölda fólks á vinnumarkaði og hafði minnkað úr 5,5% frá því í ágúst. 10.428 manns voru á atvinnuleysisskrá í lok september og fækkaði um 1.071 í september. Almennt skráð atvinnuleysi náði hámarki í janúar 2021 þegar það var 11,6% og hefur þannig minnkað um 6,6 prósentustig síðan þá.
Ferðafólk
11. okt. 2021

Vikubyrjun 11. október 2021

Munurinn á ávöxtunarkröfu óverðtryggðra og verðtryggðra skuldabréfa, útgefin af ríkinu til svipaðs langs tíma, hefur aukist síðan hann var minnstur um mitt ár 2020. Þetta bendir til þess að markaðurinn hafi auknar áhyggjur af verðbólgu.
Dalir og evrur
7. okt. 2021

Krónan veiktist í september

Íslenska krónan veiktist á móti gjaldmiðlum helstu viðskiptalanda okkar í september. Í lok mánaðarins stóð evran í 150,9 krónum samanborið við 149,6 í lok ágúst. SÍ greip inn í markaðinn fimm daga í september og seldi evrur í öll skiptin.
5. okt. 2021

Mánaðaryfirlit yfir sértryggð skuldabréf

Í september seldi Landsbankinn bréf að fjárhæð 3.040 m.kr., Íslandsbanki hafnaði öllum tilboðum í útboði sínu en Arion banki hélt ekki útboð. Ávöxtunarkrafan á flestum óverðtryggðu flokkunum hækkaði í september, en lækkaði á flestum verðtryggðu flokkunum.
Fjölbýlishús
4. okt. 2021

Leiga heldur ekki í við þróun íbúðaverðs

Á meðan íbúðaverð hækkar óðum, er staðan á leigumarkaði afar róleg þar sem raunverð hefur lækkað síðustu misseri. Lágir vextir hafa auðveldað mörgum kaup og eftirspurn eftir leiguhúsnæði hefur því dregist saman á sama tíma og framboð hefur aukist. Arðsemi þess að kaupa íbúð til þess að leigja út hefur að líkindum minnkað.
Fjölbýlishús
4. okt. 2021

Vikubyrjun 4. október 2021

Innan við helmingur af fasteignalánum heimilanna eru verðtryggð núna.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur