Í Evrópu fækkaði gistinóttum einna mest hér á landi
Efnahagsleg áhrif farsóttarinnar hafa verið mikil á ferðaþjónustu alls staðar í heiminum. Lokanir eða takmarkanir á landamærum hafa dregið mjög mikið úr ferðalögum og fækkað gistinóttum. Áhrifin hér á landi hafa verið ívið meiri en víðast hvar annars staðar. Þannig var fækkun gistinótta erlendra ferðamanna á skráðum gististöðum hér á landi á öðrum og þriðja fjórðungi síðasta árs ein sú mesta sé miðað við önnur Evrópulönd.
9. febrúar 2021 - Hagfræðideild
Gistinætur ferðamanna hér á landi námu alls tæplega 458 þúsund á öðrum og þriðja ársfjórðungi. Þeim fækkaði um 90,1% frá sama tímabili árið áður. Í hópi 27 Evrópulanda var einungis ein þjóð þar sem gistinóttum fækkaði meira. Það er Norður-Makedónía en þar fækkaði gistinóttum um 94,1%. Í þriðja sæti komu Spánverjar með 87,3% fækkun og frændur okkar Finnar komu þar skammt á eftir í fjórða sæti með 81,1% fækkun. Næsta Norðurlandaþjóð þar á eftir var Svíþjóð með 82,3% fækkun. Síðan komu Norðmenn með 80,3% fækkun og Danmörk með 65%. Meðalfækkunin hjá þessum 27 þjóðum var 72,4% á milli þessara tímabila. Í einu af þessum löndum mældist aukning en það var í Austurríki þar sem gistinóttum fjölgaði um 7,3%. Þetta kann að skýrast af rýmri sóttvarnarreglum en annars staðar. Í Króatíu var fækkunin minnst eða 57,2%. Þar á eftir kom Lúxemborg með 58,5% og Holland með 60%. Ástæðan fyrir meiri fækkun gistinótta hér á landi en að meðaltali í öðrum löndum liggur m.a. í því að hingað verður ekki komið akandi eða með annars konar fararmáta á landi.
Lesa Hagsjána í heild
Þú gætir einnig haft áhuga á
25. feb. 2021
4,1% verðbólga í febrúar – áfram yfir markmiði Seðlabankans
Vísitala neysluverðs (VNV) hækkaði um 0,69% milli mánaða í febrúar og mælist verðbólga nú 4,1% samanborið við 4,3% í janúar. Verðbólga er því enn yfir efri vikmörkum Seðlabankans um verðbólgumarkmið.
24. feb. 2021
Launavísitalan hækkaði um 3,7% í janúar - kaupmáttur jókst um 5,8% milli ára
Launavísitalan hækkaði um 3,7% milli desember og janúar. Síðustu 12 mánuði hefur launavísitalan hækkað um 10,3%. Þetta er mesta hækkun launavísitölunnar í einum mánuði síðan í júní 2011 og mesta árshækkun frá því í október 2016. Kaupmáttaraukningin á milli ára var 5,8% og hefur kaupmáttur launa aldrei verið hærri en nú í janúar.
22. feb. 2021
Hagsjá: Miklar hækkanir á hlutabréfamarkaði
Mikið líf hefur verið á íslenskum hlutabréfamarkaði á síðustu mánuðum og verðhækkanir verið miklar. Frá áramótum hefur OMXI10 vísitalan hækkað um rúmlega 18% en það er mikil hækkun á svo skömmum tíma. Frá því að markaðurinn náði lágmarki í mars á síðasta ári hefur hann hækkað um tæplega 91%. Viðskipti á markaðnum hafa einnig aukist mikið á síðustu misserum og var desembermánuður metmánuður í fjölda viðskipta en þá voru hlutabréfaviðskipti tæplega 9.500.
22. feb. 2021
Vikubyrjun 22. febrúar 2021
Það gengur mishratt að bólusetja gegn Covid-19 í helstu viðskiptalöndum okkar. Bólusetning gengur hraðast fyrir sig í Bretlandi og Bandaríkjunum, en mun hægar í Evrópusambandinu, Danmörku, Noregi og Svíþjóð.
19. feb. 2021
Neysla landsmanna innanlands meiri í janúar í ár en í fyrra
Neysla Íslendinga jókst um 2,5% innanlands miðað við fast verðlag í janúar og dróst saman um 46% erlendis miðað við fast gengi. Daglegt líf innanlands virðist smám saman vera að komast í eðlilegra horf eftir því sem slakað hefur verið á samkomutakmörkunum og má gera ráð fyrir því að neysla litist af því næstu mánuði.
18. feb. 2021
Atvinnuleysi mest á Íslandi af Norðurlöndunum
Vorið 2020 jókst atvinnuleysi á öllum Norðurlöndunum. Tímabundið var aukningin mest á Íslandi og í Noregi þar sem hlutabætur komu meira til sögunnar en í hinum löndunum. Sé hins vegar litið á stöðuna í lok ársins, þegar hlutabæturnar voru farnar að skipta mun minna máli, má sjá að þróunin hér á landi er mjög frábrugðin hinum löndunum. Hér hefur atvinnuleysi haldið áfram að aukast og var komið yfir 10% í lok ársins. Frá miðju síðasta ári hefur atvinnuleysi verið óbreytt í Finnlandi en minnkað í Svíþjóð, Danmörku og Noregi.
17. feb. 2021
Óvenju lítil hækkun íbúðaverðs í janúar
Íbúðaverð hækkaði nokkuð minna milli mánaða í janúar en á fyrri mánuðum, eða aðeins um 0,1%. Of snemmt er að segja til um hvort almennt sé að hægja á verðhækkunum. Spenna virðist nokkur á markaði þar sem íbúðir seljast hraðar en áður og oft yfir ásettu verði. Þrátt fyrir það þróast íbúðaverð nokkuð hægt og í ágætu samræmi við verðlag annarra vara.
16. feb. 2021
Atvinnuleysi jókst minna í janúar en reikna mátti með
Á árinu 2000 voru konur með grunnskólapróf 67% atvinnulausra kvenna og konur með háskólapróf 7%. Á síðustu 20 árum hafa þessir tveir hópar þróast með algerlega gagnstæðum hætti. Hlutfall kvenna með grunnskólapróf af atvinnulausum konum hefur farið sífellt minnkandi og hlutfall háskólamenntaðra kvenna sífellt aukist. Í fyrra voru atvinnulausar konur með grunnskólamenntun 37% atvinnulausra kvenna og konur með háskólamenntun 33%.
15. feb. 2021
Mikil verðlækkun á gistingu hér á landi
Ein af afleiðingum minnkandi ferðalaga í heiminum eru almennar verðlækkanir á þjónustu hótela og gistiheimila. Verðlækkanirnar hafa þó verið mismiklar eftir löndum og skýrist það m.a. af því að farsóttin hefur haft mismikil áhrif á ferðaþjónustu hvers lands. Verðlækkun á gistingu hér á landi á síðasta ári var til að mynda mun meiri en að jafnaði í evrulöndunum.
15. feb. 2021
Vikubyrjun 15. febrúar 2021
Frá aldamótum hefur að jafnaði verið hafin bygging á fleiri íbúðum á hverja 100.000 íbúa hér á landi en á hinum Norðurlöndunum. Hér hefur verið hafin bygging á tæplega 670 íbúðum að meðaltali á hverja 100.000 íbúa á ári frá aldamótum, meðan fjöldinn er á bilinu 350-580 í Svíþjóð, Danmörku og Noregi.