Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur

Hag­sjá: Fjölg­un starfa frá 2010 að mestu leyti í ferða­þjón­ustu

Starfsfólki á vinnumarkaði hér á landi fjölgaði um rúm 40 þúsund frá 2010-2018. Sé litið á þær greinar þar sem fjölgun starfsfólks var mest kemur ekki á óvart að margar þeirra tengjast ferðaþjónustu sem skapaði fjögur af hverjum tíu störfum sem urðu til á þessum 8 árum.
24. júní 2019

Samantekt

Samkvæmt tölum Hagstofu Íslands um einkennandi atvinnugreinar í ferðaþjónustu fjölgaði starfsfólki í þessum greinum um rúmlega 16 þúsund frá árinu 2010 til 2018 sé tekið mið af meðaltölum áranna. Mest var fjölgunin í rekstri gististaða og veitingasölu og -þjónustu.

Nokkur fækkun starfsfólks var í greininni milli 2008 og 2009 en svo mikil og stöðug fjölgun allt fram til ársins 2018. Meðalfjölgun á ári á öllu tímabilinu var 8,7% og frá árinu 2010 fram til 2018 var meðalfjölgunin á ári 11,6%.

Sé litið á fyrstu þrjá mánuði ársins 2018 og 2019 fækkaði um u.þ.b. 630 í þessum greinum, fyrst og fremst í rekstri gististaða. WOW air var enn í rekstri fyrstu þrjá mánuði ársins 2019 þannig að áhrifa gjaldþrots félagsins gætir ekki í þessum tölum.

Samkvæmt tölum Hagstofunnar um fjölda starfsfólks á vinnumarkaði hér á landi fjölgaði starfsfólki um rúm 40 þúsund frá 2010-2018. Ferðaþjónustan skapaði því fjögur af hverjum tíu störfum sem urðu til á þessum 8 árum.

Sé litið á þær greinar þar sem fjölgun starfsfólks var mest kemur ekki á óvart að margar þeirra tengjast ferðaþjónustu. Mesta fjölgunin var í rekstri gististaða og veitingarekstri, eða um tæp 8 þúsund manns. Fjölgun var næstmest í byggingarstarfsemi og mannvirkjagerð, um 5.700 manns, en frá 2008 til 2010 hafði starfsfólki í greininni fækkað um helming, úr 15.000 manns niður í 7.500. Rekstur ferðaskrifstofa og tengd starfsemi var með þriðju mesta fjölgunina og þar á eftir komu flutningar með flugi og smásöluverslun. Þær níu greinar sem voru með mesta fjölgun starfa á þessu tímabili skiluðu um 27.500 nýjum störfum, eða tæplega 70% nýrra starfa í hagkerfinu á þessum tíma.

Langmesta fækkun starfa á milli áranna 2010 og 2018 var í fjármálaþjónustu (án tryggingarfélaga og lífeyrissjóða) en þar fækkaði um 1.100 manns, til viðbótar við fækkun um 1.300 manns á tímabilinu 2008-2010, eða um 2.400 manns frá 2008-2018. Næstmesta fækkunin var í útgáfustarfsemi og í fiskveiðum og fiskeldi. Fækkun starfsfólks í þeim 10 greinum þar sem fækkunin var mest var samtals um 2.800 manns frá 2010 til 2018.

Tölurnar um ferðaþjónustuna ná einungis fram í mars á þessu ári, en á fyrstu þremur mánuðum ársins 2019 fækkaði um u.þ.b. 630 manns í einkennandi atvinnugreinum ferðaþjónustu þrátt fyrir að WOW air hafi enn verið í rekstri á þeim tíma. Tölur um fjölda starfsfólks í hagkerfinu öllu á fyrsta ársfjórðungi eru ekki enn komnar fram.

Skráð atvinnuleysi skv. tölum Vinnumálastofnunar var að meðaltali 3,1% á fyrsta ársfjórðungi 2019,en var komið upp í 3,6% í maí. Sé litið sérstaklega á Suðurnes þar sem ferðaþjónustan vegur einna þyngst var atvinnuleysið að meðaltali 5,1% fyrstu mánuði ársins, en var komið upp í 6,6% í apríl.

Atvinnuleysi hefur aukist síðustu mánuði, aðallega á Suðurnesjum, þar sem samdráttur í ferðaþjónustu kemur mest fram. Almennt er spáð samdrætti í hagkerfinu á þessu ári, en að sú staða verði ekki langvinn. Þess er því að vænta að sú mikla fjölgun starfa sem við höfum séð á síðustu árum verði mun hægari eða þróunin jafnvel neikvæð á allra næstu misserum.

Lesa Hagsjána í heild

Hagsjá: Fjölgun starfa frá 2010 að mestu leyti í ferðaþjónustu (PDF)

Þú gætir einnig haft áhuga á
Flutningaskip við Vestmannaeyjar
7. maí 2025
Stór hluti íslensks vöruútflutnings til Bandaríkjanna undanþeginn tollum
Ætla má að um þriðjungur íslenskra vara sem fluttar eru frá Íslandi til Bandaríkjanna sé undanþeginn þeim tollum sem nú eru í gildi, til dæmis lyf og flestar lækningavörur. Óvissa um framvindu mála í alþjóðaviðskiptum getur samt ein og sér leitt til þess að fyrirtæki halda að sér höndum og ráðast síður í nýjar fjárfestingar. Á síðasta ári fór um 12% af vöruútflutningi Íslands til Bandaríkjanna.
Dollarar og Evrur
5. maí 2025
Vikubyrjun 5. maí 2025
Í apríl jókst verðbólga úr 3,8% í 4,2%, nokkuð umfram okkar spá um 4,0% verðbólgu. Velta samkvæmt VSK-skýrslum jókst á milli ára í flestum atvinnugreinum á fyrstu tveimur mánuðum ársins. Á fyrsta ársfjórðungi mældist hagvöxtur á evrusvæðinu en samdráttur í Bandaríkjunum. Í þessari viku er vaxtaákvörðun í Bandaríkjunum og einnig í Bretlandi.
2. maí 2025
Mánaðamót 2. maí 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
Fasteignir
2. maí 2025
Leiguverð á hraðari uppleið en kaupverð undanfarið
Ör fólksfjölgun og hækkun húsnæðisverðs hefur aukið eftirspurn eftir leiguíbúðum. Stærstur hluti Airbnb-íbúða er nú leigður út af leigusölum með fleiri en tvær íbúðir í útleigu. Frumvarp um hert skilyrði um skammtímaleigu hefur verið sett í samráðsgátt. Hömlur á skammtímaleigu gætu aukið framboð leiguíbúða og jafnvel söluframboð. 
29. apríl 2025
Verðbólga yfir væntingum og mælist 4,2%
Verðbólga mældist 4,2% í apríl og hækkaði úr 3,8% frá því í mars. Verðbólga var umfram okkar spá, einkum vegna þess að reiknuð húsaleiga og verð á matvörum hækkaði meira en við bjuggumst við.
Alþjóðagjaldeyrissjóðurinn
28. apríl 2025
Versnandi efnahagshorfur í heiminum að mati AGS
Alþjóðagjaldeyrissjóðurinn (AGS) birti nýja efnahagsspá um páskana. Hagvaxtarhorfur í heiminum hafa verið færðar niður og AGS telur að spenna í alþjóðaviðskiptum og veruleg óvissa komi til með að draga úr umsvifum í heimshagkerfinu.
USD
28. apríl 2025
Vikubyrjun 28. apríl 2025
Hagstofan birtir verðbólgutölur fyrir aprílmánuð á morgun og við búumst við að verðbólga hækki tímabundið upp í 4%. Í vikunni fáum við fyrstu uppgjör fyrir fyrsta ársfjórðung og fyrsta mat á hagvexti í Bandaríkjunum og á evrusvæðinu á fyrsta ársfjórðungi.
Íbúðir
23. apríl 2025
Horfur á hófstilltum hækkunum á íbúðaverði
Við teljum horfur á tiltölulega hófstilltum verðhækkunum á íbúðamarkaði næstu árin, 5,9% hækkun á þessu ári, 4,8% hækkun á næsta ári og 6,4% hækkun árið 2027. Til samanburðar hefur íbúðaverð hækkað um 9% á ári að jafnaði frá aldamótum, og að meðaltali um 13% á ári frá árinu 2021. 
Greiðsla
22. apríl 2025
Vikubyrjun 22. apríl 2025
Leiguverð hefur hækkað um 11,3% á síðustu tólf mánuðum, þó nokkuð meira en íbúðaverð sem hefur hækkað um 8% á sama tímabili. Hækkanir á íbúða- og leigumarkaði eru þó nokkuð umfram almennar verðhækkanir í landinu, en verðbólga mældist 3,8% í mars. Áfram er kraftur í innlendri neyslu, greiðslukortavelta heimila hefur aukist statt og stöðugt síðustu mánuði og var 1,8% meiri í mars síðastliðnum en í mars í fyrra.  
Gönguleið
16. apríl 2025
Óljósar horfur í ferðaþjónustu vegna sviptinga í alþjóðasamskiptum
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.