Hag­sjá: Fast­eigna­verð hækk­aði hressi­lega í nóv­em­ber

Raunverð íbúðarhúsnæðis hefur aldrei verið hærra en einmitt nú. Raunverð fór hæst í október 2007 fyrir hrun en lækkaði svo mikið. Það náði aftur sama stigi í apríl 2017 og síðan hefur það hækkað um 8,7%.
19. desember 2018

Samantekt

Samkvæmt tölum Þjóðskrár hækkaði fasteignaverð á höfuðborgarsvæðinu um 1,0% milli október og nóvember. Verð á fjölbýli hækkaði um 0,8% og verð á sérbýli hækkaði um 1,7%. Verð á fjölbýli hefur hækkað um 5,9% á síðustu 12 mánuðum og verð á sérbýli um 5,4%. Árshækkun húsnæðisverðs nemur nú 5,9%.

Veruleg hækkun fasteignaverðs á síðustu misserum hefur orðið samhliða lágri verðbólgu og reyndar var verðbólga án húsnæðis lengi neikvæð, eða allt þar til í maí síðastliðnum. Raunverð íbúðarhúsnæðis hefur aldrei verið hærra en einmitt nú. Raunverð fór hæst í október 2007 fyrir hrun en lækkaði svo mikið. Það náði aftur sama stigi í apríl 2017 og síðan hefur það hækkað um 8,7%.

Verulega hefur hægt á árshækkuninni síðustu mánuði. Þannig var raunverð fasteigna nú í nóvember um 3,4% hærra en í nóvember 2017. Þar sem verðbólga er enn tiltölulega lág helst raunverð fasteigna nokkuð stöðugt, þrátt fyrir hóflegar hækkanir sem halda nokkurn veginn í við verðbólgu. Hækkun raunverðs síðustu 12 mánuði er mun minni en árin tvö þar á undan. Samsvarandi tölur voru 17,9% fyrir 2017 og 15,2% fyrir 2016.

Viðskipti með íbúðarhúsnæði á höfuðborgarsvæðinu voru töluvert fleiri í nóvember en mánuðina tvo þar á undan. Meðalfjöldi viðskipta síðustu 4 mánuði fram til nóvember var um 670 viðskipti til samanburðar við u.þ.b. 560 viðskipti á sama tíma á síðasta ári og um 650 á árinu 2016. Markaðurinn er því þokkalega líflegur miðað við síðustu ár.

Sala á nýjum íbúðum hefur aukist mikið að undanförnu. Samkvæmt gögnum Þjóðskrár var um 22% viðskipta það sem af er árinu með nýja íbúðir. Sambærileg tala fyrir árið 2017 var 4,6%.

Þá hefur verð nýrra íbúða hækkað talsvert meira en þeirra eldri á fyrstu 11 mánuðum þessa árs miðað við sama tíma í fyrra. Nýjar íbúðir hafa hækkað um 5,1% á þessu tímabili en þær eldri um 4%. Þetta felur líka í sér að munur á fermetraverði nýrra og eldri íbúða hefur aukist. Á fyrstu 11 mánuðum ársins 2017 voru nýjar íbúðir 15,5% dýrari en þær eldri, samanborið við að þær hafa verð 17,8% dýrari á þessu ári.

Verðþróun nýrra íbúða á þessu ári hefur verið nokkuð sveiflukennd innan ársins. Verðhækkunin frá janúar fram í nóvember er 15,4% samkvæmt verðsjá Þjóðskrár.

Mikil umræða hefur verið um skort á minni íbúðum á markaði. Fyrstu 11 mánuði ársins 2017 voru seldar nýjar íbúðir að jafnaði um 116 m2 samkvæmt tölum Þjóðskrár. Meðalstærð seldra nýrra íbúða er mun minni í ár, eða um 102 m2. Á þessum tíma í fyrra voru nýjar íbúðir að jafnaði 18,5% stærri en seldar eldri íbúðir. Í ár hafa nýjar íbúðir verið 4,1% stærri en þær eldri. Þessi minnkun nýrra íbúða skýrir meiri verðhækkun þeirra að einhverju leyti.

Það er hins vegar ólíklegt að meðalstærð nýrra íbúða upp á rúmlega 1oo m2 sé nógu stórt skref til þess að svara þeim kröfum sem markaðurinn er talinn hafa um litlar íbúðir.

Fasteignaverð á höfuðborgarsvæðinu hækkaði um 18,9% milli áranna 2016 og 2017 og var það langmesta hækkunin frá árinu 2005. Nú lítur út fyrir að hækkunin milli áranna 2017 og 2018 verði í kringum 5% sem verður þá minnsta hækkun milli ára allt frá árinu 2010 þegar verðið lækkaði um 3,8% milli ára. Árshækkunin nú er sú mesta síðan í mars á þessu ári þannig að þróunin er heldur upp á við. Engu að síður hefur þó orðið grundvallarbreyting á fasteignamarkaðnum á höfuðborgarsvæðinu á síðustu misserum.

Lesa Hagsjána í heild

Hagsjá: Fasteignaverð hækkaði hressilega í nóvember (PDF)

Þú gætir einnig haft áhuga á
Fjölbýlishús
19. júní 2024
Vísitala íbúðaverðs á hraðri uppleið
Vísitala íbúðaverðs hækkaði um 1,4% á milli mánaða í maí. Nafnverð íbúða er 8,4% hærra en á sama tíma í fyrra og raunverð íbúða er 4% hærra. Undirritaðir kaupsamningar um íbúðir á höfuðborgarsvæðinu voru 150% fleiri í maí á þessu ári en í maí í fyrra.  
Krani með stiga
18. júní 2024
Vikubyrjun 18. júní 2024
Í síðustu viku fengum við tölur um atvinnuleysi, fjölda ferðamanna og greiðslukortaveltu hér á landi í maí. Seðlabanki Bandaríkjanna hélt vöxtum óbreyttum. Síðar í dag birtir HMS vísitölu íbúðaverðs.
Strönd
14. júní 2024
Óvæntur kraftur í kortaveltu í maí
Kortavelta íslenskra heimila jókst á milli ára í maí, bæði innanlands og erlendis. Síðustu mánuði hefur kortavelta nær alltaf dregist saman á milli ára en eykst nú meira en hún hefur gert frá því í janúar 2023. Þessi aukna kortavelta vekur athygli í þrálátu hávaxtastigi og samdrætti í hagkerfinu á fyrsta ársfjórðungi.
Frosnir ávextir og grænmeti
13. júní 2024
Spáum rétt tæplega 6% verðbólgu í sumar
Við spáum því að vísitala neysluverðs hækki um 0,47% á milli mánaða í júní og að verðbólga lækki í 5,8%. Samkvæmt spánni verða hækkanirnar nokkuð almennar, líkt og í síðasta mánuði. Við spáum nokkuð óbreyttri verðbólgu næstu mánuði.
Ferðafólk
11. júní 2024
Fleiri ferðamenn en minni verðmæti
Á fyrstu fimm mánuðum ársins komu 3,9% fleiri erlendir ferðamenn til Íslands en á sama tíma í fyrra. Á móti hefur skráðum gistinóttum fækkað um hálft prósent á fyrstu fjórum mánuðum ársins frá sama tímabili í fyrra og að sama skapi hefur kortavelta erlendra ferðamanna á föstu gengi dregist saman um tæplega 2% á milli ára.
Seðlabanki Íslands
10. júní 2024
Vikubyrjun 10. júní 2024
Evrópski seðlabankinn lækkaði vexti í síðustu viku. Vinnumarkaðstölur frá Bandaríkjunum voru sterkari en almennt var búist við sem eykur líkurnar á að vaxtalækkunarferli seðlabankans þar í landi seinki.
6. júní 2024
Mánaðaryfirlit yfir sértryggð skuldabréf - maí 2024
Meðfylgjandi er mánaðarlegt yfirlit sértryggðra skuldabréfa.
Flutningaskip
5. júní 2024
Aukinn halli á viðskiptum við útlönd
Alls var 41 ma. kr. halli á viðskiptum við útlönd á fyrsta ársfjórðungi. Hallinn jókst nokkuð milli ára. Þrátt fyrir þetta batnaði erlend staða þjóðarbúsins á fjórðungnum.
4. júní 2024
Fréttabréf Hagfræðideildar 4. júní 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
3. júní 2024
Vikubyrjun 3. júní 2024
Landsframleiðsla dróst saman um 4% á fyrsta ársfjórðungi og verðbólga mældist 6,2% í maí, aðeins umfram spár.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur