Hag­sjá: 18% fækk­un ferða­manna í októ­ber

Það sem af er ári hefur ferðamönnum frá Norður-Ameríku fækkað mest á sama tíma og ferðamönnum frá Kína og Rússlandi fjölgar. Um 163.000 ferðamenn komu til landsins í gegnum Leifsstöð í október og voru þeir 18,4% færri en í október 2018.
14. nóvember 2019

Samantekt

Líkt og kunnugt er hefur ferðamönnum fækkað verulega og samsetning þeirra tekið breytingum í takt við minna framboð flugsæta til landsins. Samkvæmt nýbirtum tölum Ferðamálastofu komu 163 þús. ferðamenn til landsins í gegnum Leifsstöð í október og voru þeir 18,4% færri en í október fyrir ári síðan.

Á þriðja ársfjórðungi komu 17% færri ferðamenn til landsins samanborið við sama tímabil í fyrra sem er ögn minni samdráttur en varð á öðrum ársfjórðungi, þegar 19% færri ferðamenn komu. Hagfræðideild spáði fyrr í haust alls tæplega 14% fækkun ferðamanna í ár sem er nokkurn veginn í takt við þróunina það sem af er ári og mesti samdrátturinn því að öllum líkindum yfirstaðinn. Á næsta ári spáum við svo 3% fjölgun erlendra ferðamanna.<(p>

Ef litið er til þróunar eftir þjóðerni sést að ferðamönnum frá Norður-Ameríku hefur fækkað áberandi mest, bæði hlutfallslega og í fjölda talið. Á þriðja ársfjórðungi komu 38% færri Bandaríkjamenn til landsins samanborið við sama tímabil í fyrra og 26% færri Kanadamenn.

Það er þó ekki að greina fækkun meðal allra þjóðerna. Ferðamönnum frá Kína hefur til að mynda fjölgað á öllum fjórðungum þessa árs samanborið við stöðuna fyrir ári síðan. Það sem af er ári hafa 81 þús. Kínverjar komið til landsins sem er 12% fjölgun frá því í fyrra. Rússum hefur einnig fjölgað mikið, bæði hlutfallslega og í fjölda talið. Það sem af er ári hafa 16 þús. Rússar komið til landsins sem er 18% fjölgun samanborið við fyrstu 10 mánuðina í fyrra.

Meðal fjölmennustu þjóðerna sem koma hingað til lands eyða Bandaríkjamenn mestu. Hver Bandaríkjamaður sem kom hingað til lands á fyrstu 9 mánuðum árs eyddi að meðaltali 155 þús. kr á meðan að dvöl hans stóð. Á eftir Bandaríkjamönnum eyddu Bretar mestu, tæplega 150 þús. kr., og Kínverjar eyddu minnst, tæplega 80 þús. kr. á mann.

Lesa Hagsjána í heild

Hagsjá: 18% fækkun ferðamanna í október (PDF)

Þú gætir einnig haft áhuga á
Vöruhótel
26. feb. 2024
Vikubyrjun 26. febrúar 2024
Á árunum 2010 til 2019 var samfelldur afgangur af vöru- og þjónustuviðskiptum við útlönd. Nokkur halli var árin 2020 og 2021 á meðan heimsfaraldurinn geisaði, en síðan hafa utanríkisviðskipti verið nokkurn veginn í jafnvægi.
Gata í Reykjavík
22. feb. 2024
Vísitala íbúðaverðs hækkar áfram örlítið milli mánaða
Vísitala íbúðaverðs hækkaði um 0,4% á milli mánaða í janúar. Sérbýli hækkaði um 0,1% og fjölbýli um 0,4%. Raunverð íbúða er nokkurn veginn það sama og fyrir einu ári. Undirrituðum kaupsamningum á höfuðborgarsvæðinu fjölgaði á milli ára síðustu fjóra mánuði eftir að hafa fækkað sífellt frá miðju ári 2021.
Bátur
19. feb. 2024
Vikubyrjun 19. febrúar 2024
Nokkur breyting hefur orðið á samsetningu vinnumarkaðarins hér á landi frá árinu 1991. Stjórnendum, sérfræðingum, sérmenntuðu starfsfólki, þjónustu- og verslunarfólki hefur fjölgað verulega á sama tíma og skrifstofufólki, bændum og fiskveiðifólki hefur fækkað.
Peningaseðlar
15. feb. 2024
Spáum áframhaldandi hjöðnun í febrúar: Úr 6,7% í 6,1%
Við spáum því að vísitala neysluverðs hækki um 0,89% milli mánaða í febrúar og að ársverðbólga hjaðni úr 6,7% í 6,1%. Útsölulok munu hafa mest áhrif til hækkunar á milli mánaða í febrúar, samkvæmt spánni. Þá koma gjaldskrárhækkanir á sorphirðu, fráveitu og köldu vatni inn í mælingar nú í febrúar. Lægri flugfargjöld til útlanda vega þyngst á móti hækkunum, gangi spáin eftir.
Flugvél
12. feb. 2024
Ferðamenn dvelja skemur og eyða færri krónum
Um 131 þúsund erlendir ferðamenn fóru um Keflavíkurflugvöll í janúar. Þeir voru fleiri en í janúar í fyrra en færri en árin fyrir faraldur. Fjórði ársfjórðungur síðasta árs var sá fjölmennasti frá upphafi.
Smiður
12. feb. 2024
Vikubyrjun 12. febrúar 2024
Á fjórða ársfjórðungi síðasta árs voru fleiri atvinnulausir á Íslandi en sem nam lausum störfum. Því var öfugt farið um mitt ár 2022 þegar spennan á vinnumarkaði var sem mest og fyrirtæki kepptust um starfsfólk. Þessi viðsnúningur er eitt merki þess að tekið sé að draga út spennu á vinnumarkaði, ekki síst vegna aukins peningalegs aðhalds.
Hús í Reykjavík
9. feb. 2024
Meirihluti útistandandi íbúðalána nú verðtryggður
Hátt vaxtastig hefur breytt samsetningu íbúðalána til heimila. Meirihluti útistandandi íbúðalána heimila er nú verðtryggður, en heimili hafa frá byrjun síðasta árs í auknum mæli fært sig úr óverðtryggðum lánum yfir í verðtryggð. Hrein ný íbúðalán banka og lífeyrissjóða hafa aukist frá miðju síðasta ári en drógust nú saman milli mánaða í desember.
5. feb. 2024
Mánaðaryfirlit yfir sértryggð skuldabréf - janúar 2024
Meðfylgjandi er mánaðarlegt yfirlit sértryggðra skuldabréfa.
Mynt 100 kr.
5. feb. 2024
Vikubyrjun 5. febrúar 2024
Verðbólga hefur hjaðnað síðustu mánuði, en auk þess hefur hlutfall undirliða sem hafa hækkað um meira en 10% á undanförnum 12 mánuðum fækkað.
2. feb. 2024
Fréttabréf Hagfræðideildar 2. febrúar 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur