Aftur lækkanir á hlutabréfamörkuðum í ágúst

Hlutabréfamarkaðir heimsins lækkuðu aftur nokkuð í ágúst eftir mikla hækkun í júlí og kom sú lækkun helst til í lok mánaðarins. Jerome Powell, seðlabankastjóri Bandaríkjanna, hélt ræðu rétt fyrir mánaðarlok á árlegri ráðstefnu seðlabankastjóra hvaðanæva að úr heiminum. Powell sló harðari tón en hann hefur gert undanfarna mánuði og tók af allan vafa um að meginmarkmið seðlabankans yrði að ná verðbólgunni niður. Hlutabréfamarkaðurinn í Bandaríkjunum lækkaði skarpt í kjölfarið og fylgdu hlutabréfamarkaðir margra annarra landa á eftir.

2. september 2022 - Hagfræðideild

Yfir helmingur félaganna hækkaði í verði í ágúst

Vísitala aðallista Kauphallarinnar lækkaði um 2,4% í ágúst. Það gerðist þrátt fyrir að 11 félög af 22, eða helmingur félaganna, hafi hækkað í verði. 10 félög hækkuðu í verði en eitt stóð í stað, en það var Kvika banki. Lækkunin á markaðnum í heild skýrist að miklu leyti af því að Marel, sem er stærsta félagið í Kauphöllinni að markaðsvirði, lækkaði um 17,2% í ágúst. Marel var einmitt það félag sem lækkaði mest yfir mánuðinn. Eik fasteignafélag lækkaði næstmest (-13,5%) og þriðja mesta lækkunin var hjá Iceland Seafood (-9,1%). Mesta hækkunin var á bréfum Síldarvinnslunnar sem hækkuðu um 18,4% en þar á eftir komu Origo (14,1%) og Eimskip (8,2%). Marel er það félag á aðallistanum sem hefur lækkað mest á síðustu 12 mánuðum, eða um 47,6% en þar á eftir kemur Iceland Seafood með 47% lækkun. Í þriðja sætinu kemur svo Kvika banki með 15,1% lækkun. Sýn hefur hækkað mest (54,8%) en þar á eftir koma Skel fjárfestingarfélag (39,8%) og Eimskip (38%).

Hlutabréfaverð í heiminum heldur áfram að gefa eftir

Hlutabréfamarkaðir í helstu viðskiptalöndum Íslands lækkuðu um að meðaltali 3,5% í ágúst. Mikil óvissa ríkir nú í heimshagkerfinu varðandi verðbólgu sem hefur ekki verið meiri í nokkra áratugi. Óvissan snýr bæði að því hversu mikið seðlabankar muni þurfa að hækka vexti til að draga úr eftirspurn, hver verðbólgan verður og hvaða áhrif þetta samspil mun hafa á eftirspurn í heiminum og hagvaxtarþróun.

Árlega heimsráðstefna seðlabankastjóri fór fram í Jackson Hole í lok ágúst. Þar sló Jerome Powell, seðlabankastjóri Bandaríkjanna, töluvert harðari tón en hann hafði gert síðustu mánuði á undan. Hann tók af allan vafa um að bandaríski seðlabankinn myndi taka hart á verðbólgunni, vextir yrðu hækkaðir eins og þyrfti til að koma verðbólgunni aftur niður í 2% verðbólgumarkmið bankans. Hann benti á að þessar vaxtahækkanir gætu komið verulega niður á bandarískum heimilum en að þau myndu finna meira fyrir því ef ekki yrði tekið hart á verðbólgunni. Þessi ræða hafði mikil áhrif á markaðinn í Bandaríkjunum og smituðust áhrifin til annarra hlutabréfamarkaða. Eftir ræðu Powell lækkaði hlutabréfaverð í Bandaríkjunum verulega á stuttum tíma. Verðið á S&P 500 vísitölunni lækkaði um 5,8% frá 25. ágúst til mánaðarloka. Það er mikil lækkun á svo stuttum tíma. Hlutabréf höfðu hækkað um 1,7% frá byrjun mánaðarins og fram að þessari ræðu Powells. Þessi lækkun í Bandaríkjunum smitaðist síðan yfir á aðra markaði.

Mesta lækkunin í ágúst var í Danmörku og Svíþjóð

Mesta lækkunin í viðskiptalöndunum var á hlutabréfamörkuðum í Danmörku og Svíþjóð, eða yfir 7% í báðum tilfellum. Íslenski markaðurinn lækkaði um 2,4%. Tveir markaðir héldu sjó og náðu að hækka í mánuðinum. Norski markaðurinn hækkaði um 0,8% og sá japanski um 1,2%. Þetta eru einmitt þeir einu tveir markaðir stærstu viðskiptalanda sem eru með jákvæða ávöxtun á síðustu 12 mánuðum. Norski markaðurinn hefur skilað 16,9% ávöxtun á síðustu 12 mánuðum en sá japanski hefur skilað rétt yfir núllinu, eða 0,1% ávöxtun. Mestu lækkanirnar hafa verið í Þýskalandi (-27,8%), Svíþjóð (-22,9%) og Finnlandi (-19%).

Fyrirvari

Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara. Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti. Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.

Þú gætir einnig haft áhuga á

25. sept. 2023

Vikubyrjun 25. september 2023

Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.

20. sept. 2023

Vísitala íbúðaverðs hækkar lítillega og verðbólguspáin með

Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.

18. sept. 2023

Aukinn þjónustuútflutningur skýrist allur af vexti ferðaþjónustu

Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.

18. sept. 2023

Vikubyrjun 18. september 2023

Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.

15. sept. 2023

Frekari merki um hægari takt

Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.

14. sept. 2023

Spáum 7,7% verðbólgu í september

Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.

11. sept. 2023

Vikubyrjun 11. september 2023

Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.

4. sept. 2023

Mánaðaryfirlit yfir sértryggð skuldabréf - ágúst 2023

Meðfylgjandi er mánaðarlegt yfirlit um sértryggð skuldabréf.

4. sept. 2023

Vikubyrjun 4. september 2023

Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.

31. ágúst 2023

Hægir á hagvexti og einkaneysla á mann dregst saman