Vikubyrjun 8. janúar 2024
Merki eru um að dregið hafi úr spennu á vinnumarkaði eftir því sem hátt vaxtastig hefur hægt á umsvifum í hagkerfinu. Að minnsta kosti hefur þeim stjórnendum fyrirtækja fækkað verulega á síðustu mánuðum sem telja að hér á landi sé skortur á starfsfólki, samkvæmt könnun Seðlabankans og Gallup meðal stjórnenda 400 stærstu fyrirtækja landsins. Atvinnuleysi hefur þó ekki aukist svo um muni, en það mældist 3,4% í nóvember.
8. janúar 2024
Vikan framundan
- Á fimmtudag birtir Vinnumálastofnun skráð atvinnuleysi. Hagar og Ölgerðin birta árshlutauppgjör fyrir 3. ársfjórðung fjárhagsársins 2023/24.
- Í vikunni fara fram verðmælingar fyrir janúarmælingu vísitölu neysluverðs, en Hagstofan birtir hana þriðjudaginn 30. janúar.
Mynd vikunnar
Eftir því sem hægt hefur á umsvifum í hagkerfinu virðist hafa dregið úr spennu á vinnumarkaði. Þetta sést meðal annars á niðurstöðum könnunar Gallup og Seðlabankans meðal stjórnenda 400 stærstu fyrirtækja landsins. Hlutfall þeirra stjórnenda sem telja vanta starfsfólk á íslenskum vinnumarkaði var 54% í lok árs 2022 en undir lok árs 2023 var það hlutfall komið niður í um 33%. Atvinnuleysi hefur þó ekki aukist svo um muni, en það mældist 3,4% í nóvember.
Það helsta frá vikunni sem leið
- Hagstofan birti bráðabirgðatölur fyrir vöruskiptajöfnuð í desember. Alls var vöruskiptajöfnuður fyrir árið 2023 í heild neikvæður um 380 ma.kr., sem er 90 ma.kr. verri niðurstaða en árið áður. Munurinn á milli ára skýrist af því að vöruútflutningur dróst saman um 68 ma.kr. en vöruinnflutningur jókst um 22 ma.kr. Þrátt fyrir þennan halla gerum við ráð fyrir að það hafi verið afgangur af viðskiptum við útlönd í fyrra vegna mikils afgangs af þjónustujöfnuði. Upplýsingar um viðskiptajöfnuð fyrir árið 2023 í heild koma í byrjun mars.
- Seðlabankinn birti fundargerð fjármálastöðugleikanefndar vegna funda nefndarinnar 20. og 28. nóvember og 4.-5. desember 2023.
- Í síðustu viku hélt Iceland Seafood útboð á víxlum og Arion banki útboð á sértryggðum skuldabréfum.
- Á hlutabréfamarkaði þá sendi Marel tilkynning í kauphöllina um að Fjármálaeftirlitið hafi veitt JBT framlengdan frest til að birta lokaákvörðun um mögulegt yfirtökutilboð í Marel og Icelandair sendi tilkynningu um að félagið hafi undirritað samningu um langtímaleigu á Airbus A321LR.
Hagtölur og markaðsupplýsingar
Fyrirvari
Þessi umfjöllun og/eða samantekt er markaðsefni sem er ætlað til upplýsinga en felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningar eiga því ekki við, þar með talið bann við viðskiptum fyrir dreifingu. Umfjöllunin er unnin út frá opinberum upplýsingum frá aðilum sem Landsbankinn telur áreiðanlega, en bankinn getur ekki ábyrgst réttmæti upplýsinganna. Landsbankinn tekur enga ábyrgð á tjóni sem gæti hlotist af notkun upplýsinganna sem hér eru settar fram. Upplýsingar um fyrri árangur fjármálagerninga eða -vísitalna sýna nafnávöxtun, nema annað sé tekið fram. Ef árangur byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur. Nánari upplýsingar um fyrri árangur fjármálagerninga og -vísitalna má finna á vef Landsbankans, þ.m.t. um ávöxtun síðastliðinna 5 ára. Verðbréfaviðskipti fela í sér áhættu og eru lesendur hvattir til að kynna sér áhættulýsingu vegna viðskipta með fjármálagerninga og stefnu Landsbankans um hagsmunaárekstra á vef Landsbankans. Landsbankinn er viðskiptabanki sem starfar samkvæmt lögum nr. 161/2002, um fjármálafyrirtæki, og starfar undir leyfi og eftirliti fjármálaeftirlits Seðlabanka Íslands (www.fme.is).Þú gætir einnig haft áhuga á
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.
24. feb. 2025
Í vikunni birtir Hagstofan febrúarmælingu vísitölu neysluverðs og þjóðhagsreikninga fyrir lokafjórðung síðasta árs. Í síðustu viku uppfærði Hafrannsóknarstofnun ráðleggingar um loðnuafla en samkvæmt því munu íslensk skip fá um 4,6 þúsund tonn. Í síðustu viku bárust einnig gögn um greiðslukortaveltu landsmanna í janúar sem var 6,5% meiri að raunvirði en árið áður. Vísitala íbúðaverðs hækkaði um 1,5% á milli mánaða í janúar, en svo mikið hefur hún ekki hækkað síðan í febrúar 2024.