Vikubyrjun 7. ágúst 2018
Hagstofa Íslands birti tölur um vöruviðskipti við útlönd í síðustu viku. Fimmta árið í röð var vöruskiptahalli á fyrstu sex mánuðum ársins. Þó hallinn hafi dregist lítillega saman m.v. sama tíma í fyrra er hann engu að síður mikill, í sögulegu ljósi. Vöruútflutningur jókst um 18% og var 244 ma.kr. á meðan vöruinnflutningur jókst um 12,1% og var 370 ma.kr.
7. ágúst 2018
Vikan framundan
- Í dag birtir Hagstofan bráðabirgðatölur um vöruviðskipti við útlönd í júlí.
- Í dag birtir Seðlabankinn tölur um gjaldeyrismarkað, raungengi og krónumarkað.
- Á morgun birtir Þjóðskrá tölur um fasteignamarkaðinn í júlí.
- Á fimmtudag birtir Hagstofan tölur um vinnumarkaðinn, bæði fyrir júní sem og fyrir 2. ársfjórðung.
- Á föstudag birtir Seðlabankinn tölur um gjaldeyrisforðann í júlí.
Mynd vikunnar
Vöruinnflutningur jókst um 40 ma.kr. á fyrri hluta þessa árs frá sama tíma í fyrra. Stór hluti aukningarinnar er til kominn vegna aukins innflutnings á olíutengdum afurðum. Innflutningur á eldsneyti og smurolíu jókst um 16,1 ma.kr. milli tímabila. Hækkun á heimsmarkaðsverði á olíu skýrir að miklu leyti hækkun innflutningsverðmætis milli ára en meðalverð á fatinu var 70,7 Bandaríkjadalir á fyrri hluta þessa árs samanborið við 51,6 Bandaríkjadali á sama tímabili í fyrra. Frekar var fjallað um vöruskiptajöfnuð fyrri helmings ársins í Hagsjá í síðustu viku.
Það helsta frá vikunni sem leið
- Lánamál ríkisins héldu útboð ríkisvíxla.
- Hagstofan birti tölur um gistinætur og gestakomur á hótelum.
- Hagstofan birti tölur um vöruviðskipti við útlönd.
- Icelandair Group birti hálfsársuppgjör.
- Íslandsbanki birti hálfsársuppgjör.
- Arion banki birti árshlutauppgjör fyrir 2. ársfj.
- Arion banki hélt útboð sértryggðra skuldabréfa.
- Landsbankinn hélt víxlaútboð.
- Samkeppniseftirlitið samþykkti kaup N1 á öllu hlutafé í Festi.
Hagtölur og markaðsupplýsingar
Þú gætir einnig haft áhuga á
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.
21. sept. 2026
Þrátt fyrir minna flugframboð til og frá landinu hefur ferðamönnum aðeins fækkað um 1%, það sem af er ári. Tengifarþegum hefur aftur á móti fækkað og Íslendingar hafa farið í færri utanlandsferðir í ár en í fyrra. Nýlegar kortaveltutölur benda til þess að neysla ferðamanna hafi tekið við sér yfir sumarið og að áhrif sólmyrkvans hafi fremur birst í aukinni neyslu en fjölgun gesta.
21. sept. 2026
Greiðslukortavelta heimilanna dróst saman um 1,2% á milli ára í ágúst, að teknu tilliti til verðlags og gengis. Íbúðaverð hækkaði lítillega í ágúst, en leiguverð lækkaði eftir að hafa hækkað sex mánuði í röð.
18. sept. 2026
Kortavelta Íslendinga, að teknu tilliti til verðlags og gengis, dróst saman í ágúst og samdrátturinn hefur ekki mælst meiri síðan á síðari hluta árs 2023. Innanlands eyddu Íslendingar minna en á sama tíma í fyrra og vöxturinn í neyslu erlendis var minni en á síðustu mánuðum.
17. sept. 2026
Við spáum því að vísitala neysluverðs hækki um 0,23% í september og að ársverðbólga aukist úr 5,6% í 5,8%. Eldsneytisverð hækkaði skarpt um mánaðamótin þegar tímabundin lækkun virðisaukaskatts féll úr gildi. Á móti kemur að flugfargjöld til útlanda lækka í takt við árstíðasveiflu. Hærri komugjöld á heilsugæslu og gjöld vegna skimunar munu svo einnig hafa áhrif í mánuðinum.
14. sept. 2026
Fjöldi erlendra ferðamanna sem komu til landsins í ágúst stóð nánast í stað á milli ára, en utanlandsferðum Íslendinga fækkaði um 10% á sama tíma. Í síðustu viku birti fjármálaráðherra fjárlagafrumvarp fyrir næsta ár. Í vikunni fáum við vísitölu íbúðaverðs og gögn um kortaveltu í ágúst.
9. sept. 2026
Um 150 milljarða króna halli mældist á viðskiptum við útlönd á fyrstu sex mánuðum ársins. Þrátt fyrir það hefur krónan styrkst. Skýringin er líklega sú að viðskiptum við útlönd fylgir ekki alltaf samsvarandi gjaldeyrisflæði. Viðskiptajöfnuður mælir tekjur og gjöld samkvæmt uppgjörsreglum en gengið ræðst af raunverulegum og væntum kaupum og sölu á gjaldeyri.