Vikubyrjun 27. apríl
Í síðustu viku fór tunnan af West Texas Intermediate (WTI) olíu tímabundið niður fyrir núll. Um er að ræða framvirka samninga um afhendingu olíu í maí. Ólíkt t.d. framvirkum samningum með Brent-norðusjávarolíu eru opnir samningar með WTI ekki gerðir upp miðað við stundarverð heldur er olían afhent í Cushing, Oklahóma. Þegar í ljós kom að allir tankar voru fullir áttu þeir sem voru með opna samninga um að kaupa olíu engan stað til að geyma olíuna og neyddust til að borga með olíunni til þess að komast út úr samningunum.
24. apríl 2020
Vikan framundan
- Á þriðjudag birtir Síminn uppgjör fyrir 1. ársfj.
- Á miðvikudag birtir Hagstofan vísitölu neysluverðs. Við búumst við lítilli breytingu vísitölunnar milli mánaða. Eik, Festi og Origo birta uppgjör fyrir 1. ársfj.
- Á fimmtudag birtir Hagstofan niðurstöður úr mánaðarlegri vinnumarkaðsrannsókn sinni og talnaefni um gistinætur í mars.
- Icelandair birtir árshlutauppgjör í vikunni.
Mynd vikunnar
Í síðustu viku fór tunnan af West Texas Intermediate (WTI) olíu tímabundið niður fyrir núll. Um er að ræða framvirka samninga um afhendingu olíu í maí. Ólíkt t.d. framvirkum samningum með Brent-norðusjávarolíu eru opnir samningar með WTI ekki gerðir upp miðað við stundarverð heldur er olían afhent í Cushing, Oklahóma. Þegar í ljós kom að allir tankar voru fullir áttu þeir sem voru með opna samninga um að kaupa olíu engan stað til að geyma olíuna og neyddust til að borga með olíunni til þess að komast út úr samningunum.
Það helsta frá vikunni sem leið
- Seðlabankinn birti fundargerð peningastefnunefndar frá fundi nefndarinnar 2. apríl ásamt uppfærðum sviðsmyndum vegna Covid-19 faraldursins.
- Seðlabankinn tilkynnti að hann mun hefja kaup á ríkisskuldabréfum í maí.
- Íbúðaverð var nær óbreytt milli mánaða í mars.
- Viðskiptum með íbúðahúsnæði fjölgaði milli ára í mars.
- Atvinnuleysi hefur aldrei verið hærra hér á landi.
- S&P lækkaði lánshæfismat viðskiptabankanna.
- Aðalfundur Landsbankans ákvað að greiða ekki arð í ár, aðalfundur Festa ákvað að fresta arðgreiðslu í ár, aðalfundur Landsvirkjunar ákvað að greiða 10 ma.kr. í arð í ár.
- Marel (uppgjör, fjárfestakynning) birti uppgjör fyrir 1F.
- Icelandair Group tilkynnti um frekari aðgerðir vegna Covid-19 faraldursins.
- Reitir sendi frá sér tilkynningu um áhrif Covid-19 á félagið.
- Ríkisstjórnin tilkynnti um framhaldsaðgerðir vegna heimsfaraldurs Covid-19.
- Hagstofan birti skammtímavísa ferðaþjónustu.
- Hagstofan birti einnig tilraunatölfræði um vöruviðskipti, andlát eftir vikum og eldsneytissölu.
- Vinnumálastofnun opnaði mælaborð vegna minnkaðs starfshlutfalls.
- Hagdeild HMS birti mánaðarskýrslu.
- Landsbankinn lauk útboði á sértryggðum skuldabréfum, Íslandsbanki lauk einnig útboði á sértryggðum skuldabréfum og Orkuveita Reykjavíkur seldi skuldabréf.
Hagtölur og markaðsupplýsingar
Þú gætir einnig haft áhuga á
22. apríl 2026
Velta samkvæmt virðisaukaskattsskýrslum dróst saman um 5% að raunvirði í janúar og febrúar, samkvæmt nýbirtum gögnum Hagstofunnar. Þá sýna nýleg gögn um fjölda starfandi að verulega hefur dregið úr fjölgun starfa sem stóð í stað á milli ára í febrúar.
20. apríl 2026
Kortavelta jókst um 0,8% á milli ára í mars að raunvirði. Eins og síðustu mánuði jókst kortavelta erlendis talsvert en þetta var annar mánuðurinn í röð þar sem kortavelta innanlands dregst saman. Við spáum hægari vexti í einkaneyslu ásamt hóflegum launahækkunum á næstu árum.
20. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð, samkvæmt hagspá sem við birtum fyrir helgi. Við eigum von á hægfara hjöðnun verðbólgu og að stýrivextir haldi áfram að hækka á árinu.
17. apríl 2026
Horfur eru á að sú kólnun sem hefur verið í hagkerfinu undanfarið muni vara lengur en áður var spáð. Við sjáum merki um slaka á vinnumarkaði með auknu atvinnuleysi og minni eftirspurn fyrirtækja eftir starfsfólki. Hærri stýrivextir munu valda því að sú staða vari lengur en ella.
16. apríl 2026
Við spáum því að vísitala neysluverðs hækki um 1,05% á milli mánaða í apríl. Gangi spáin eftir mun verðbólga hækka úr 5,4% í 5,5%. Hærra eldsneytisverð og hækkun flugfargjalda hafa mest áhrif á hækkun á milli mánaða samkvæmt spánni. Lægri virðisaukaskattur á eldsneyti mun skila tímabundinni lækkun á eldsneytisverði, en áfram er töluverð óvissa um þróun olíuverðs og heildaráhrifa á verðbólgu hér á landi.
13. apríl 2026
Erlendum ferðamönnum fjölgaði um 1,6% á milli ára í mars. Utanlandsferðum Íslendinga hefur fækkað á milli ára alla mánuði ársins. Skráð atvinnuleysi minnkaði um 0,1 prósentustig á milli mánaða og mælist nú 4,8% í mars. Verðbólga í Bandaríkjunum jókst úr 2,4% í 3,3% í mars.
1. apríl 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. mars 2026
Verðbólga jókst úr 5,2% í 5,4% í mars, svo há hefur verðbólga ekki mælst síðan í september 2024. Vísitala launa lækkaði um 0,1% á milli mánaða í febrúar. Í síðustu viku birti Seðlabankinn yfirlýsingu fjármálastöðugleikanefndar ásamt ritinu Fjármálastöðugleiki og fjármálaráðherra lagði fram fjármálaáætlun.
26. mars 2026
Vísitala neysluverðs hækkaði um 0,55% eins og við spáðum og mælist nú 5,4%. Svo mikil hefur verðbólga ekki mælst síðan í september 2024. Hækkun á verðbólgu á milli mánaða skýrist að langmestu leyti af hækkun á eldsneytisverði sem rekja má til átakanna við Persaflóa.
23. mars 2026
Peningastefnunefnd hækkaði vexti um 0,25 prósentustig í síðustu viku. Mun harðari tónn var í yfirlýsingu nefndarinnar en við síðustu ákvörðun í febrúar. Heildarkortavelta heimilanna jókst um 1,5% á milli ára, en kortavelta innanlands dróst saman. Vísitala íbúðaverðs hækkaði lítillega eftir mikla hækkun í janúar.