18. júní 2018
Vikan framundan
- Á morgun birtir Þjóðskrá vísitölu íbúðaverðs.
- Á miðvikudag birtir Þjóðskrá vísitölu leiguverðs.
- Á fimmtudag birtir Hagstofan launavísitöluna.
Mynd vikunnar
Í vikunni lauk frumútboði hlutabréfa í Arion banka og hafa bréfin verið tekin til viðskipta í kauphöllinni. Arion er 18. félagið sem er skráð í kauphöllina og það næst stærsta á eftir Marel. Alls er markaðsvirði þessara tveggja fyrirtækja 42% af heildarmarkaðsvirði allra félaga í kauphöllinni.
Það helsta frá vikunni sem leið
- Frumútboði Arion banka lauk í vikunni.
- Við gerum ráð fyrir að verðbólga í júní verði áfram rétt undir markmiði.
- Peningastefnunefnd hélt vöxtum óbreyttum.
- Skráð atvinnuleysi var 2,2% í maí.
- Við birtum Hagsjár um vinnumarkaðurinn og launaþróun.
- Hagstofan birti tölur um fjármál hins opinbera á fyrsta ársfjórðungi.
- Lánamál ríkisins birtu mánaðarlegt markaðsupplýsingarit sitt.
- Rarik lauk skuldabréfaútboði, Arion banki lauk víxlaútboði, Landsbankinn lauk útboði sértryggðra skuldabréfa og Kvika banki lauk víxlaútboði.
- Seðlabankinn birti árlega skýrslu sína um fjármálainnviði.
Hagtölur og markaðsupplýsingar
Þú gætir einnig haft áhuga á
27. júlí 2026
Verðbólga jókst úr 5,2% í 5,3% í júlí. Áfram sjást merki um hægagang á fasteignamarkaði en fjölda kaupsamninga um íbúðarhúsnæði hefur fækkað á milli ára á sama tíma og fjöldi íbúða til sölu hefur aukist.
23. júlí 2026
Vísitala neysluverðs hækkaði um 0,36% á milli mánaða og verðbólga hækkar því úr 5,2% í 5,3%. Við spáðum því að verðbólga myndi standa í stað. Að þessu sinni kom enginn undirliður mikið á óvart. Við búumst við að verðbólgan verði áfram yfir 5% næstu þrjá mánuði.
20. júlí 2026
Greiðslukortavelta íslenskra heimila jókst á milli ára, bæði innanlands og erlendis. Verðbólga í Bandaríkjunum lækkaði á milli mánaða, aðallega vegna lægra bensínsverðs.
13. júlí 2026
Ferðamannafjöldinn í júní dróst saman um 4,8% á milli ára og atvinnuleysi mældist 0,6 prósentustigum meira en fyrir ári síðan. Við spáum því að verðbólga í júlí muni mælast óbreytt á milli mánaða og standa í 5,2%.
8. júlí 2026
Við spáum því að verðbólga mælist 5,2% í júlí. Sumarútsölur og lægra bensínverð hafa áhrif til lækkunar í mánuðinum. Flugfargjöld til útlanda munu aftur á móti hafa mest áhrif til hækkunar gangi spá okkar eftir. Við teljum líklegt að verðbólga mælist yfir forsenduákvæði kjarasamninga í næsta mánuði.
6. júlí 2026
Gistinóttum erlendra ferðamanna fjölgaði milli ára í maí, en gistinóttum Íslendinga fækkaði. Færri ný störf urðu til í Bandaríkjunum í júní en búist var við og verðbólga á evrusvæðinu í júní var lægri en búist var við.
1. júlí 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
29. júní 2026
Verðbólga jókst úr 5,1% í 5,2% í júní. Flugfargjöld til útlanda hækkuðu töluvert meira en við gerðum ráð fyrir, en þau eru nú 28% hærri en á sama tíma í fyrra.
26. júní 2026
Vísitala neysluverðs hækkaði um 0,94% á milli mánaða og verðbólga hækkar því úr 5,1% í 5,2%. Við spáðum því að verðbólga myndi standa í stað. Hækkun á flugfargjöldum hafði mest áhrif til hækkunar á milli mánaða og skýrir sífellt stærri hluta ársverðbólgunnar. Vísbendingar um kólnun í hagkerfinu og minni eftirspurn verða sífellt skýrari.
22. júní 2026
Í vikunni fáum við verðbólgutölur fyrir júnímánuð, en við spáum því að verðbólga mælist 5,1% og standi í stað á milli mánaða. Í liðinni viku komu nýjar kortaveltutölur frá Seðlabankanum sem sýna að það hægir á vexti neyslunnar, en þó eru ekki merki um snöggkólnun líkt og fyrri gögn, sem nú hafa verið leiðrétt, höfðu bent til.