Vikubyrjun 16. desember 2024
Í vikunni fáum við vísitölur íbúðaverðs og leiguverðs frá HMS og vísitölu neysluverðs frá Hagstofunni en við gerum ráð fyrir lítilsháttar hjöðnun verðbólgu úr 4,8% í 4,7%. Um 9,3% fleiri erlendir ferðamenn komu til landsins í nóvember en á sama tíma í fyrra og skráð atvinnuleysi var 0,3 prósentustigum meira en það var í nóvember í fyrra. Seðlabanki Evrópu og Seðlabanki Sviss lækkuðu vexti í síðustu viku og það er vaxtaákvörðun hjá Seðlabanka Bandaríkjanna og Englandsbanka í þessari viku.
16. desember 2024
Vikan framundan
- Á morgun birtir HMS vísitölu íbúðverðs og Seðlabankinn birtir tölur um greiðslumiðlun.
- Á miðvikudag birtir HMS vísitölu leiguverðs og Hagstofan birtir veltu skv. VSK skýrslum fyrir VSK tímabilið sept.-okt. Seðlabanki Bandaríkjanna tekur ákvörðun um vexti og það verða birtar verðbólgutölu í Bretlandi.
- Á fimmtudag birtir Hagstofan verðbólgutölur fyrir desember, við spáum að verðbólga lækki úr 4,8% í 4,7% og það er vaxtaákvörðun hjá Englandsbanka.
Mynd vikunnar
Verð á kakóbaunum hefur hækkað verulega í ár og er núna komið yfir 10.000 Bandaríkjadali tonnið. Til samanburðar hefur tonnið kostað milli 2.000 og 3.000 Bandaríkjadali í nokkur ár þar á undan. Þónokkrir þættir hafa valdið framboðsvanda á kakóbaunum. Óhagstæð veðurskilyrði í Vestur-Afríku hafa valdið því að síðustu uppskerur hafa verið dræmar, lagabreytingar til verndar skógum hafa dregið úr hvata bænda til þess að gróðursetja ný tré, skortur á áburði á heimsvísu vegna stríðsátaka í Úkraínu hefur minnkar framlegð núverandi trjástofna, trjástofninn í Vestur-Afríku er kominn til ára sinna og útbreiðsla veiru sem leggst á kakóbaunatré hefur leikið trjástofninn grátt. Það eru því margir samverkandi þættir sem hafa gert það að verkum að heimsmarkaðsverðið á kakói er orðið talsvert hærra en áður, hvert framhaldið verður er erfitt að segja til um, en mögulega gætu súkkulaðiunnendur áfram þurft að sætta sig við hærra verð.
Það helsta frá vikunni sem leið
- Um 162.000 erlendir ferðamenn komu til landsins í nóvember samkvæmt talningu ferðamálastofu, 9,3% fleiri en á sama tíma í fyrra og hafa aldrei verið fleiri í nóvembermánuði. Það sem af er ári hefur ferðamönnum fjölgað um tæplega 2% frá fyrra ári.
- Skráð atvinnuleysi var 3,7% í nóvember og hækkaði úr 3,4% í október, en atvinnuleysi hækkar almennt milli mánaða í nóvember. Atvinnuleysi er 0,3 prósentum meira en í nóvember í fyrra sem er svipaður munur og verið hefur í ár.
- Verðbólga í Bandaríkjunum var 2,7% í nóvember. Verðbólgan hækkaði aðeins milli mánaða, en hún var 2,6% í október. Hækkunin var í samræmi við væntingar og almennt er búist við að Seðlabanki Bandaríkjanna lækki vexti um 0,25 prósentur síðar í vikunni.
- Seðlabanki Evrópu lækkaði vexti um 0,25 prósentur og Svissneski seðlabankinn lækkaði vexti um 0,50 prósentur.
- Play birti flutningstölur fyrir nóvember og Amaroq tilkynnti niðurstöður úr sýnatökum innan Anoritooq rannsóknarleyfisins.
- Landsbankinn hélt keypti til baka víkjandi skuldabréf á gjalddaga 2029 og seldi víkjandi skuldbréf á gjalddaga 2036, Reykjavíkurborg hélt skuldabréfaútboð, Lánamál ríkisins hélt skiptiútboð ríkisbréfa og Ölgerðin seldi víxla.
Hagtölur og markaðsupplýsingar
Fyrirvari
Þessi samantekt og/eða umfjöllun er markaðsefni ætlað til upplýsingar en ekki sem grundvöllur viðskipta. Markaðsefni þetta felur hvorki í sér fjárfestingarráðgjöf né óháða fjárfestingargreiningu. Lagakröfur sem gilda um fjárfestingarráðgjöf og fjárfestingargreiningu eiga því ekki við, þ.m.t. bann við viðskiptum fyrir dreifingu.Upplýsingar um þróun gengis innlendra hlutabréfa, skuldabréfa og/eða vísitalna koma frá Nasdaq Iceland – Kauphöllinni. Á vef Landsbankans er hægt að nálgast nánari upplýsingar með því að smella á viðkomandi hlutabréf, skuldabréfaflokk eða vísitölu. Upplýsingar um þróun gengis erlendra fjármálagerninga, vísitalna og/eða sjóða koma frá aðilum sem Landsbankinn hefur metið áreiðanlega. Þróun gengis í fortíð gefur ekki vísbendingu um framtíðarþróun.
Upplýsingar um fyrri árangur sjóða Landsbréfa byggja á upplýsingum frá Landsbréfum. Á vef Landsbankans er hægt að nálgast nánari upplýsingar með því að smella á heiti viðkomandi sjóðs, þ.m.t. um árangur síðastliðinna fimm ára. Upplýsingar um fyrri árangur sjóða sýna nafnávöxtun, nema annað sé tekið fram. Ef fyrri árangur sjóða byggir á erlendum gjaldmiðli getur ávöxtun aukist eða minnkað vegna gengissveiflna. Árangur í fortíð gefur ekki áreiðanlega vísbendingu um framtíðarárangur.
Verðbréfaviðskipti fela í sér áhættu og eru lesendur hvattir til að kynna sér Áhættulýsingu vegna viðskipta með fjármálagerninga og Stefnu Landsbankans um hagsmunaárekstra sem finna má á vef Landsbankans.
Landsbankinn hefur starfsleyfi sem viðskiptabanki samkvæmt lögum nr. 161/2002 um fjármálafyrirtæki og sætir eftirliti Fjármálaeftirlits Seðlabanka Íslands (www.sedlabanki.is/fjarmalaeftirlit).
Þú gætir einnig haft áhuga á
2. feb. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
2. feb. 2026
Vísitala neysluverðs mældist 5,2% í janúar. Mælingin var aðeins hærri en við áttum von á, en að mestu leyti í takt við okkar spá. Við spáum að peningastefnunefnd hækki vexti á miðvikudaginn. Í síðustu viku birti Landsbankinn uppgjör.
30. jan. 2026
Við spáum því að peningastefnunefnd hækki stýrivexti um 0,25 prósentustig í næstu viku en muni á fundi sínum einnig fjalla um möguleika á að halda stýrivöxtum óbreyttum. Verðbólga jókst umfram væntingar í janúar og mældist 5,2%. Aukin verðbólga í janúar skýrist að mestu leyti af hækkun opinberra gjalda, en þó ekki einungis. Mælingin ber þess einnig merki að undirliggjandi verðþrýstingur er enn til staðar. Ekki hefur tekist að draga úr verðbólguvæntingum og kaupmáttaraukning heldur áfram að skila sér í aukinni neyslu.
29. jan. 2026
Verðbólga jókst úr 4,5% í 5,2% í janúar. Verðbólga mældist lægst 3,7% í nóvember síðastliðnum og hefur því hækkað um 1,5 prósentustig síðan þá. Verðhækkanir tengdar bílum og rekstri bifreiða skýra hækkunina að langmestu leyti nú í janúar. Matvara hækkaði þó töluvert umfram spár og verð á flugfargjöldum lækkaði minna en við spáðum. Á móti hafði húsnæðiskostnaður minni áhrif til hækkunar en við höfðum gert ráð fyrir.
26. jan. 2026
Vísitala íbúðaverðs lækkaði um tæplega 1,2% á milli mánaða í desember og á sama tíma lækkaði vísitala leiguverðs um 1,4%. Hagstofan birti vísitölu launa, sem hélst óbreytt á milli mánaða. Á fimmtudag verður vísitala neysluverðs í janúar birt.
19. jan. 2026
Kortavelta heimila heldur áfram að aukast á milli ára en velta erlendra korta hér á landi hefur tekið að dragast saman í takt við fækkun ferðamanna. Í vikunni birtir HMS vísitölu íbúðaverðs, vísitölu leiguverðs og mánaðarskýrslu.
15. jan. 2026
Við spáum því að vísitala neysluverðs hækki um 0,30% á milli mánaða í janúar. Gangi spáin eftir mun verðbólga aukast úr 4,5% í 5,1%. Janúarútsölur hafa mest áhrif til lækkunar í mánuðinum en breytingar á gjaldtöku ökutækja hafa mest áhrif til hækkunar, samkvæmt spánni. Mikil óvissa er þó um hvernig Hagstofan tekur breytingarnar inn í verðmælingar.
13. jan. 2026
Atvinnuástandið hefur versnað smám saman og eftirspurn eftir vinnuafli er minni en áður. Atvinnuleysi hefur aukist hratt og mældist 4,4% í desember, en svo mikið hefur atvinnuleysi ekki mælst í rúmlega þrjú og hálft ár. Þessi þróun styður við markmið Seðlabankans um að draga úr þenslu í hagkerfinu og vinna bug á verðbólgu. Á sama tíma heldur neysla landsmanna áfram að aukast með hverjum mánuðinum, en heildarkortavelta hefur aukist um 6% á fyrstu ellefu mánuðum síðasta árs frá sama tímabili árið áður.
12. jan. 2026
Breytingar á gjaldtöku hins opinbera af rekstri og kaupum ökutækja gætu aukið verðbólgu um 0,7 prósentustig. Óvíst er hvort áhrifin komi fram að öllu leyti í janúar eða dreifist yfir næstu mánuði, en telja má að það velti ekki síst á eftirspurn eftir bílum í byrjun árs.
12. jan. 2026
Skráð atvinnuleysi hélt áfram að aukast í desember og var 0,6 prósentustigum meira en á sama tíma árið áður. Álíka margir erlendir ferðamenn heimsóttu Ísland í fyrra og síðustu tvö ár á undan en utanlandsferðir Íslendinga voru 18% fleiri í fyrra en árið á undan. Þó nokkur óvissa ríkir um verðbólgumælingu janúarmánaðar, ekki síst í tengslum við breytta gjaldtöku á innflutningi og rekstri bíla. Við gefum út verðbólguspá næsta fimmtudag.