Launa­summa, fjöldi starfs­fólks og með­al­tekj­ur – mis­mun­andi breyt­ing­ar

Meðaltekjur í öllum greinum voru um 650 þús. kr. á mánuði 2021 og höfðu hækkað úr 600 þús. kr. árið áður. Tekjur voru hæstar í fiskveiðum, um 1.345 þús. kr. á mánuði, og næsthæstar í fjármála- og vátryggingarstarfsemi, um 930 þús. kr. Þar á eftir kom sjávarútvegur, sem er samtala fiskveiða og fiskvinnslu. Tekjur í fiskveiðum voru um tvöfalt hærri en í fiskvinnslu. Þá má einnig benda á að laun í fiskeldi eru töluvert hærri en í fiskvinnslu. Lægstu tekjurnar voru í landbúnaði á árinu 2021, um 313 þús. kr. á mánuði, og næstlægstar í gistingu og veitingastarfsemi, um 358 þús. kr. á mánuði. Í þessum greinum kann fjöldi hlutastarfa að skipta miklu máli.
10. febrúar 2022 - Hagfræðideild

Launasumman, staðgreiðsluskyld laun allra á vinnumarkaði, hækkaði um 9,5% milli áranna 2020 og 2021 samkvæmt tölum Hagstofunnar. Launavísitalan hækkaði um 8,3% á sama tíma og því hækkuðu heildarlaunatekjur Íslendinga mun meira en föst mánaðarlaun. Vísitala neysluverðs hækkaði um 4,4% á þessum tíma þannig að launasumman hefur hækkað um u.þ.b. 4,9% að raungildi.

Frá árinu 2015 hefur launasumman aukist um 49% að meðaltali á nafnvirði í öllum atvinnugreinum. Sé litið til valinna greina hefur launasumman aukist mest í byggingarstarfsemi og mannvirkjagerð, eða rúmlega tvöfaldast, og þar hefur þróunin verið nokkuð jöfn upp á við. Þarnæst hefur launasumman aukist mest í opinberri stjórnsýslu, með um 65% hækkun og mjög jafnri þróun. Sveiflur hafa verið meiri í öðrum greinum, aðallega í ferðaþjónustu, þar sem launasumman var um 22% meiri 2021 en hún var 2015. Miklar breytingar hafa orðið í ferðaþjónustunni þar sem launasumman var 75% meiri 2018 en hún var 2015. Sjávarútvegur og fjármála- og vátryggingarstarfsemi hafa nokkra sérstöðu meðal þessara greina. Þar hefur launasumman aukist minnst og á það einkum við um fjármála- og vátryggingarstarfsemina.

Fjöldi starfsfólks í öllum greinum jókst um 9% milli 2015 og 2021, en einungis um 1,2% milli 2020 og 2021. Af völdum greinum hefur fjöldi starfsfólks aukist langmest í byggingarstarfsemi. Þar náði fjöldinn hámarki árið 2019 og hefur minnkað dálítið síðan. Frá 2015 til 2021 fjölgaði starfsfólki í byggingarstarfsemi um nær 50%, þar af um 4,6% milli 2020 og 2021. Sveiflan í ferðaþjónustunni er aðeins minni en gilti með launagreiðslurnar, en engu að síður mjög mikil. Enn og aftur hafa sjávarútvegur og fjármála- og vátryggingarstarfsemi sérstöðu meðal þessara greina, en þar var um nær stöðuga fækkun starfsfólks að ræða milli 2015 og 2021.

Meðaltekjur í öllum greinum voru samkvæmt þessum tölum um 650 þús. kr. á mánuði 2021 og höfðu hækkað úr 600 þús. kr. árið áður. Tekjur voru hæstar í fiskveiðum, um 1.345 þús. kr. á mánuði, og næsthæstar í fjármála- og vátryggingarstarfsemi, um 930 þús. kr. Þar á eftir kom sjávarútvegur, sem er samtala fiskveiða og fiskvinnslu. Tekjur í fiskveiðum voru um tvöfalt hærri en í fiskvinnslu. Þá má einnig benda á að laun í fiskeldi eru töluvert hærri en í fiskvinnslu.

Lægstu tekjurnar voru í landbúnaði á árinu 2021, um 313 þús. kr. á mánuði, og næstlægstar í gistingu og veitingastarfsemi, um 358 þús. kr. á mánuði. Í þessum greinum kann fjöldi hlutastarfa að skipta miklu máli.

Á milli 2020 og 2021 hækkuðu launagreiðslur langmest í gistingu og veitingastarfsemi, um rúm 20%. Það er nokkuð ljóst að faraldurinn hefur haft mjög mikil áhrif á þá atvinnugrein þar sem hvorugt árið getur talist dæmigert. Næstmesta hækkun launagreiðslna var í fiskvinnslu, um 12%. Minnsta hækkun launagreiðslna milli ára var í fjármála- og vátryggingarstarfsemi og í ýmissi sérhæfðri þjónustu, innan við 1%.

Lesa Hagsjána í heild:

Hagsjá: Launasumma, fjöldi starfsfólks og meðaltekjur – mismunandi breytingar

Þú gætir einnig haft áhuga á
Gata í Reykjavík
22. feb. 2024
Vísitala íbúðaverðs hækkar áfram örlítið milli mánaða
Vísitala íbúðaverðs hækkaði um 0,4% á milli mánaða í janúar. Sérbýli hækkaði um 0,1% og fjölbýli um 0,4%. Raunverð íbúða er nokkurn veginn það sama og fyrir einu ári. Undirrituðum kaupsamningum á höfuðborgarsvæðinu fjölgaði á milli ára síðustu fjóra mánuði eftir að hafa fækkað sífellt frá miðju ári 2021.
Bátur
19. feb. 2024
Vikubyrjun 19. febrúar 2024
Nokkur breyting hefur orðið á samsetningu vinnumarkaðarins hér á landi frá árinu 1991. Stjórnendum, sérfræðingum, sérmenntuðu starfsfólki, þjónustu- og verslunarfólki hefur fjölgað verulega á sama tíma og skrifstofufólki, bændum og fiskveiðifólki hefur fækkað.
Peningaseðlar
15. feb. 2024
Spáum áframhaldandi hjöðnun í febrúar: Úr 6,7% í 6,1%
Við spáum því að vísitala neysluverðs hækki um 0,89% milli mánaða í febrúar og að ársverðbólga hjaðni úr 6,7% í 6,1%. Útsölulok munu hafa mest áhrif til hækkunar á milli mánaða í febrúar, samkvæmt spánni. Þá koma gjaldskrárhækkanir á sorphirðu, fráveitu og köldu vatni inn í mælingar nú í febrúar. Lægri flugfargjöld til útlanda vega þyngst á móti hækkunum, gangi spáin eftir.
Flugvél
12. feb. 2024
Ferðamenn dvelja skemur og eyða færri krónum
Um 131 þúsund erlendir ferðamenn fóru um Keflavíkurflugvöll í janúar. Þeir voru fleiri en í janúar í fyrra en færri en árin fyrir faraldur. Fjórði ársfjórðungur síðasta árs var sá fjölmennasti frá upphafi.
Smiður
12. feb. 2024
Vikubyrjun 12. febrúar 2024
Á fjórða ársfjórðungi síðasta árs voru fleiri atvinnulausir á Íslandi en sem nam lausum störfum. Því var öfugt farið um mitt ár 2022 þegar spennan á vinnumarkaði var sem mest og fyrirtæki kepptust um starfsfólk. Þessi viðsnúningur er eitt merki þess að tekið sé að draga út spennu á vinnumarkaði, ekki síst vegna aukins peningalegs aðhalds.
Hús í Reykjavík
9. feb. 2024
Meirihluti útistandandi íbúðalána nú verðtryggður
Hátt vaxtastig hefur breytt samsetningu íbúðalána til heimila. Meirihluti útistandandi íbúðalána heimila er nú verðtryggður, en heimili hafa frá byrjun síðasta árs í auknum mæli fært sig úr óverðtryggðum lánum yfir í verðtryggð. Hrein ný íbúðalán banka og lífeyrissjóða hafa aukist frá miðju síðasta ári en drógust nú saman milli mánaða í desember.
5. feb. 2024
Mánaðaryfirlit yfir sértryggð skuldabréf - janúar 2024
Meðfylgjandi er mánaðarlegt yfirlit sértryggðra skuldabréfa.
Mynt 100 kr.
5. feb. 2024
Vikubyrjun 5. febrúar 2024
Verðbólga hefur hjaðnað síðustu mánuði, en auk þess hefur hlutfall undirliða sem hafa hækkað um meira en 10% á undanförnum 12 mánuðum fækkað.
2. feb. 2024
Fréttabréf Hagfræðideildar 2. febrúar 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
1. feb. 2024
Spáum óbreyttu vaxtastigi í næstu viku
Við spáum því að peningastefnunefnd Seðlabanka Íslands haldi meginvöxtum bankans óbreyttum í 9,25% í næstu viku. Þótt verðbólgan fari hjaðnandi og flestir hagvísar bendi í rétta átt teljum við ólíklegt að nefndin telji tímabært að lækka vexti. Við búumst frekar við að nefndin stígi varlega til jarðar og bíði eftir auknum slaka í þjóðarbúinu, ekki síst vegna óvissu í tengslum við yfirstandandi kjaraviðræður og viðbrögð stjórnvalda við hamförunum í Grindavík.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur