Hag­sjá: Íbúða­mark­að­ur­inn tek­ur við sér

Samantekt

Fasteignaverð á höfuðborgarsvæðinu hækkaði um 0,6% milli ágúst og september. Verð á fjölbýli hækkaði um 0,7% og verð á sérbýli hækkaði um 0,3%. Þetta er mesta hækkun sem hefur orðið á fjölbýli milli mánaða síðan í nóvember í fyrra.

Líkt og greint hefur verið frá í Hagsjám fyrri mánaða hefur fasteigmarkaðurinn verið í mikilli kyrrstöðu undanfarið. Nú eru vísbendingar um að markaðurinn sé að taka við sér þar sem viðskipti með íbúðarhúsnæði voru býsna mörg í september og eins hafa verðhækkanir síðustu tveggja mánaða verið umfram þær hækkanir sem mældust milli mánaða á vor- og sumarmánuðum.

Horft yfir 12 mánaða tímabil hefur verð á fjölbýli hækkað um 3,6% og verð á sérbýli um 3,2%. Vegin árshækkun húsnæðisverðs nemur því nú um 3,5% sem er ekki ýkja mikil hækkun í sögulegu samhengi. 12 mánaða hækkanir hafa legið á bilinu 3-5% það sem af er ári en voru á bilinu 4-13% í fyrra og 14-24% árið 2017 þegar hækkanir voru hvað mestar.

Lesa Hagsjána í heild

Hagsjá: Íbúðamarkaðurinn tekur við sér (PDF)