Hag­sjá: Í hvaða mán­uði kaup­um við helst fast­eign­ir?

Viðskipti með íbúðarhúsnæði innan ársins á tímabilinu 2010-2017 voru mun jafnari en á tímabilinu 2003-2009 og engir mánuðir skera sig verulega mikið úr líkt og á fyrra tímabilinu. Viðskiptin voru langmest í nóvember og þar á eftir í júlí og október. Minnstu viðskiptin voru í janúar og þar á eftir í apríl og febrúar.
11. apríl 2018

Samantekt

Fjöldi viðskipta með íbúðarhúsnæði á höfuðborgarsvæðinu var mun meiri á árunum 2003-2007 en verið hefur síðustu ár. Fjöldi viðskipta hrundi á árunum 2008 og 2009, en jókst stöðugt frá 2009 til 2016, en í fyrra fækkaði viðskiptum svo aftur. Sé litið á það sem af er þessu ári virðist sú þróun ætla að halda áfram. Árlegur meðalfjöldi viðskipta á þessu tímabili var rúmlega 6.100, minnst 2009, um 1.900, og mest 2003, um 9.500.

Sé litið á fjölda viðskipta eftir mánuðum kemur í ljós að viðskipti voru mest í október á tímabilinu 2003-2017. Þar á eftir kemur marsmánuður og svo september og nóvember. Þessir fjórir mánuðir skera sig nokkuð úr hvað fjölda viðskipta viðkemur.

Viðskipti voru að jafnaði langminnst í janúarmánuði, eða næstum fjórðungi færri en í meðalmánuði. Þar á eftir kemur apríl og síðan febrúar og ágúst. Haustið, eða tímabilið frá september fram í nóvember er augljóslega virkasta tímabilið í fasteignaviðskiptum og að sama skapi er tíminn í kringum áramót, frá desember fram í febrúar, rólegasti tíminn á fasteignamarkaði.

Þessar tölur ná yfir 15 ára tímabil. Í stórum dráttum er þarna um að ræða tímabilið fyrir og eftir hrun. Ef fyrra tímabilið, 2003-2009, er skoðað með tilliti til viðskipta í ýmsum mánuðum má sjá að janúar sker sig verulega úr, viðskipti eru langminnst í þeim mánuði. Á þessum árum voru viðskiptin mest í mars og þar á eftir komu september og október. Þessir þrír mánuðir skera sig nokkuð úr sem langstærstu viðskiptamánuðirnir á þessu tímabili. Að sama skapi skera desember og janúar sig nokkuð úr sem litlir viðskiptamánuðir og sama má segja um ágúst. Sveiflur milli mánaða fyrir hrun hafa því verið meiri en á tímabilinu öllu.

Sé litið á seinna tímabilið, 2010-2017 , kemur í ljós að viðskipti innan ársins hafa verið mun jafnari og engir mánuðir skera sig verulega mikið úr líkt og á fyrra tímabilinu. Viðskiptin hafa samt sem áður verið langmest í nóvember og þar á eftir í júlí og október. Minnstu viðskiptin voru í janúar og þar á eftir í apríl og febrúar.

Sé litið á muninn á þessum tveimur tímabilum er munurinn mestur fyrir nóvember. Á fyrra tímabilinu voru viðskipti í nóvember nálægt meðalmánuði ársins en á seinna tímabilinu voru viðskipti í nóvember að jafnaði 18% meiri en í meðalmánuði. Þá voru viðskipti í september að jafnaði mun minni á seinna tímabilinu en því fyrra. Þá má einnig benda á að janúar sker sig ekki eins mikið úr á seinna tímabilinu eins og hinu fyrra.

Þessar tölur sýna töluverðar breytingar á viðskiptatíma fasteigna innan ársins á tveimur tímabilum. Ekki er auðvelt að sjá hvort einhverir ákveðnir þættir liggja þarna að baki eða hvort þarna sé um tilviljun að ræða. Tímabilin eru það löng að þættir eins og hvort páskar eru í apríl eða mars ættu ekki að skipta máli. Meginmyndin er e.t.v. sú að haustmánuðirnir eru að jafnaði notaðir meira til fasteignaviðskipta og fólk heldur frekar að sér höndum í myrkasta skammdeginu.

Lesa Hagsjána í heild

Hagsjá: Í hvaða mánuði kaupum við helst fasteignir? (PDF)

Þú gætir einnig haft áhuga á
Byggingakrani og fjölbýlishús
25. sept. 2023
Vikubyrjun 25. september 2023
Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.
Fasteignir
20. sept. 2023
Vísitala íbúðaverðs hækkar lítillega og verðbólguspáin með
Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.
Flugvöllur, Leifsstöð
18. sept. 2023
Aukinn þjónustuútflutningur skýrist allur af vexti ferðaþjónustu
Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.
Hverasvæði
18. sept. 2023
Vikubyrjun 18. september 2023
Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.
Símagreiðsla
15. sept. 2023
Frekari merki um hægari takt
Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.
Flugvél
14. sept. 2023
Spáum 7,7% verðbólgu í september
Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.
Foss
11. sept. 2023
Vikubyrjun 11. september 2023
Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.
4. sept. 2023
Mánaðaryfirlit yfir sértryggð skuldabréf - ágúst 2023
Meðfylgjandi er mánaðarlegt yfirlit um sértryggð skuldabréf.
Bláa lónið
4. sept. 2023
Vikubyrjun 4. september 2023
Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.
Fataverslun
31. ágúst 2023
Hægir á hagvexti og einkaneysla á mann dregst saman
Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur