Hag­sjá: Áfram merki um veik­ingu vinnu­mark­að­ar­ins

Atvinnuþátttaka í nóvember var 77,8% og hefur ekki verið jafn lág í einum mánuði síðan í september 2011. Atvinnuþátttaka er auðvitað háð hagsveiflunni hverju sinni og bent hefur verið á það í Hagsjám að minni atvinnuþátttaka kunni að fela í sér dulið atvinnuleysi. Meðal atvinnuþátttaka síðustu 12 mánaða var 81,1% í nóvember og hefur leitað nær stöðugt niður á við síðustu mánuði. Samsvarandi atvinnuþátttaka hefur ekki verið jafn lítil síðan í september 2013.
19. desember 2019

Samantekt

Samkvæmt niðurstöðum vinnumarkaðskönnunar Hagstofunnar er áætlað að um 201.300 manns hafi verið á vinnumarkaði í nóvember 2019, sem jafngildir 77,8% atvinnuþátttöku. Af þeim voru 194.100 starfandi og 7.200 atvinnulausir. Starfandi fólki fækkaði um 8.100 milli mánaða og um 4.900 frá nóvember í fyrra. Atvinnulausum fækkaði hins vegar um 200 milli mánaða og fjölgaði um 1.300 frá nóvember í fyrra. Starfandi fólki fjölgaði mikið í uppsveiflu síðustu ára sem nú er að ljúka og virðist sem fjölgun starfandi fólks sé einnig að gefa eftir.

Eins og áður segir voru 7.200 manns atvinnulausir í nóvember samkvæmt vinnumarkaðskönnun, eða um 3,6% af vinnuafli. Samkvæmt tölum Vinnumálastofnunar voru 8.279 manns á atvinnuleysiskrá í lok nóvember og hafði fjölgað um 579 frá lokum október.

Frá því í nóvember í fyrra hefur skráðum atvinnulausum fjölgað um 3.202 manns, eða um 63%. Atvinnulausum körlum hefur fjölgað um 1.937 (72%) og konum um 1.265 (53%).

Meðalatvinnuleysi síðustu 12 mánaða hefur verið mjög svipað síðustu mánuði, bæði á mælikvarða Hagstofunnar og Vinnumálastofnunar og var þannig 3,4% nú í nóvember.

Atvinnuþátttaka í nóvember var 77,8% og hefur ekki verið jafn lág í einum mánuði síðan í september 2011. Atvinnuþátttaka er auðvitað háð hagsveiflunni hverju sinni og bent hefur verið á það í Hagsjám að minni atvinnuþátttaka kunni að fela í sér dulið atvinnuleysi. Meðal atvinnuþátttaka síðustu 12 mánaða var 81,1% í nóvember og hefur leitað nær stöðugt niður á við síðustu mánuði. Samsvarandi atvinnuþátttaka hefur ekki verið jafn lítil síðan í september 2013.

Vikulegur vinnutími var að jafnaði 38,9 stundir í nóvember og hafði lengst um 0,9 stundir frá fyrra ári. Sé miðað við 12 mánaða meðaltal var vinnutíminn nú í nóvember 39 stundir sem er 0,1 stundum minna en í nóvember 2018. Vinnutími hefur smám saman verið að styttast frá árinu 2016.

Séu breytingar á fjölda starfandi og vikulegum vinnutíma teknar saman milli ára hefur vinnuaflsnotkun aukist nær samfellt allt frá árinu 2012. Frá nóvember 2018 fram til nóvember 2019 fækkaði starfandi fólki um 2,5% á meðan meðalvinnutími lengdist um 2,4%. Þetta felur í sér að vinnuaflsnotkun minnkaði um 0,1% milli ára. Á síðustu 12 mánuðum hefur breyting vinnuaflsnotkunar verið jákvæð í átta mánuðum og neikvæð í fjórum. Sé litið til þeirrar þróunar má því enn halda því fram að vinnumarkaðurinn sé í nokkuð góðu lagi.

Fyrr á árinu var reiknað með töluvert auknu atvinnuleysi eftir því sem liði á árið og að staða á vinnumarkaði myndi versna. Þróunin í þá átt hefur verið hægari en reiknað var með í upphafi.

Líklegt má telja að atvinnuleysi muni aukast eitthvað á næstu misserum, þó ekki eins mikið og reikna mátti með á tímabili.

Nýjustu niðurstöður Gallup könnunar fyrir Samtök atvinnulífsins og Seðlabanka Íslands meðal stjórnenda 400 stærstu fyrirtækja landsins eru svipaðar og var í síðustu könnun. 14% fyrirtækjanna búast við fjölgun starfsmanna á næstu sex mánuðum en 24% við fækkun. Sú niðurstaða bendir til þess að starfsmönnum viðkomandi fyrirtækja gæti fækkað um 0,5% á næstu sex mánuðum, eða um rúmlega 600. Horfurnar eru því áfram frekar neikvæðar hvað fjölda starfa varðar.

Lesa Hagsjána í heild

Hagsjá: Áfram merki um veikingu vinnumarkaðarins (PDF)

Þú gætir einnig haft áhuga á
Epli
11. apríl 2024
Spáum lækkun verðbólgu úr 6,8% í 6,1%
Við spáum því að vísitala neysluverðs hækki um 0,61% á milli mánaða í apríl og að ársverðbólgalækki töluvert, eða úr 6,8% í 6,1%. Mest áhrif til hækkunar í spá okkar hafa reiknuð húsaleiga, flugfargjöld til útlanda og matarkarfan. Apríl í fyrra var stór hækkunarmánuður og þar sem við gerum ráð fyrir töluvert minni mánaðarhækkun nú lækkar ársverðbólga töluvert. Á móti gerum við ekki ráð fyrir því að verðbólga lækki mikið næstu mánuði þar á eftir og búumst við því að hún verði 5,9% í júlí.
Gönguleið
8. apríl 2024
Vikubyrjun 8. apríl 2024
Um 14% fleiri ferðamenn fóru um Keflavíkurflugvöll í febrúar síðastliðnum en í febrúar í fyrra. Ferðamenn gistu þó skemur en áður, því skráðum gistinóttum fækkaði um 2,7% á milli ára í febrúar.
3. apríl 2024
Fréttabréf Hagfræðideildar 3. apríl 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
2. apríl 2024
Vikubyrjun 2. apríl 2024
Um 30% fyrirtækja vilja fjölga starfsfólki á næstu sex mánuðum, samkvæmt nýjustu könnun Gallup meðal 400 stærstu fyrirtækja landsins sem var framkvæmd í mars. Hlutfallið eykst úr 23% frá síðustu könnun sem var gerð í desember.  
Íbúðir
26. mars 2024
Hækkandi íbúðaverð kyndir undir verðbólgu
Vísitala neysluverðs hækkaði um 0,8% milli mánaða í mars og við það jókst ársverðbólga úr 6,6% í 6,8%. Langmest áhrif til hækkunar í mælingunni má rekja til hækkunar á íbúðaverði, og þá sérstaklega utan höfuðborgarsvæðisins. Verð á nýjum bílum hafði mest áhrif til lækkunar í mars.
Seðlabanki
25. mars 2024
Vikubyrjun 25. mars 2024
Peningastefnunefnd Seðlabankans tilkynnti á miðvikudag að stýrivöxtum yrði haldið óbreyttum í 9,25%. Ákvörðunin var í samræmi við spá okkar, en tónninn í yfirlýsingunni var harðari en við bjuggumst við.
Ferðamenn
18. mars 2024
Vikubyrjun 18. mars 2024
Gögn síðasta árs benda til þess að þeir ferðamenn sem hingað komu hafi að meðaltali dvalið skemur en árið á undan en aftur á móti eytt meiru á dag.
Vélsmiðja Guðmundar
15. mars 2024
Að flytja út „annað“ er heldur betur að skila sér
Útflutningur hefur alltaf verið mjög mikilvægur fyrir Íslendinga og íslenskan efnahag. Lengst af var fiskurinn okkar aðal útflutningsvara, svo bættist álið við og nú síðasta áratuginn eða svo hefur ferðaþjónusta rutt sér til rúms og er orðin stærsta einstaka útflutningsvara Íslendinga. Á síðustu árum hefur annar útflutningur, þ.e. útflutningur sem ekki heyrir undir neinn þessara flokka, vaxið hratt og raunar hraðar en ferðaþjónustan, þó faraldurinn torveldi samanburðinn aðeins.
Fjölbýlishús
14. mars 2024
Spáum 6,6% verðbólgu í mars
Við spáum því að vísitala neysluverðs hækki um 0,57% milli mánaða í mars og að ársverðbólga verði óbreytt í 6,6%. Mest áhrif til hækkunar í spá okkar hafa reiknuð húsaleiga, flugfargjöld til útlanda, föt og skór og matarkarfan. Við eigum enn von á að verðbólgan hjaðni rólega næstu mánuði og verði komin niður í 5,4% í júní.
14. mars 2024
Óbreytt vaxtastig en bjartur tónn
Þrátt fyrir hjaðnandi verðbólgu og sátt um langtímakjarasamning á stórum hluta vinnumarkaðar teljum við að peningastefnunefnd haldi meginvöxtum bankans óbreyttum í 9,25% í næstu viku, fjórða skiptið í röð. Verðlag hækkaði umfram væntingar í febrúar og verðbólguvæntingar hafa lítið breyst frá síðasta fundi nefndarinnar. Auk þess ríkir enn óvissa um framvindu kjarasamninga annarra hópa. Við teljum þó að tónninn í yfirlýsingunni verði bjartari en verið hefur og að vaxtalækkun kunni að vera handan við hornið.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur