Hagsjá: Afgangur af vöru- og þjónustuviðskiptum níunda árið í röð

Styrking krónunnar á síðustu tveimur árum er sú mesta í sögunni og verður hún rakinn fyrst og fremst til afgangs á vöru- og þjónustuviðskiptum. Sá afgangur verður svo aftur rakinn til mikils vaxtar í íslenskri ferðaþjónustu.

6. mars 2018

Samantekt

Afgangur af vöru- og þjónustuviðskiptum við útlönd nam 105 ma.kr. á síðasta ári. Þetta var 9. árið í röð þar sem afgangur mældist á þessum mælikvarða. Afgangurinn dróst saman um 50 ma.kr. frá fyrra ári og var þetta annað árið í röð sem afgangurinn dregst saman milli ára en hann nam 164 ma.kr. árið 2015. Af þessu 9 ára tímabili var afgangurinn minnstur í fyrra en hann var örlítið meiri árið 2012 þegar hann mældist 106 ma.kr.

Þjónustuafgangur heldur einn uppi heildarafgangnum

Síðustu ár hefur afgangur af vöru- og þjónustuviðskiptum einungis skýrst af afgangi af þjónustuviðskiptum þar sem vöruskiptaafgangur hefur verið neikvæður. Árið í fyrra var fjórða árið í röð sem halli mældist á vöruskiptum. Vöruskiptahallinn mældist 169 ma.kr. í fyrra sem er mesti halli á vöruskiptum síðan árið 2006. Árið í fyrra var hins vegar það 11. í röð með jákvæðum þjónustuafgangi.

Lesa Hagsjána í heild

Hagsjá: Afgangur á vöru- og þjónustuviðskiptum níunda árið í röð (PDF)

Þú gætir einnig haft áhuga á

4. sept. 2023

Mánaðaryfirlit yfir sértryggð skuldabréf

Meðfylgjandi er mánaðarlegt yfirlit um sértryggð skuldabréf.

4. sept. 2023

Vikubyrjun 4. september 2023

Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.

31. ágúst 2023

Hægir á hagvexti og einkaneysla á mann dregst saman

Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.

30. ágúst 2023

Ársverðbólga eykst úr 7,6% í 7,7%

Vísitala neysluverðs hækkaði um 0,34% milli mánaða í ágúst og við það jókst ársverðbólga úr 7,6% í 7,7%. Við eigum þó enn von á að verðbólga hjaðni næstu mánuði og gerum nú ráð fyrir að verðbólgan verði komin niður í 6,4% í nóvember. Þetta er fyrsti mánuðurinn síðan í apríl 2021 þar sem húsnæði ber ekki ábyrgð á stærstum hluta verðbólgunnar. Nú bera bæði innfluttar vörur og þjónusta ábyrgð á stærri hluta verðbólgunnar en húsnæði.

28. ágúst 2023

Vikubyrjun 28. ágúst 2023

Í síðustu viku hækkaði Peningastefnunefnd vexti um 0,5 prósentustig. Auk þess birti SÍ Peningamál, HMS birti mánaðarskýrslu, Hagstofan birti veltu skv. VSK-skýrslum og vöru- og þjónustujöfnuð, auk þess sem nokkur uppgjör voru birt. Í þessari viku fáum við verðbólgutölur fyrir ágúst og þjóðhagsreikninga fyrir 2. ársfjórðung.

21. ágúst 2023

Vikubyrjun 21. ágúst 2023

Óleiðréttur launamunur karla og kvenna dróst saman árið 2022 frá fyrra ári úr 10,2% í 9,1%. Við útreikning á óleiðréttum mun er reiknað meðaltímakaup karla og kvenna fyrir októbermánuð hvers árs. Bæði grunnlaun og allar aukagreiðslur, eins og vegna álags eða bónusa, eru teknar með.

17. ágúst 2023

Spáum 7,5% verðbólgu í ágúst

Við spáum því að vísitala neysluverðs hækki um 0,18% milli mánaða í ágúst og að ársverðbólga lækki úr 7,6% í 7,5%. Útsölulok hafa mest áhrif til hækkunar milli mánaða samkvæmt spánni. Það sem helst dregur spána niður er húsnæðisverð og árstíðabundin lækkun á flugfargjöldum til útlanda.

16. ágúst 2023

Spáum 0,25 prósentustiga stýrivaxtahækkun

Við spáum því að peningastefnunefnd Seðlabanka Íslands hækki vexti bankans um 0,25 prósentustig í næstu viku. Hækkunin yrði sú fjórtánda í röð og meginvextir bankans, vextir á sjö daga bundnum innlánum, færu úr 8,75% í 9,0%.

16. ágúst 2023

Vísitala íbúðaverðs lækkar annan mánuðinn í röð

Vísitala íbúðaverðs lækkaði um 0,8% milli mánaða í júlí. Árshækkun vísitölunnar minnkaði úr 2,7% í 0,8% og hefur ekki mælst jafn lítil síðan í janúar 2011. Undirritaðir kaupsamningar á höfuðborgarsvæðinu voru 17% færri í júní en í sama mánuði í fyrra.

14. ágúst 2023

Vikubyrjun 14. ágúst 2023

275 þúsund erlendir ferðamenn fóru um Keflavíkurflugvöll í júlí samkvæmt tölum sem Ferðamálastofa birti fyrir helgi. Erlendir ferðamenn hafa aðeins einu sinni verið fleiri í júlímánuði, á metferðamannaárinu 2018 þegar þeir voru tæplega 279 þúsund. Brottfarir Íslendinga voru tæplega 71 þúsund talsins í júlí, fleiri en nokkurn tímann í júlímánuði.

Hag­sjá: Af­gang­ur af vöru- og þjón­ustu­við­skipt­um ní­unda árið í röð

Samantekt

Þjónustuafgangur heldur einn uppi heildarafgangnum

Lesa Hagsjána í heild

Hagsjá: Afgangur af vöru- og þjónustuviðskiptum níunda árið í röð