Áframhaldandi lækkanir á hlutabréfamörkuðum í september

Hlutabréfamarkaðir heimsins héldu áfram að lækka í september eftir að hafa einnig lækkað í ágúst. Lækkunin reyndist töluvert meiri í september en ágúst og náðu nær allir markaðir viðskiptalanda Íslands nýju lágmarki á árinu sé horft á lokagildi hvers mánaðar.

11. október 2022 - Hagfræðideild

Vísitala Aðallista Kauphallarinnar lækkaði um 8,3% í september. Lækkunin er sú næst mesta yfir heilan mánuð á árinu, en í maí lækkaði vísitalan um 9,9%. Flest félaganna á Aðallistanum lækkuðu í verði eða 19 af samtals 22 félögum. Mesta lækkunin var hjá Eimskip, (-17,3%) næst mesta hjá Iceland Seafood (-13,4%) og svo hjá Origo (-12,3%). Minnsta lækkunin var hjá Icelandair Group, 5,5%. Þar á eftir kom Síldarvinnslan (-5,7%) og Skel fjárfestingarfélag (-5,8%). Þrjú félög hækkuðu í verði, Síminn (7,6%), Ölgerðin Egill Skallagrímsson (7,3%) og Hagar (4,4%).

Þrátt fyrir þessar lækkanir er meirihluti félaga enn með jákvæða ávöxtun sé horft til síðustu 12 mánaða. Mesta ávöxtunin er hjá Sýn (38,4%) en þar á eftir koma Brim (26,1%) og Skel fjárfestingarfélag (23,7%). Mesta lækkunin er hjá Iceland Seafood (54,7%) og stærsta félaginu í Kauphöllinni, Marel, sem hefur lækkað um rétt rúman helming.

Langflestir markaðir ná nýjum lægðum á árinu

Hlutabréfamarkaðir í helstu viðskiptalöndum Íslands héldu áfram að lækka í september eftir verðlækkun í ágúst. Lækkunin var að meðaltali 8% í viðskiptalöndunum sem er næst mesta lækkunin á árinu á eftir júnímánuði þegar lækkunin var að meðaltali 8,3%. Sé horft til lokaverðs í hverjum mánuði náðu nær allir markaðir nýju lágmarki nú í september. Frá áramótum hefur lækkunin verið mest í Þýskalandi, eða 34,3%. Þar á eftir koma Svíþjóð (-31,9%) og Austurríki (-30,3%). Bandaríski markaðurinn hefur tapað fjórðungi af verðgildi sínu og sé breski hefur lækkað um 10,6%. Íslenski markaðurinn hefur lækkað um 18,4%. Þessi þróun nú í september þýðir að nánast allir markaðir í helstu viðskiptalöndum Íslands eru með neikvæða 12 mánaða ávöxtun. Einungis norski markaðurinn rétt hangir yfir núllinu, en 12 mánaða ávöxtun hans er 0,3%. Minnsta lækkunin hefur verið í Bretlandi, eða 7,3%. Þar á eftir koma Kanada (-8,1%) og Japan (-9,6%). Mesta lækkunin er í Þýskalandi (33,3%) en þar á eftir koma Svíþjóð (-23,9%) og Finnland (-20,3%).

Fyrirvari

Innihald og form þessarar greiningar er unnið af starfsfólki Hagfræðideildar Landsbankans hf. (hagfraedideild@landsbankinn.is) og byggist á aðgengilegum opinberum upplýsingum á þeim tíma sem greiningin var unnin. Mat á þeim upplýsingum endurspeglar skoðanir starfsfólks Hagfræðideildar Landsbankans á þeim degi þegar greiningin er dagsett, en þær geta breyst án fyrirvara. Landsbankinn hf. og starfsfólk hans taka ekki ábyrgð á viðskiptum sem byggð eru á þeim upplýsingum og skoðunum sem hér eru settar fram, enda eru þær ekki veittar sem persónuleg ráðgjöf fyrir einstök viðskipti. Bent skal á að Landsbankinn hf. getur á hverjum tíma haft beinna eða óbeinna hagsmuna að gæta, ýmist sjálfur, dótturfélög hans eða fyrir hönd viðskiptavina, s.s. sem fjárfestir, lánardrottinn eða þjónustuaðili. Greiningar eru engu að síður unnar sjálfstætt af Hagfræðideild Landsbankans og innan Landsbankans eru í gildi reglur um aðskilnað starfssviða sem eru aðgengilegar á vef bankans.

Þú gætir einnig haft áhuga á

25. sept. 2023

Vikubyrjun 25. september 2023

Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.

20. sept. 2023

Vísitala íbúðaverðs hækkar lítillega og verðbólguspáin með

Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.

18. sept. 2023

Aukinn þjónustuútflutningur skýrist allur af vexti ferðaþjónustu

Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.

18. sept. 2023

Vikubyrjun 18. september 2023

Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.

15. sept. 2023

Frekari merki um hægari takt

Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.

14. sept. 2023

Spáum 7,7% verðbólgu í september

Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.

11. sept. 2023

Vikubyrjun 11. september 2023

Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.

4. sept. 2023

Mánaðaryfirlit yfir sértryggð skuldabréf - ágúst 2023

Meðfylgjandi er mánaðarlegt yfirlit um sértryggð skuldabréf.

4. sept. 2023

Vikubyrjun 4. september 2023

Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.

31. ágúst 2023

Hægir á hagvexti og einkaneysla á mann dregst saman

Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.

Áfram­hald­andi lækk­an­ir á hluta­bréfa­mörk­uð­um í sept­em­ber

Langflestir markaðir ná nýjum lægðum á árinu

Fyrirvari

Áframhaldandi lækkanir á hlutabréfamörkuðum í september