Landsbankinn til ráðgjafar í 3,4 milljarða útboði Coripharma
Fyrirtækjaráðgjöf Landsbankans var íslenska lyfjafyrirtækinu Coripharma til ráðgjafar og hafði umsjón með sölu skuldabréfa í félaginu á dögunum og nam fjármögnunin alls 3,4 mö.kr.
Fjármögnunarferlið gekk vel og mikil umframeftirspurn myndaðist í skuldabréfaútboðinu.
Nýr erlendur fjárfestir, fjárfestingarfélagið Concordia Healthcare Partners Ltd., fékk úthlutað helmingi af breytanlegu skuldabréfi í Coripharma en fjárfestingarfélagið samanstendur af reynslumiklum aðilum úr lyfjageiranum. Þetta er í fyrsta sinn sem erlendur fjárfestir kemur að fjármögnun Coripharma.
Auk Concordia var skuldabréfinu úthlutað til núverandi hluthafa og nýrra innlendra fjárfesta.
Fjármögnunin styður við næsta vaxtarskeið Coripharma þar sem áherslan verður áfram á þróun, framleiðslu og sölu eigin samheitalyfja.
