Fjöl­menni og líf­leg­ar um­ræð­ur á hagspár­fundi

Fullt hús var á Kjarval miðvikudaginn 21. október þegar Greiningardeild Landsbankans kynnti hagspá sína til ársins 2029.

Á fundinum var farið yfir stöðu og horfur í efnahagsmálum, auk þess sem gestir fengu áhugaverða innsýn í starfsemi og framtíðaráform Alvotech. Fundinum lauk með líflegum pallborðsumræðum.

Una Jónsdóttir, aðalhagfræðingur Landsbankans, hóf fundinn og kynnti helstu niðurstöður hagspárinnar. Greiningardeild spáir hóflegum hagvexti í ár og á næsta ári, en gerir ráð fyrir að horfur fari smám saman batnandi. Verðbólga hefur haldið vöxtum háum og hægt á hagkerfinu, en hana má meðal annars rekja til stríðsátaka erlendis og gjaldahækkana hér heima. Atvinnuleysi hefur jafnframt aukist og skýr merki eru um að hægt hafi á vinnumarkaði.

Því næst tók Lisa Graver, forstjóri Alvotech, til máls og flutti fróðlegt erindi um sögu og uppbyggingu fyrirtækisins, vöxt þess og þau tækifæri sem eru fram undan.

Í lok fundarins fóru svo fram líflegar pallborðsumræður um stöðu efnahagsmála og horfurnar næstu misseri. Þátttakendur voru Ásdís Kristjánsdóttir, bæjarstjóri Kópavogs, Árni Þór Þorbjörnsson, framkvæmdastjóri Fyrirtækjasviðs Landsbankans, Guðný Erla Guðnadóttir, forstöðumaður hjá Landsbréfum, og Lárus Welding, fjármálastjóri Stoða. Hjalti Óskarsson, hagfræðingur í Greiningardeild Landsbankans, stýrði umræðunum.

Við þökkum öllum sem mættu fyrir komuna, áhugaverðar umræður og góðan fund!