Vild – nýtt vild­ar­kerfi

Allir viðskiptavinir 18 ára og eldri færast sjálfkrafa inn í Vild. Hægt er að sjá sína Vild og fríðindi í Landsbankaappinu – við hvetjum þig til að kynna þér málið.

Lilja Björk Einarsdóttir, bankastjóri Landsbankans, segir:

„Við viljum að fólk finni að við metum viðskiptasambandið, hvort sem fólk er í umfangsmiklum viðskiptum eða hefur verið lengi hjá okkur. Vildarkerfið er skýrt, gagnsætt og við bjóðum okkar bestu kjör og auðvitað eru Aukakrónur Landsbankans punkturinn yfir i-ið.“

Meiri fríðindi í Vild Landsbankans

Vild er þrepaskipt, auk þess sem yngri en 18 ára eru með sérkjör. Helstu fríðindin í Vild eru:

• Enn meiri Aukakrónusöfnun.
• Hærri vextir á innlánum og allt að 7,66% vextir á ársgrundvelli á sparnaði í appi, m.v. núverandi vaxtastig.
• Betri kjör á óverðtryggðum íbúðalánum á föstum vöxtum.
• Allt að 10% endurgreiðsla af tryggingum.
• Aðgangur að velferðartorgi TM sem m.a. veitir ókeypis aðgang að tíma hjá sérfræðingi, s.s. sálfræðingi og talmeinafræðingi.
• Hagstæðari sjóðaviðskipti.
• Afsláttur af lántökugjaldi nýrra íbúðalána og við endurfjármögnun.

Stigasöfnun ræður vildarþrepinu

Samanlagður stigafjöldi ræður vildarþrepi. Hér er dæmi um stigasöfnun en þú finnur mun meiri upplýsingar inni í appinu:

• Ef þú ert með íbúðalán hjá bankanum færðu 5.000 stig.
• Ef þú hefur verið með íbúðalán hjá okkur í 10 ár eða lengur færðu 2.000 stig og heldur þeim þegar þú greiðir lánið upp.
• Ef þú ert með viðbótarlífeyrissparnað hjá okkur færðu 3.000 stig. 60 ára og eldri halda stigunum ef eign í sjóðum er hærri en 1 milljón króna.
• Ef þú hefur verið virkur viðskiptavinur í 2-4 ár færðu 1.000 stig, 2.000 stig fyrir 5-9 ár og 3.000 stig fyrir 10 ár eða lengur.
• Einnig eru gefin stig fyrir að spara hjá bankanum, vera í verðbréfaviðskiptum, með tryggingarnar hjá okkur, vera virkur í sjálfsafgreiðslulausnum og margt fleira.