Upp­lýs­ing­ar vegna flug­fé­lags­ins PLAY

• Hægt er að óska eftir endurgreiðslu flugfargjalds hafi flugmiði verið greiddur með greiðslukorti (kredit, debet og fyrirframgreiddu korti). Til þess þarf að gera endurkröfu á vef bankans. Þar er spurt um tegund endurkröfu og velja þarf: Play endurkrafa - þjónusta ekki veitt.
• Viðskiptavinir sem greiddu flugmiða með öðrum hætti en greiðslukorti geta gert kröfu á félagið.
• Tímafrestur til að gera endurkröfu er 120 dagar frá því flug átti að eiga sér stað.
• Við bendum korthöfum á að senda inn endurkröfubeiðni sem fyrst þar sem afgreiðsla þessara mála getur dregist.
• Bent er á að samkvæmt skilmálum korta- og ferðatrygginga eru ekki greiddar bætur við gjaldþrot flugfélags vegna annarra útgjalda sem tengjast ferðalaginu, s.s. hótelgistingar erlendis.
• Korthöfum sem bókuðu ferð í gegnum ferðaskrifstofu er bent á að hafa samband við ferðaskrifstofuna.
• Við hvetjum viðskiptavini sem notuðu Aukakrónur til að kaupa flugferðir með Play að láta reyna á endurgreiðslu með því að skrá endurkröfu.

Ofangreindar upplýsingar eiga við um þá korthafa sem eru með greiðslukort frá Landsbankanum. Aðrir korthafar þurfa að leita upplýsinga hjá sínum viðskiptabanka eða kortaútgefanda.

Nánari upplýsingar um rétt farþega eru á vef Samgöngustofu