Fréttir

Lang­tíma­lán frá NIB í tengsl­um við ný­bygg­ingu bank­ans

Landsbankinn
12. janúar 2023

Landsbankinn hefur samið við Norræna fjárfestingarbankann (NIB) um lán til 15 ára að fjárhæð 40 milljónir Bandaríkjadala (5,8 milljarðar króna) í tengslum við nýbyggingu bankans við Austurbakka í Reykjavík. Gert er ráð fyrir því að húsið fái framúrskarandi einkunn samkvæmt BREEAM-vottunarkerfinu og fellur lánveitingin undir fjármögnunarramma tengdum umhverfisskuldabréfum NIB.

Lilja Björk Einarsdóttir, bankastjóri, segir: „Við höfum sett okkur skýr og metnaðarfull markmið í umhverfismálum. Í öllu hönnunar- og byggingarferli hússins höfum við haft það að markmiði að það fái framúrskarandi einkunn í BREEAM-vottunarkerfinu. Með þeirri ákvörðun stuðlum við að minni mengun á framkvæmdar- og rekstrartíma byggingarinnar. Um leið höfðum við þann möguleika í huga að framúrskarandi umhverfiseinkunn gæfi okkur kost á að fjármagna húsið með hagkvæmari hætti en annars væri í boði. Það er ánægjulegt að sú hefur orðið raunin með samkomulaginu við NIB, en frá árinu 2015 höfum við unnið með þeim að þremur vel heppnuðum verkefnum og er þessi samningur til marks um það mikla traust sem hefur myndast í samstarfinu.“

Nýbygging Landsbankans er alls um 16.500 fermetrar. Bankinn mun nýta rúmlega 10.000 fermetra en íslenska ríkið hefur keypt svonefnt Norðurhús byggingarinnar sem er alls um 6.000 fermetrar. Alþjóðlega BREEAM-vottunarkerfið snýr m.a. að umhverfisstjórnun á byggingar- og rekstrartíma, góðri orkunýtingu og vatnssparnaði, vali á umhverfisvænum byggingarefnum og lágmörkun ýmiskonar mengunar frá byggingunni. 

Norræni fjárfestingarbankinn er alþjóðleg fjármálastofnun í eigu aðildarlandanna átta: Danmerkur, Eistlands, Finnlands, Íslands, Lettlands, Litháen, Noregs og Svíþjóðar. Bankinn lánar til opinberra verkefna og einkaverkefna jafnt innan sem utan aðildarríkjanna.

Nánar um NIB
Nánar um Austurbakka

Þú gætir einnig haft áhuga á
Höfuðstöðvar Alvotech
23. jan. 2023

Fyrirtækjaráðgjöf bankans veitti ráðgjöf við sölu á hlutabréfum í Alvotech

Alvotech tilkynnti í dag að félagið hefði gengið frá sölu hlutabréfa fyrir um 19,5 milljarða króna (137 milljónir Bandaríkjadala) í lokuðu útboði. Hlutabréfin voru seld á genginu 1.650 krónur á hlut (ígildi 11,57 Bandaríkjadala á hlut) til hóps innlendra fagfjárfesta og viðurkenndra gagnaðila. Hlutafjárútboðið hófst 19. janúar sl. og því lauk 22. janúar sl. Gert er ráð fyrir að uppgjör viðskiptanna og afhending bréfa fari fram 10. febrúar nk. Alvotech hyggst nota söluandvirði hlutabréfanna í almennan rekstur og til annarra þarfa félagsins. Ráðgjafar Alvotech í útboðinu voru Fyrirtækjaráðjöf Landsbankans og ACRO verðbréf.
New temp image
18. jan. 2023

Breyting á föstum vöxtum nýrra íbúðalána

Fastir vextir á nýjum óverðtryggðum íbúðalánum til 36 mánaða hækka um 0,25 prósentustig og fastir vextir á nýjum óverðtryggðum íbúðalánum til 60 mánaða hækka um 0,10 prósentustig. Breytingarnar taka gildi frá og með 19. janúar. Breytingarnar taka einungis til nýrra íbúðalána og hafa engin áhrif á lán sem hafa þegar verið veitt. Við vekjum athygli á fræðslugrein um áhrif vaxtahækkana á lán.
Netöryggi
13. jan. 2023

Varist svik í gegnum samfélagsmiðla – aldrei framsenda SMS-kóða

Við viljum vara viðskiptavini okkar við netsvikum, sérstaklega svikum sem fara fram í gegnum samfélagsmiðla og skilaboðaforrit, en mikið hefur borið á þeim undanfarið.
Íslenska ánægjuvogin
13. jan. 2023

Við erum efst banka í Ánægjuvoginni fjórða árið í röð

Landsbankinn mældist efstur í Íslensku ánægjuvoginni 2022 hjá viðskiptavinum í bankaþjónustu. Þetta er fjórða árið í röð sem bankinn fær þessa viðurkenningu.
Þorbjörg Kristjánsdóttir og Einar Pétursson
11. jan. 2023

Einar og Þorbjörg til liðs við Fyrirtækjaráðgjöf

Einar Pétursson og Þorbjörg Kristjánsdóttir hafa gengið til liðs við Fyrirtækjaráðgjöf Landsbankans.
29. des. 2022

Svansprent fær sjálfbærnimerki Landsbankans

Svansprent hefur fengið sjálfbærnimerki Landsbankans þar sem fyrirtækið er með vottun norræna umhverfismerkisins Svansins til staðfestingar á góðum árangri í umhverfismálum. Sjálfbærnimerki Landsbankans er veitt þeim fyrirtækjum sem uppfylla skilyrði um sjálfbærni sem sett eru fram í sjálfbærri fjármálaumgjörð bankans og standast strangar kröfur um umhverfisvæn verkefni.
29. des. 2022

Landsbankinn er nýr bakhjarl HönnunarMars til þriggja ára

Landsbankinn er nýr bakhjarl HönnunarMars og verður samstarfsaðili hátíðarinnar næstu þrjú árin.
Arnheiður K. Gísladóttir, forstöðumaður Fyrirtækjamiðstöðvar Landsbankans og Guðmundur Ragnar Guðmundsson og Ingibjörg Steinunn Ingjaldsdóttir eigendur Prentmets Odda.
27. des. 2022

Prentmet Oddi fær sjálfbærnimerki Landsbankans

Prentmet Oddi ehf. hefur fengið sjálfbærnimerki Landsbankans þar sem fyrirtækið er með vottun norræna umhverfismerkisins Svansins til staðfestingar á góðum árangri í umhverfismálum. Sjálfbærnimerki Landsbankans er veitt þeim fyrirtækjum sem uppfylla skilyrði um sjálfbærni sem sett eru fram í sjálfbærri fjármálaumgjörð bankans og standast strangar kröfur um umhverfisvæn verkefni.
Jólamynd
22. des. 2022

Afgreiðslutími um jól og áramót

Útibú og afgreiðslur Landsbankans verða lokuð annan í jólum, mánudaginn 26. desember. Að öðru leyti verður opið samkvæmt auglýstum afgreiðslutíma. Appið og netbankinn eru að sjálfsögðu aðgengileg hvar og hvenær sem er.
Samfélagsstyrkir 2022
21. des. 2022

Landsbankinn veitir 15 milljónir króna í samfélagsstyrki

Samfélagsstyrkjum að upphæð 15 milljónum króna var úthlutað úr Samfélagssjóði Landsbankans þriðjudaginn 20. desember sl. Alls hlutu 32 verkefni styrki að þessu sinni. Verkefnin eru afar fjölbreytt og gagnast fólki á öllum aldri og víða um land.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur