Gengi viðskipta miðast við þann dag sem þú sendir inn kaup- eða sölutilboð. Þú greiðir eða færð greitt fyrir viðskiptin þegar uppgjör á sér stað, 1-3 virkum dögum síðar, allt eftir því í hvaða sjóði þú kaupir eða selur. Veltubréf eru t.d. með uppgjörstíma einum degi eftir að kaup- eða sölutilboði er tekið á meðan Global Portfolio er með uppgjörstíma 3 dögum síðar.

Þegar þú sendir inn tilboð á markaðsgengi finnum við hagstæðasta verðið á markaðnum og göngum frá viðskiptunum eins fljótt og auðið er.

Þegar þú sendir inn tilboð á tilboðsgengi velur þú á hvaða gengi tilboðið fer á markaðinn. Sé því ekki tekið munu viðskiptin ekki eiga sér stað. Tilboðið gildir út daginn.

Gengi viðskipta miðast við þann dag sem þú sendir inn kaup- eða sölutilboð. Þú greiðir eða færð greitt fyrir viðskiptin þegar uppgjör á sér stað, 2 dögum seinna.

Í viðskiptum með hlutabréf þarf að greiða viðskiptaþóknun og afgreiðslugjald.
Við veitum 25% afslátt af viðskiptaþóknun og 50% afslátt af afgreiðslugjaldi þegar þú framkvæmir viðskiptií netbanka eða appi.

Nánari upplýsingar um viðskipti með hlutabréf

Þú getur átt viðskipti með tvo sjóði í erlendri mynt í netbankanum eða appinu, Nordic 40 og Global Portfolio. Til þess að eiga viðskipti með aðra sjóði í erlendri mynt getur þú haft samband við okkur í síma 410 4040 eða vl@landsbankinn.is.

Hafði samband við okkur í síma 410 4040 eða vl@landsbankinn.is ef þú hefur áhuga á að stunda viðskipti með erlend hlutabréf.

Já, það er hægt að stunda viðskipti með hlutabréf á First North markaðnum.

Áður en þú byrjar að eiga verðbréfaviðskipti þarft þú að gera samning um fjárfestingarþjónustu og veita upplýsingar um þekkingu og reynslu á verðbréfaviðskiptum. Það er gert á einfaldan hátt í netbankanum eða appinu.

Fyrirtæki og ófjárráða einstaklingar gera samning með því að hafa samband við Verðbréfa og lífeyrisþjónustu bankans í síma 410 4040 eða senda okkur línu á vl@landsbankinn.is.

Helsti munurinn á sérhæfðum sjóði fyrir almenna fjárfesta og verðbréfasjóði er að verðbréfasjóðir hafa ekki jafn rúmar fjárfestingarheimildir. Fjárfestingu í sjóðum fylgir ávallt áhætta þar sem gengi þeirra getur bæði hækkað og lækkað, t.d. vegna verðbreytinga á eignum sjóðanna og vegna gengisflökts gjaldmiðla þegar eignir sjóða eru í erlendum gjaldmiðlum.

Þú getur skoðað fjárfestingarheimildir hvers sjóðs í útboðslýsingu, upplýsingablaði og lykilupplýsingum sjóðsins.

Kaupþóknun og afgreiðslugjald er viðskiptaþóknun sem greidd er við kaup í sjóðum. Kaupþóknun er mismunandi eftir sjóðum, sjá nánar í verðskrá bankans.

Við veitum 25% afslátt af kaupþóknun og 100% afslátt af afgreiðslugjaldi þegar þú stundar sjóðaviðskipti í netbanka og appi.

Í mánaðarlegri áskrift fellum við niður kaupþóknun og afgreiðslugjald.

Þegar selt er í sjóði er ekki greidd viðskiptaþóknun, einungis afgreiðslugjald samkvæmt verðskrá. Veittur er 100% afsláttur af afgreiðslugjaldi í netbanka og appi.

Ekki er hægt að eiga viðskipti með skuldabréf í appi eða netbanka. Til þess að eiga viðskipti með þau þarft þú að hafa samband við Verðbréfa- og lífeyrisþjónustu í síma 410 4040 eða vl@landsbankinn.is.

Til þess að skoða síðustu viðskipti þá getur þú valið „Saga“ í appinu. Þar getur þú skoðað allar hreyfingar eftir tímabili, verðbréfi og tegund hreyfingar.

Til þess að fá kvittun fyrir viðskiptum velur þú viðskiptin undir „Saga“ og þá birtist hlekkur á kvittunina neðst á skjánum.

Lágmarksupphæð við kaup í sjóðum er 10.000 kr. Ef þú skráir þig í reglubundinn sparnað í sjóði, sem er mánaðarleg áskrift, þá er lágmarkið 5.000 kr. á mánuði.

Landsbankinn innheimtir ekki gjald við kaup (gengismun) samkvæmt verðskrá Landsbankans vegna áskriftar í sjóðum Landsbréfa ef áskrift viðskiptavinar varir að lágmarki í 4 mánuði. Afsláttur af gjaldi við kaup (gengismun) er strax veittur við fyrstu kaup viðskiptavinar í áskrift.
Afgreiðslugjald lækkar úr 450 kr. í 100 kr. í áskrift.

Vörsluþóknun er árgjald sem þú greiðir vegna vörslu verðbréfa. Þú greiðir ekki vörsluþóknun fyrir vörslu sjóða Landsbréfa.

Sjá nánari upplýsingar hér: landsbankinn.is/nci

Sjá nánari upplýsingar hér: landsbankinn.is/lei