Vikubyrjun 7. janúar
Óhætt er að segja að seinasta ár hafi ekki verið gjöfult á hlutabréfamörkuðum, hvorki hér heima né í helstu viðskiptalöndum okkar. Þannig endaði bandaríska S&P 500 vísitalan árið um 6,2% lægri en í upphafi árs. Helstu hlutabréfavístölur evrópskra markaða lækkuðu nokkuð meira í fyrra.
7. janúar 2019
Vikan framundan
- Á morgun birtir Seðlabankinn tölur um gjaldeyris- og krónumarkað og útreikning á raungengi
- Á miðvikudag birta Lánamál ríkisins mánaðarlegt Markaðsupplýsingarit sitt
Mynd vikunnar
Óhætt er að segja að seinasta hafi ekki verið gjöfult á hlutabréfamörkuðum, hvorki hér heima né í helstu viðskiptalöndum okkar. Þannig endaði bandaríska S&P 500 vísitalan árið um 6,2% lægri en í upphafi árs. Helstu evrópsku hlutabréfavístölur lækkuðu nokkuð meira, t.d. lækkaði breska FTSE 500 um 12,5%, þýska DAX um 18,3% og franska CAC 40 um 11,0%. Til samanburðar þá lækkaði íslenska úrvalsvísitalan um 1,3% í fyrra.
Það helsta frá seinustu tveimur vikum
- Samkvæmt fundargerð peningastefnunefndar greiddi einn nefndarmaður atkvæði gegn tillögu seðlabankastjóra um óbreytta vexti á seinasta fundi nefndarinnar og vildi frekar hækka vexti um 0,25 prósentur.
- Verðbólgan jókst nokkuð í desember og mældist 3,7% í samanburði við 3,3% í nóvember.
- Launavísitalan hækkaði um 0,15% milli október og nóvember.
- Seðlabankinn birti ársfjórðungslega Hagvísa.
- Heildarfjöldi gistinátta í nóvember var nánast óbreyttur milli ára.
- Þrjár tilkynningar um hópuppsagnir bárust Vinnumálastofnun í desember.
- Lánamál ríkisins birtu ársáætlun fyrir 2019 og ársfjórðungsáætlun fyrir 1F 2019.
- Arion banki, Íslandsbanki og Landsbankinn birtu útgáfuáætlanir fyrir 2019.
Hagtölur og markaðsupplýsingar
Þú gætir einnig haft áhuga á
10. júlí 2024
Við spáum því að vísitala neysluverðs hækki um 0,15% á milli mánaða í júlí og að verðbólga aukist úr 5,8% í 5,9%. Við gerum ráð fyrir að júlímánuður verði nokkuð dæmigerður þar sem sumarútsölur verða til lækkunar á vísitölunni en flugfargjöld til útlanda til hækkunar. Við spáum nokkurn veginn óbreyttri verðbólgu í ágúst og september, en að verðbólga hjaðni í 5,4% í október.
8. júlí 2024
Hátt vaxtastig hefur hvatt til sparnaðar og hægt á eftirspurn í hagkerfinu. Innlán heimila voru 20% meiri í maí síðastliðnum en í maí í fyrra, samkvæmt nýbirtum Hagvísum Seðlabanka Íslands. Óbundin innlán hafa aukist langmest.
1. júlí 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
1. júlí 2024
Vísitala neysluverðs hækkaði um 0,48% í júní. Verðbólga mældist því 5,8% og lækkaði úr 6,2%. Velta samkvæmt virðisaukaskattsskýrslum í mars og apríl dróst saman um 4,6% að raunvirði og launavísitalan hækkaði um 0,2% í maí, samkvæmt tölum sem Hagstofan birti í síðustu viku.
27. júní 2024
Vísitala neysluverðs hækkaði um 0,48% á milli mánaða í júní og við það lækkaði ársverðbólga úr 6,2% í 5,8%. Reiknuð húsaleiga, hækkandi flugfargjöld til útlanda og verðhækkun á hótelgistingu höfðu mest áhrif til hækkunar á vísitölunni. Á móti lækkaði verð á fötum og skóm, húsgögnum og heimilisbúnaði og ökutækjum á milli mánaða í júní.
25. júní 2024
Velta samkvæmt virðisaukaskattsskýrslum dróst saman um 4,6% að raunvirði í mars og apríl og um 2% í janúar og febrúar samkvæmt nýbirtum gögnum Hagstofunnar. Þróunin er ólík eftir útflutningsgreinum. Ferðaþjónusta eykst lítillega á milli ára, velta í sjávarútvegi og álframleiðslu minnkar en velta í lyfjaframleiðslu eykst til muna.
25. júní 2024
Atvinnuleysi er nú aðeins meira en á sama tíma í fyrra og laun hækka minna. Nýbirt launavísitala sýnir 0,2% hækkun á milli mánaða í maí og hafa laun nú hækkað um 6,7% á síðustu tólf mánuðum. Allar líkur eru á að á þessu ári hækki laun mun minna en á síðasta ári, enda hafa nýir kjarasamningar minni hækkanir í för með sér en þeir síðustu.
24. júní 2024
Vísitala íbúðaverðs hækkaði um 1,4% í maí og vísitala leiguverðs um 3,2% samkvæmt gögnum sem bárust í síðustu viku. Englandsbanki hélt vöxtum óbreyttum á meðan svissneski seðlabankinn lækkaði vexti um 0,25 prósentustig. Eftirtektarverðasta innlenda hagtalan sem birtist í þessari viku er eflaust vísitala neysluverðs sem Hagstofan birtir á fimmtudaginn.
19. júní 2024
Vísitala íbúðaverðs hækkaði um 1,4% á milli mánaða í maí. Nafnverð íbúða er 8,4% hærra en á sama tíma í fyrra og raunverð íbúða er 4% hærra. Undirritaðir kaupsamningar um íbúðir á höfuðborgarsvæðinu voru 150% fleiri í maí á þessu ári en í maí í fyrra.
18. júní 2024
Í síðustu viku fengum við tölur um atvinnuleysi, fjölda ferðamanna og greiðslukortaveltu hér á landi í maí. Seðlabanki Bandaríkjanna hélt vöxtum óbreyttum. Síðar í dag birtir HMS vísitölu íbúðaverðs.