Vikubyrjun 6. febrúar 2023
Það er ekki bara hér á landi sem verðbólga er há um þessar mundir heldur er það staðan víða um heim og hafa seðlabankar flest allra ríkja brugðist við með vaxtahækkunum. Í síðustu viku hækkuðu seðlabankar Bandaríkjanna, Evrópu og Englandsbanki vexti og hafa stýrivextir í þessum hagkerfum ekki verið hærri síðan fyrir fjármálakreppuna haustið 2008.
6. febrúar 2023
Vikan framundan
- Á miðvikudag er vaxtaákvörðun hjá Seðlabanka Íslands, við eigum von á 0,50 prósentu hækkun. Samhliða ákvörðuninni birtir Seðlabankinn febrúarhefti Peningamála með uppfærðri þjóðhagsspá. Sama dag birta Arion banki, Festi og Marel ársuppgjör.
- Á fimmtudag birta Íslandsbanki, Reginn og Sjóvá ársuppgjör.
- Á föstudag birtir Ferðamálastofa brottfarir um Leifsstöð og Vinnumálastofnun birtir skráð atvinnuleysi.
Mynd vikunnar
Það er ekki bara hér á landi sem verðbólga er há um þessar mundir heldur er hún það víða um heim og hafa seðlabankar flest allra ríkja brugðist við með vaxtahækkunum. Í síðustu viku hækkuðu seðlabankar Bandaríkjanna, Evrópu og Englandsbanki vexti og hafa stýrivextir í þessum hagkerfum ekki verið hærri síðan fyrir fjármálakreppuna hausið 2008. Eitt af því sem Peningastefnunefnd Seðlabanka Íslands hlýtur að horfa til við næstu ákvörðun er hversu lítill vaxtamunur Íslands er nú við útlönd. Ef vaxtamunurinn dregst frekar saman, myndi það að óbreyttu þýða frekari þrýsting á krónuna, sem ynni gegn lögbundnu hlutverki nefndarinnar sem er að reyna að ná verðbólgunni aftur niður.
Helsta frá vikunni sem leið
- Vísitala neysluverðs hækkaði um 0,85% milli mánaða í janúar og jókst ársverðbólgan úr 9,6% í 9,9%. Hún er því komin aftur upp í sama gildi og var í júlí í fyrra, en það var hæsta gildið í núverandi verðbólgukúf. Verðbólgan var mun meiri en við áttum von á, sem skýrist að miklu leyti af miklum verðhækkunum á nýjum bílum. Það sem veldur mestum áhyggjum í tölunum er að þeim undirliðum fjölgar áfram sem hækka í verði umfram verðbólgumarkmið.
- Erlendis bar hæst í vikunni vaxtaákvarðanir hjá stærstu seðlabönkum heims, en Seðlabankinn Bandaríkjanna hækkaði vexti um 0,25 prósentur, Seðlabanki Evrópu um 0,5 prósentur og Englandsbanki um 0,5 prósentur. Það bárust góðar fréttir í baráttunni við verðbólgu erlendis, en verðbólga á evrusvæðinu lækkaði úr 9,2% í desember niður í 8,5% i janúar.
- Hagstofan birti fyrsta mat á fjölda gistinótta í fyrra og Ferðamálastofa birti samantekt á helstu hagvísum ferðaþjónustu í fyrra.
- Nokkur uppgjör voru í síðustu viku, en Landsbankinn, Icelandair (fjárfestakynning), og Origo birtu ársuppgjör.
- Á hlutabréfamarkaði gekk Síminn frá sölu á skuldabréfi vegna sölu Mílu, SKEL birti jákvæða afkomuviðvörun og Kvika banki óskaði eftir samrunaviðræðum við Íslandsbanka.
- Á skuldabréfamarkaði héldu Lánamál ríkisins útboð á ríkisvíxlum og ríkisbréfum og Arion banki lauk útboði á sértryggðum skuldabréfum.
- Að lokum bendum við á hlaðvarpsþátt sem við tókum upp í síðustu viku þar sem við ræddum stýrivexti, stöðuna á íbúðamarkaði og fleira.
Hagtölur og markaðsupplýsingar
Þú gætir einnig haft áhuga á
16. sept. 2024
Í vikunni birtist meðal annars vísitala íbúðaverðs, vísitala leiguverðs og tölur um veltu greiðslukorta í ágúst. Í síðustu viku birtust tölur um fjölda ferðamanna sem hingað komu í ágúst, en þeir voru svipað margir og í ágúst í fyrra. Atvinnuleysi jókst lítillega á milli mánaða í ágúst. Fjárlög fyrir 2025 voru kynnt.
12. sept. 2024
Við spáum því að vísitala neysluverðs hækki um 0,08% á milli mánaða í september og að verðbólga lækki úr 6,0% niður í 5,7%. Við eigum von á áframhaldandi lækkun næstu mánuði og að ársverðbólga verði komin niður í 4,9% í lok árs.
9. sept. 2024
Í þessari viku ber hæst útgáfa á tölum um fjölda ferðamanna í ágúst og skráð atvinnuleysi á morgun. Í síðustu viku birtist fundargerð peningastefnunefndar þar sem fram kom að allir nefndarmenn voru sammála um að halda vöxtum óbreyttum á síðasta fundi, ólíkt því sem var síðustu þrjá fundi þar áður þar sem einn nefndarmaður vildi lækka vexti um 0,25 prósentustig.
6. sept. 2024
Meðfylgjandi er mánaðarlegt yfirlit sértryggðra skuldabréfa.
5. sept. 2024
Halli mældist á viðskiptum við útlönd á öðrum fjórðungi þessa árs, ólíkt öðrum ársfjórðungi í fyrra, þegar lítils háttar afgangur mældist. Það var afgangur af þjónustujöfnuði og frumþáttatekjum, en halli á vöruskiptum og rekstrarframlögum. Hrein staða þjóðarbúsins versnaði lítillega á fjórðungnum.
3. sept. 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
2. sept. 2024
Verðbólga lækkaði óvænt á milli mánaða í ágúst. Hagkerfið dróst örlítið saman á milli ára á öðrum ársfjórðungi, en á sama tíma er nú ljóst að hagvöxtur í fyrra var meiri en áður var talið og einnig að samdráttur var minni á fyrsta ársfjórðungi. Í þessari viku birtir Seðlabankinn gögn um greiðslujöfnuð við útlönd og fundargerð peningastefnunefndar.
30. ágúst 2024
Hagkerfið dróst örlítið saman á milli ára á öðrum ársfjórðungi, samkvæmt nýbirtum þjóðhagsreikningum Hagstofunnar. Á sama tíma er nú ljóst að hagvöxtur var meiri í fyrra en áður var talið og samdráttur einnig minni á fyrsta ársfjórðungi. Umsvif í hagkerfinu eru því meiri en áður var talið þótt landsframleiðsla dragist saman.
29. ágúst 2024
Vísitala neysluverðs hækkaði um 0,09% á milli mánaða í ágúst, samkvæmt nýbirtum tölum Hagstofu Ísland. Ársverðbólga lækkar því úr 6,3% í 6,0%, um 0,3 prósentustig. Vísitalan hækkaði nokkuð minna en við gerðum ráð fyrir, en við spáðum óbreyttri verðbólgu. Það sem kom okkur mest á óvart var lækkun á menntunarliðnum, sem skýrist af niðurfellingu á skólagjöldum einstaka háskóla. Verð á matarkörfunni lækkaði í fyrsta skiptið í þrjú ár.
27. ágúst 2024
Afgangur af þjónustuviðskiptum náði ekki að vega upp halla af vöruviðskiptum á öðrum ársfjórðungi, ólíkt því sem var fyrir ári síðan. Bæði var meiri halli af vöruviðskiptum og minni afgangur af þjónustuviðskiptum en á öðrum fjórðungi síðasta árs.