15. mars 2021 - Greiningardeild
Vikan framundan
- Á þriðjudag birtir Þjóðskrá vísitölu íbúðaverðs á höfuðborgarsvæðinu og Seðlabankinn birtir tölur um greiðslumiðlun.
- Á miðvikudag birtir Þjóðskrá vísitölu leiguverðs.
- Á föstudag birtir Hagstofan þjóðhagsspá.
Mynd vikunnar
Veruleg truflun hefur orðið á flutningi með gámum vegna heimsfaraldursins. Bandarískir neytendur hafa verið mjög virkir við að kaupa vörur framleiddar í verksmiðjum í Asíu á sama tíma og faraldurinn hefur valdið því að verr hefur gengið að skipa upp og dreifa gámum fullum af þessum varningi. Gámar hafa verið að safnast upp í höfnum á Bandaríkjunum á meðan það er skortur á gámum í Asíu. Þetta hefur valdið því að flutningskostnaður með gámum hefur rokið upp síðustu mánuði með tilheyrandi þrýstingi á vöruverð um heim allan.
Það helsta frá síðustu viku
- Við spáum 4,3% verðbólgu í mars.
- Atvinnuleysi minnkaði lítillega milli mánaða í febrúar.
- Einkaneyslan á síðasta ári var meiri en spáð var.
- Ferðamálastofa birti talningu á fjöldi ferðamanna um Leifsstöð í febrúar.
- Icelandair birti flutningstölur fyrir febrúar.
- Hagdeild HMS birti mánaðarskýrslu.
- Hagstofan birti fjármál hins opinbera á síðasta ári og tilraunatölfræði um gistinætur á hótelum í febrúar.
- Seðlabankinn birti útreikning á raungengi.
- Lánamál ríkisins birtu Markaðsupplýsingar.
- Lánasjóður sveitarfélaga og Orkuveita Reykjavíkur birtu ársreikninga.
- Landsbankinn lauk útboði sértryggðra skuldabréfa, Lykill fjármögnun gaf út víxlaflokk og Félagsbústaðir luku skuldabréfaútboði.
Hagtölur og markaðsupplýsingar
Þú gætir einnig haft áhuga á
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
30. sept. 2026
Við spáum því að peningastefnunefnd Seðlabanka Íslands haldi vöxtum óbreyttum í næstu viku. Við síðustu vaxtaákvörðun gaf nefndin nokkuð skýrt til kynna að hún teldi aðhaldið nægjanlegt. Þróun verðbólgu frá síðasta fundi hefur verið í takt við spá bankans, verðbólguvæntingar eru svipaðar og fyrir síðustu ákvörðun og hagkerfið sýnir áfram merki kólnunar. Óvissan snýr helst að því hvernig nefndin metur áhrif fjárlagafrumvarpsins og mögulegar afleiðingar forsendubrestsins í kjarasamningum.
29. sept. 2026
Vísitala neysluverðs hækkaði um 0,39% á milli mánaða í september og verðbólga hækkar því úr 5,6% í 5,9%. Við spáðum 5,8% verðbólgu. Eldsneytisverð hækkaði töluvert í mánuðinum sem bæði má rekja til þess að tímabundin lækkun á virðisaukaskatti rann út í byrjun mánaðar og hækkana á heimsmarkaðsverði á olíu. Áhrif hækkunar komugjalda á heilsugæslu höfðu einnig áhrif til hækkunar, í takt við spá okkar.
28. sept. 2026
Samkvæmt talningu HMS hefur íbúðum í byggingu fækkað. Seðlabankinn birti í liðinni viku yfirlýsingu fjármálastöðugleikanefndar ásamt ritinu Fjármálastöðugleika. Á morgun birtir Hagstofan verðbólgutölur fyrir september. Við spáum því að verðbólgan hækki úr 5,6% í 5,8%.