Vikubyrjun 15. júlí
Nokkrar sviptingar voru með hlutabréfaverð í Icelandair group í seinustu viku. Ef við skoðum hlutabréfaverð Icelandair group yfir lengri tíma sést að miklar sveiflur hafa verið á verði þess. Til dæmis hefur verðið hreyfst um meira en 10% milli samliggjandi daga 10 sinnum síðan byrjun árs 2017.
12. júlí 2019
Vikan framundan
- Á þriðjudag birtir Þjóðskrá vísitölu íbúðaverðs á höfuðborgarsvæðinu. Seðlabankinn birtir tölur um greiðslumiðlun.
- Á föstudag birtir þjóðskrá vísitölu leiguverðs á höfuðborgarsvæðinu.
- Á fimmtudag birtir Ferðamálastofa síðan mánaðarlegt rit sitt, ferðaþjónustan í tölum.
Mynd vikunnar
Nokkrar sviptingar voru með hlutabréfaverð í Icelandair group í seinustu viku meðal annars í kjölfar frétta um framlengingu kyrrsetningar Boeing 737 MAX-flugvéla félagsins, hugsanlegra áforma Emirates um að hefja flug til Íslands og kaup bandarísks fjárfestis á eignum út úr þrotabúi WOW air. Þessu til viðbótar voru kynntar hugmyndir um stofnun annars flugfélags hér á landi sem á að heita WAB sem stendur fyrir „We are Back“. Á bak við það standa hluti af fyrrum stjórnendum í Wow air ásamt írskum fjárfestingarsjóð sem tengist einum af stofnendum Ryanair. Ef við skoðum hlutabréfaverð Icelandair group yfir lengri tíma sjást mikla sveiflur. Til dæmis hefur verðið hreyfst um meira en 10% milli samliggjandi daga 10 sinnum síðan byrjun árs 2017.
Það helsta frá vikunni sem leið
- Samkvæmt fundargerð Peningastefnunefndar greiddi einn nefndarmaður atkvæði gegn tillögu seðlabankastjóra um að lækka vexti bankans um 0,25 prósentur.
- Við spáum að verðbólgan mælist 3,2% í júlí.
- Erlendum ferðamönnum hefur fækkað um 19,2% eftir brotthvarf WOW air.
- Skráð atvinnuleysi var 3,4% í júní.
- Íbúðalánasjóður birtir mánaðarskýrslu um húsnæðismarkaðinn.
- Hagstofan birti talnaefni um laun 2018, starfsskráningar á öðrum ársfjórðungi, lífslíkur árið 2018 og útflutningsverðmæti 2018.
- Seðlabankinn birti talnaefni um raungengi, millibankamarkað með krónur, millibankamarkað með gjaldeyri, erlenda stöðu Seðlabankans og gjaldeyrisforðann.
- Ferðamálastofa birti könnun á afkomu hótelfyrirtækja 2018.
- Icelandair Group birti flutningstölur fyrir júní. Félagið tilkynnti einnig breytingar á flugáætlun vegna kyrrsetningar Boeing 737 MAX flugvéla.
- Lánamál ríkisins birtu Markaðsupplýsingar.
- Landsbankinn lauk útboði sértryggðra skuldabréfa, Lykill fjármögnun lauk víxlaútboði, Íslandsbanki lauk víxlaútboði og Arion banki lauk víxlaútboði.
Hagtölur og markaðsupplýsingar
Þú gætir einnig haft áhuga á
24. mars 2025
Peningastefnunefnd lækkaði vexti um 0,25 prósentustig á miðvikudaginn í síðustu viku. Ákvörðunin var í takt við væntingar. Vísitala íbúðaverðs hélst nokkurn veginn óbreytt á milli mánaða í febrúar. Til samanburðar hækkaði verðið mun meira í febrúar í fyrra, um tæp 2%. Kortavelta landsmanna innanlands hélt áfram að aukast á milli ára í febrúar en jókst þó aðeins minna en undanfarna mánuði.
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.
13. mars 2025
Við spáum 0,25 prósentustiga vaxtalækkun í næstu viku. Verðbólga hjaðnaði um 0,4 prósentustig í febrúar en við teljum að hagvöxtur umfram væntingar og aukin neysla, lítil breyting á verðbólguvæntingum og ólga á vinnumarkaði haldi peningastefnunefnd á tánum.
13. mars 2025
Við spáum því að vísitala neysluverðs hækki um 0,54% á milli mánaða í mars og að verðbólga hjaðni úr 4,2% í 3,9%. Hjöðnun á milli mánaða skýrist ekki síst af töluvert minni hækkun á reiknaðri húsaleigu en fyrir ári síðan. Við gerum ekki ráð fyrir miklum breytingum á verðbólgu næstu mánuði og teljum að hún verði áfram rétt undir 4% í júní.
10. mars 2025
Verulegur halli mældist á viðskiptum við útlönd í fyrra og sömuleiðis á vöruviðskiptum í febrúar samkvæmt gögnum sem bárust í síðustu viku. Seðlabanki Evrópu lækkaði vexti í síðustu viku, eins og við var búist. Í vikunni fara fram verðmælingar fyrir marsmælingu vísitölu neysluverðs, Vinnumálastofnun birtir skráð atvinnuleysi og Ferðamálastofa birtir tölur um fjölda ferðamanna um Keflavíkurflugvöll.
7. mars 2025
Verulegur halli mældist á viðskiptum við útlönd í fyrra, en stór hluti hans var vegna færslna sem höfðu ekki í för með sér gjaldeyrisflæði og styrktist krónan því þrátt fyrir þetta og erlend staða þjóðarbúsins batnaði.
3. mars 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
3. mars 2025
Verðbólga lækkaði úr 4,6% í 4,2% í febrúar, en við teljum að heldur muni draga úr lækkunartakti verðbólgu næstu mánuði. Hagvöxtur mældist 2,3% á fjórða ársfjórðungi 2024 og 0,6% fyrir árið í heild. Umsvif í hagkerfinu voru umfram spár, en Hagstofan færði upp hagvöxt á fyrstu níu mánuðum ársins. Í vikunni fram undan eru nokkur uppgjör, Seðlabankinn birtir greiðslujöfnuð við útlönd og það er vaxtaákvörðun hjá Seðlabanka Evrópu.
28. feb. 2025
Hagvöxtur var 0,6% árið 2024. Krafturinn í hagkerfinu var lítillega umfram flestar spár sem gerðu heldur ráð fyrir lítils háttar samdrætti. Hagvöxturinn var ekki síst drifinn áfram af aukinni fjárfestingu, bæði í atvinnuvegum og íbúðauppbyggingu.
27. feb. 2025
Vísitala neysluverðs hækkaði um 0,91% á milli mánaða í febrúar, samkvæmt nýbirtum tölum Hagstofu Íslands. Ársverðbólga lækkar því úr 4,6% í 4,2%. Við eigum enn von á að verðbólga hjaðni næstu mánuði, þó það hægi á lækkunartaktinum, og mælist 3,8% í maí.