Krónan styrktist í febrúar, Seðlabankinn bæði keypti og seldi evrur

Íslenska krónan styrktist á móti gjaldmiðlum helstu viðskiptalanda okkar í febrúar. Seðlabankinn greip fjórum sinnum inn í markaðinn í mánuðinum, keypti evrur þrisvar og seldi evrur einu sinni.

4. mars 2022 - Hagfræðideild

Í lok febrúar stóð evran í 141,8 krónum samanborið við 143,2 í lok janúar og Bandaríkjadalur í 126,6 samanborið við 128,4 í lok janúar. Gengisvísitalan lækkaði (krónan styrktist) um 1,0% í febrúar.

Krónan hélt sér að mestu milli 141 og 144 krónum á evru í mánuðinum. Krónan byrjaði mánuðinn rétt undir 144 krónum á hverja evru. Krónan styrktist síðan fyrri hluta mánaðarins, fór lægst í 140,8 krónur evran, en gaf síðan lítillega eftir undir lok mánaðarins.

Velta á gjaldeyrismarkaði var 45,2 ma.kr. (318 m.evra) í mánuðinum og jókst nokkuð milli mánaða. Hlutdeild SÍ í veltu mánaðarins var 9,2 ma.kr. (64 m.evra), eða 20% af heildarveltu.

Seðlabankinn greip fjórum sinnum inn í markaðinn í febrúar. Fyrri hluta mánaðarins greip hann inn í þrisvar og keypti evrur fyrir alls 8 ma.kr. (56 m.evra). Þann 24. febrúar seldi hann síðan evrur fyrir 1,1 ma.kr. (8 m.evra). Nettó kaup SÍ á gjaldeyri í mánuðunum voru 6,8 ma.kr. (48 m.evra).

Næstu mánuði sjáum við ekki fyrir okkur aukið útflæði. Vaxtamunur við evru ætti einnig að styðja við krónuna. Við teljum því líklegra að krónan muni styrkjast frekar en veikjast næstu mánuði.

Lesa Hagsjána í heild

Hagsjá: Krónan styrktist í febrúar, Seðlabankinn bæði keypti og seldi evrur

Þú gætir einnig haft áhuga á

25. sept. 2023

Vikubyrjun 25. september 2023

Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.

20. sept. 2023

Vísitala íbúðaverðs hækkar lítillega og verðbólguspáin með

Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.

18. sept. 2023

Aukinn þjónustuútflutningur skýrist allur af vexti ferðaþjónustu

Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.

18. sept. 2023

Vikubyrjun 18. september 2023

Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.

15. sept. 2023

Frekari merki um hægari takt

Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.

14. sept. 2023

Spáum 7,7% verðbólgu í september

Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.

11. sept. 2023

Vikubyrjun 11. september 2023

Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.

4. sept. 2023

Mánaðaryfirlit yfir sértryggð skuldabréf - ágúst 2023

Meðfylgjandi er mánaðarlegt yfirlit um sértryggð skuldabréf.

4. sept. 2023

Vikubyrjun 4. september 2023

Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.

31. ágúst 2023

Hægir á hagvexti og einkaneysla á mann dregst saman

Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.

Krón­an styrkt­ist í fe­brú­ar, Seðla­bank­inn bæði keypti og seldi evr­ur

Lesa Hagsjána í heild

Krónan styrktist í febrúar, Seðlabankinn bæði keypti og seldi evrur