Hag­sjá: Við­skipti með fast­eign­ir að fær­ast í fyrra horf

Eftirspurn fyrirtækja eftir íbúðum virðist hafa minnkað töluvert á höfuðborgarsvæðinu það sem af er þessu ári. Sala einstaklinga til fyrirtækja var um 6% á árunum 2015-2017, en var komin niður í 4% á fyrri hluta ársins 2018.
13. ágúst 2018

Samantekt

Viðskipti með fasteignir á höfuðborgarsvæðinu í júlí voru svipuð og í júní en eilítið meiri en í júlí í fyrra. Sé litið á fjölda viðskipta fyrstu 7 mánuði ársins í ár voru þau 2% fleiri en á sama tíma í fyrra. Í lengra samhengi má sjá að fjöldi viðskipta á höfuðborgarsvæðinu minnkaði í fyrsta skipti í langan tíma á milli ára í fyrra. Viðskiptin á öllu árinu 2017 voru álíka mörg og á árinu 2015. Fækkunin hélt áfram fyrstu mánuði ársins 2018 en síðustu mánuðir hafa breytt þeirri mynd nokkuð. Mánaðarlegur meðalfjöldi viðskipta á fyrri árshelmingi í ár var því orðinn meiri nú en var að meðaltali á árinu 2017.

Eftirspurn fyrirtækja, væntanlega fyrst og fremst leigufélaga, eftir íbúðum virðist hafa minnkað töluvert á höfuðborgarsvæðinu það sem af er þessu ári. Sala einstaklinga til fyrirtækja var um 6% á árunum 2015-2017, en var komin niður í 4% á fyrri hluta ársins 2018. Þessar tölur eru vísbending um að eftirspurn leigufélaga eftir íbúðum hafi minnkað og að sama skapi má væntanlega segja að kaup byggingarverktaka á íbúðum til breytinga og niðurrifs hafi minnkað. Minnkunin milli ára er sérstaklega mikil fyrir miðsvæði Reykjavíkur. Þar var sala einstaklinga til fyrirtækja á bilinu 10-13% á árunum 2015-2017 en var komin niður í 6% á fyrri hluta þessa árs. Það virðist því sem ástandið á því svæði sé tekið að róast meira en annars staðar á svæðinu hvað viðskipti af þessu tagi áhrærir.

Þegar litið er á hver selur hverjum á fasteignamarkaði höfuðborgarsvæðisins kemur í ljós að samsetning viðskipta hefur verið nokkuð stöðug í gegnum árin. Bein viðskipti á milli einstaklinga eru langalgengustu viðskiptin og eru að jafnaði um þrír fjórðu hluti allra viðskipta. Sala fyrirtækja til einstaklinga eru næst algengustu viðskiptin, hafa verið tæplega 20% í gegnum árin og reyndar rúmlega 20% það sem af er þessu ári. Þessar tvær gerðir viðskipta eru jafnan um og yfir 90% viðskiptanna. Afgangurinn skiptist svo á milli þess sölu einstaklinga til fyrirtækja og sölu fyrirtækja til annarra fyrirtækja.

Í takt við aukinn fjölda viðskipta á fasteignamarkaði jukust allar tegundir viðskipta fram á árið 2015 . Þannig varð mikil aukning í beinum viðskiptum milli einstaklinga á miðju ári 2015. Frá þeim tíma hafa viðskipti af því tagi staðið nokkuð í stað. Þá má einnig sjá að jöfn aukning hefur orðið í sölu fyrirtækja til einstaklinga á tímabilinu, þar sem fyrst og fremst er um að ræða nýjar íbúðir.

Séu þessar tölur skoðaðar á vísitöluformi, með upphaf ársins 2011 sem grunnpunkt, má sjá að þróun fjölda beinna viðskipta milli einstaklinga og sölu fyrirtækja til einstaklinga er nokkuð samhliða. Þróun á sölu einstaklinga til fyrirtækja er mun sveiflukenndari, enda um mun færri viðskipti að ræða. Það virðist því sem bein viðskipti milli einstaklinga og kaup einstaklinga beint af fyrirtækjum lúti nokkurn veginn sömu lögmálum og sveiflur í viðskiptum milli ársfjórðunga fara nokkuð vel saman.

Margt bendir til þess að framboð nýrra íbúða sé að aukast mikið. Mikið hefur verið um það rætt að framboð sé ekki nægilegt á þeim íbúðum sem mest eftirspurn er eftir, þ.e. minni og ódýrari íbúðum. Það verður því athyglisvert að fylgjast með því hvernig gengur að selja þetta aukna framboð og hvort möguleg sölutregða valdi lækkun á verði.

Lesa Hagsjána í heild

Hagsjá: Viðskipti með fasteignir að færast í fyrra horf (PDF)

Þú gætir einnig haft áhuga á
Vöruhótel
26. feb. 2024
Vikubyrjun 26. febrúar 2024
Á árunum 2010 til 2019 var samfelldur afgangur af vöru- og þjónustuviðskiptum við útlönd. Nokkur halli var árin 2020 og 2021 á meðan heimsfaraldurinn geisaði, en síðan hafa utanríkisviðskipti verið nokkurn veginn í jafnvægi.
Gata í Reykjavík
22. feb. 2024
Vísitala íbúðaverðs hækkar áfram örlítið milli mánaða
Vísitala íbúðaverðs hækkaði um 0,4% á milli mánaða í janúar. Sérbýli hækkaði um 0,1% og fjölbýli um 0,4%. Raunverð íbúða er nokkurn veginn það sama og fyrir einu ári. Undirrituðum kaupsamningum á höfuðborgarsvæðinu fjölgaði á milli ára síðustu fjóra mánuði eftir að hafa fækkað sífellt frá miðju ári 2021.
Bátur
19. feb. 2024
Vikubyrjun 19. febrúar 2024
Nokkur breyting hefur orðið á samsetningu vinnumarkaðarins hér á landi frá árinu 1991. Stjórnendum, sérfræðingum, sérmenntuðu starfsfólki, þjónustu- og verslunarfólki hefur fjölgað verulega á sama tíma og skrifstofufólki, bændum og fiskveiðifólki hefur fækkað.
Peningaseðlar
15. feb. 2024
Spáum áframhaldandi hjöðnun í febrúar: Úr 6,7% í 6,1%
Við spáum því að vísitala neysluverðs hækki um 0,89% milli mánaða í febrúar og að ársverðbólga hjaðni úr 6,7% í 6,1%. Útsölulok munu hafa mest áhrif til hækkunar á milli mánaða í febrúar, samkvæmt spánni. Þá koma gjaldskrárhækkanir á sorphirðu, fráveitu og köldu vatni inn í mælingar nú í febrúar. Lægri flugfargjöld til útlanda vega þyngst á móti hækkunum, gangi spáin eftir.
Flugvél
12. feb. 2024
Ferðamenn dvelja skemur og eyða færri krónum
Um 131 þúsund erlendir ferðamenn fóru um Keflavíkurflugvöll í janúar. Þeir voru fleiri en í janúar í fyrra en færri en árin fyrir faraldur. Fjórði ársfjórðungur síðasta árs var sá fjölmennasti frá upphafi.
Smiður
12. feb. 2024
Vikubyrjun 12. febrúar 2024
Á fjórða ársfjórðungi síðasta árs voru fleiri atvinnulausir á Íslandi en sem nam lausum störfum. Því var öfugt farið um mitt ár 2022 þegar spennan á vinnumarkaði var sem mest og fyrirtæki kepptust um starfsfólk. Þessi viðsnúningur er eitt merki þess að tekið sé að draga út spennu á vinnumarkaði, ekki síst vegna aukins peningalegs aðhalds.
Hús í Reykjavík
9. feb. 2024
Meirihluti útistandandi íbúðalána nú verðtryggður
Hátt vaxtastig hefur breytt samsetningu íbúðalána til heimila. Meirihluti útistandandi íbúðalána heimila er nú verðtryggður, en heimili hafa frá byrjun síðasta árs í auknum mæli fært sig úr óverðtryggðum lánum yfir í verðtryggð. Hrein ný íbúðalán banka og lífeyrissjóða hafa aukist frá miðju síðasta ári en drógust nú saman milli mánaða í desember.
5. feb. 2024
Mánaðaryfirlit yfir sértryggð skuldabréf - janúar 2024
Meðfylgjandi er mánaðarlegt yfirlit sértryggðra skuldabréfa.
Mynt 100 kr.
5. feb. 2024
Vikubyrjun 5. febrúar 2024
Verðbólga hefur hjaðnað síðustu mánuði, en auk þess hefur hlutfall undirliða sem hafa hækkað um meira en 10% á undanförnum 12 mánuðum fækkað.
2. feb. 2024
Fréttabréf Hagfræðideildar 2. febrúar 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur