Átta góð­ar ábend­ing­ar fyr­ir at­vinnu­við­tal­ið

Umsóknargögnin voru vel heppnuð, ferilskráin þín og kynningarbréfið hittu greinilega í mark. Nú ert þú á leiðinni í atvinnuviðtal og þarft að standa þig. En hvernig á að undirbúa sig og hvert er leyndarmálið á bak við vel heppnað starfsviðtal?
20. mars 2018 - Landsbankinn

Við fengum Bergþóru Sigurðardóttur, starfsþróunarstjóra í mannauðsdeild Landsbankans, til að gefa þeim sem eru á leiðinni í atvinnuviðtal nokkur góð ráð.

Ráð nr. 1: Stundvísi er dyggð

„Það er mjög mikilvægt að mæta á réttum tíma. Ef þú tefst af algjörlega óviðráðanlegum orsökum skaltu láta vita af því, helst með góðum fyrirvara,“ segir Bergþóra.

Ráð nr. 2: Snyrtilegur klæðnaður

Landsbankinn er þjónustufyrirtæki og starfsmenn þurfa að vera snyrtilegir til fara. „Hjá fyrirtækjum á borð við Landsbankann er ætlast til að umsækjendur komi snyrtilega til fara í viðtölin. Ágæt regla er að klæðast fötum sem þú telur líklegt að þú munir klæðast ef þú hlýtur starfið og jafnvel vera aðeins fínni en það.“

Ráð nr. 3: Kynntu þér fyrirtækið (en ekki þykjast vita allt)

„Það er mjög mikilvægt að mæta vel undirbúinn í viðtalið. Þeir sem taka viðtalið þurfa að finna að viðkomandi hafi kynnt sér fyrirtækið, starfið og ekki síst markaðinn sem það starfar á. Ég mæli líka með því að umsækjandi sé tilbúinn með 1-2 spurningar til að bera fram í viðtalinu. Þannig getur hann sýnt að hann hafi sett orku og tíma í að kynna sér fyrirtækið og hafi mikinn áhuga á starfinu. Vissulega er hægt er að ganga of langt í þessu og þykjast vita nánast allt um fyrirtækið og starfið. Það er þó hvorki traustvekjandi né trúverðugt og því yfirleitt ekki mjög árangursrík nálgun,“ segir Bergþóra.

Ráð nr. 4: Undirbúðu þig fyrir fyrirsjáanlegu spurningarnar

Atvinnuviðtöl innihalda bæði fyrirsjáanlegar og óvæntar spurningar. „Í flestum atvinnuviðtölum er rýnt í ferilskrána þína og til dæmis spurt út í nám og fyrri störf. Eins er oft spurt hvers vegna þú sækist eftir starfinu, hvers vegna þú telur að þú sért rétta manneskjan í starfið, hvaða væntingar þú hafir til þess og svo framvegis. Svörin við þess háttar spurningum er auðvelt að æfa heima,“ segir Bergþóra.

Ráð nr. 5: Haltu ró þinni þegar erfiðu spurningarnar koma

Aðrar spurningar eru erfiðari og ekki eins gott að sjá þær fyrir. Slíkar spurningar eru hugsaðar til að sjá hvernig umsækjandinn bregst við undir álagi. Bergþóra segir: „Þegar auglýst er eftir starfsfólki er bæði verið að leita að fagþekkingu en líka að öflugum og ráðagóðum samstarfsfélaga. Þess vegna geta sumar spurningar verið krefjandi. Í þeim tilvikum er mikilvægt að umsækjandinn haldi ró sinni og svari af hreinskilni.“

Ráð nr. 6: Vertu þú sjálf/-ur

Tilgangurinn með atvinnuviðtali er að kynnast umsækjandanum og meðal annars reyna að leggja mat á hvers konar starfskraftur og samstarfsfélagi hann er. „Þó maður vilji sýna sínar bestu hliðar er mikilvægt að vera maður sjálfur. Leyfðu fólki að kynnast þér eins vel og hægt er í stuttu viðtali. Vertu einlægur,“ segir Bergþóra.

Ráð nr. 7: Talaðu til allra í viðtalinu, náðu augnsambandi.

Oft eru tveir, jafnvel þrír þátttakendur í viðtalinu af hálfu vinnustaðarins. „Þú skalt passa að beina orðum þínum til allra sem eru viðstaddir. Náðu augnsambandi við alla þannig að fólk finni að þú sért að tala til allra í herberginu, jafnvel þó það sé bara einn sem spyr flestra spurninganna. Það er vont ef umsækjendur klikka á þessu og getur gefið þá mynd af viðkomandi að hann sé klaufi í samskiptum,“ segir Bergþóra.

Ráð nr. 8: Ekki teygja lopann

„Segðu nóg, en ekki of mikið,“ segir Bergþóra. „Þú þarft ekki að segja frá öllum smáatriðum sem urðu til þess að þú sóttir um þetta tiltekna starf. Athugaðu að frásagnarstíll og ofgnótt orða getur líka verið vísbending um að þú sért lengi að koma þér að efninu og kjarna málsins og það er ókostur í starfi.“

Á vef Landsbankans er hægt að sækja um laus störf og senda inn almenna umsókn um starf. Þar eru líka nokkur ráð um hvernig á að gera góða ferilskrá.

Þú gætir einnig haft áhuga á
Fasteignir
2. sept. 2022

Ætti ég að festa vextina á íbúðaláninu mínu?

Seðlabankinn hefur á árinu 2022 hækkað stýrivexti, úr 2% í 5,5% en lægstir voru stýrivextir 0,75% á árinu 2021. Þegar vextir byrjuðu að hækka varð algengara að fólk festi vextina, í 3 eða 5 ár. Í þessari grein er fjallað um muninn á föstum og breytilegum vöxtum og hvað þarf að hafa í huga þegar ákvörðun um lánsform er tekin.
2. sept. 2022

Hvaða áhrif hafa vaxtahækkanir á lánin mín?

Hærri stýrivextir leiða til þess að vextir og mánaðarleg greiðslubyrði á lánum sem eru með breytilega vexti hækka. Þetta á meðal annars við um neytendalán á borð við yfirdrátt og greiðsludreifingu á kreditkortum en mestu munar þó yfirleitt um íbúðalánin.
26. ágúst 2022

Kaup í sjóðum getur verið einfaldasta leiðin til að dreifa áhættunni

Sjóðir eru í stuttu máli safn margra fjárfestinga og er ætlað að einfalda fólki dreifingu eigna til að draga úr áhættu og sveiflum. Margar tegundir sjóða eru í boði og fylgja þeir ólíkum markmiðum. Sumir sjóðir stefna til dæmis að því að lágmarka áhættu eða sérhæfa sig í tilteknum atvinnugreinum eða hugmyndafræði, s.s. sjálfbærni.
26. ágúst 2022

Hvernig kaupi ég hlutabréf?

Það er mjög einfalt að kaupa hlutabréf. Til dæmis er hægt að fjárfesta í hlutabréfum einstakra félaga og margskonar sjóðum í netbanka Landsbankans og í Landsbankaappinu á einfaldan hátt og fylgjast þar með þróun fjárfestingarinnar.
26. ágúst 2022

Fyrstu skrefin í verðbréfafjárfestingum

Áður en byrjað er að fjárfesta í verðbréfum er mikilvægt að hafa ákveðin lykilatriði á hreinu og vera meðvituð um áhættuna.
15. júní 2022

Hvað á að borga fyrir barnapössun?

Stundum þurfa foreldrar að skreppa eða geta ekki sótt börn á réttum tíma vegna vinnu eða náms. Sumarnámskeið eru líka yfirleitt styttri en vinnudagur. Því þarf stundum að redda pössun. En hvað á að borga á tímann fyrir barnapössun?
10. júní 2022

Hafðu bankann í vasanum í sumarfríinu

Þú getur nýtt þér nánast alla þjónustu bankans í símanum og tölvunni. Í þessari grein er fjallað um nokkrar algengustu aðgerðirnar í appinu og netbankanum sem geta komið sér vel í sumarfríinu.
17. maí 2022

Viltu spara hluta af sumarlaununum þínum?

Það skiptir flesta máli að fá góðar tekjur af sumarvinnunni og eiga sem mest eftir í lok sumars. Hér fjöllum við um nokkur atriði sem er gott að hafa í huga þegar þú ræður þig í sumarvinnuna og vilt byrja að spara.
Evrópsk verslunargata
11. apríl 2022

Góð ráð um kortanotkun og greiðslur í útlöndum

Við mælum með að fólk greiði með snertilausum hætti þegar það er á ferðalagi erlendis, annað hvort með Apple Pay, kortaappinu eða með því að nota snertilausa virkni kreditkorta. Það er samt enn nauðsynlegt að taka kortin sjálf með í ferðalagið.
Strákar með hjólabretti
7. apríl 2022

Hvað á að gera við fermingarpeninginn?

Áður voru fermingargjafir oft eigulegir gripir sem hjálpuðu fermingarbarninu inn í nýtt tímabil ævinnar – skatthol, pennar, orðabækur, merkileg skáldverk, hljómtæki, tjöld, armbandsúr eða ferðatöskur.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur