Starfsumsóknir
Viltu slást í hópinn?
Við leggjum áherslu á fagleg vinnubrögð, jákvæða upplifun umsækjenda og leitumst við að ráða öflugt og traust starfsfólk með fjölbreyttan bakgrunn.
Að sækja um vinnu
Þegar sótt er um starf er nauðsynlegt að fylla umsóknina vandlega út. Vel framsettur ferill með réttum upplýsingum um fyrri störf og menntun eykur líkur á að umsóknin standist samanburð við aðrar umsóknir.
Gott er að hafa í huga að reyna að forðast langar setningar og þéttan texta. Skipulega framsettur texti þar sem aðalatriði eru dregin fram auðveldar viðtakanda að fara yfir ferilskrá . Æskilegt er að fá einhvern til að lesa umsóknina eða ferilskrána yfir til að fá annað álit og leiðrétta stafsetningarvillur. Gefðu upp símanúmer og netfang sem gerir viðtakanda kleift að ná í þig.
- Persónuupplýsingar
- Menntun (nýjast efst)
- Starfsreynsla (nýjast efst)
- Námskeið / Önnur kunnátta
- Félagsstörf
- Umsagnaraðilar
Undirbúningur fyrir atvinnuviðtal
Það er nauðsynlegt að mæta vel undirbúinn í atvinnuviðtal. Snyrtilegt útlit og stundvísi skiptir sömuleiðis máli. Gott er að vera búinn að kynna sér vefsíðu fyrirtækisins vel og þær vörur og þjónustu sem það býður upp á.
Mikilvægt er að svara af hreinskilni um reynslu og þekkingu í viðtali. Gott er að undirbúa spurningar fyrirfram sem hægt er að bera upp í lok viðtals. Það ber vott um áhuga á starfinu og getur aukið líkur á ráðningu.