Lands­bank­inn breyt­ir vöxt­um

Landsbankinn breytir vöxtum á innlánum og útlánum. Breytingar á föstum vöxtum á nýjum íbúðalánum taka gildi föstudaginn 22. maí 2026. Aðrar vaxtabreytingar taka gildi fimmtudaginn 28. maí 2026, með þeim undantekningum sem tilgreindar eru hér að neðan. Helstu breytingar eru eftirfarandi:

Vextir á íbúðalánum

• Breytilegir vextir á óverðtryggðum íbúðalánum hækka um 0,25 prósentustig.
• Fastir vextir til 12 mánaða á nýjum óverðtryggðum íbúðalánum hækka um 0,25 prósentustig.
• Fastir vextir til 36 mánaða á nýjum óverðtryggðum íbúðalánum hækka um 0,20 prósentustig.
• Fastir vextir til 60 mánaða á óverðtryggðum íbúðalánum hækka um 0,15 prósentustig.
• Fastir vextir á nýjum verðtryggðum íbúðalánum lækka um 0,15 prósentustig.

Aðrir útánsvlextir

• Kjörvextir á óverðtryggðum lánum hækka um 0,25 prósentustig.
• Yfirdráttarvextir hækka um 0,25 prósentustig.

Innlánsvextir

• Vextir á sparireikningum í appi hækka um 0,25 prósentustig.
• Vextir á öðrum óverðtryggðum sparireikningum hækka um allt að 0,25 prósentustig.
• Vextir á óverðtryggðum fastvaxtareikningum hækka um allt að 0,25 prósentustig.
• Vextir á reikningum í erlendri mynt taka mið af vaxtastigi viðkomandi myntar.

Breytingarnar eru gerðar í kjölfar vaxtaákvörðunar Seðlabanka Íslands frá 20. maí sl. en þá hækkaði Seðlabankinn meginvexti um 0,25 prósentustig.

Breytingar á vöxtum útlána sem falla undir lög um neytendalán eða lög um fasteignalán til neytenda taka gildi í samræmi við tilkynningar þar að lútandi sem sendar verða viðskiptavinum í netbanka. Breytingar á vöxtum um greiðslureikninga sem falla undir lög um greiðsluþjónustu taka gildi að tveimur mánuðum liðnum í samræmi við skilmála sem gilda um þá reikninga.