Opið fyrir umsóknir í Menningarnæturpott Landsbankans
Nú hefur verið opnað fyrir umsóknir um styrki úr Menningarnæturpotti Landsbankans 2026. Umsóknarfrestur er til og með 31. maí. Menningarnæturpotturinn er samstarfsverkefni Reykjavíkurborgar og Landsbankans en bankinn hefur verið máttarstólpi hátíðarinnar frá upphafi.
Menningarnæturpotturinn er ætlaður einstaklingum, félagasamtökum, listafólki og öðrum sem standa að fjölbreyttum menningarviðburðum í tengslum við Menningarnótt. Markmið pottsins, sem nemur alls 5 milljónum króna, er að styðja við skapandi og líflega dagskrá sem auðgar hátíðina og skapar upplifun fyrir borgarbúa og gesti.
Menningarnótt er einn stærsti menningarviðburður ársins í Reykjavík og munu fjölbreytt mannlíf, listir og menning að venju setja svip sinn á borgina. Landsbankinn hefur um árabil tekið þátt í hátíðinni með stuðningi við verkefni sem efla menningarlífið og með því að bjóða upp á eigin viðburði.
Nánari upplýsingar um Menningarnæturpottinn og umsóknarferlið
Veittir verða styrkir á bilinu 50.000 - 500.000 krónur. Listafólk, íbúar, rekstraraðilar, félagasamtök og allir áhugasamir geta sótt um styrki.
