Lands­bank­inn breyt­ir vöxt­um

Landsbankinn breytir vöxtum á innlánum og útlánum. Vaxtabreytingarnar taka gildi fimmtudaginn 27. ágúst 2026, með þeim undantekningum sem tilgreindar eru hér að neðan.

Fastir vextir til 60 mánaða á nýjum óverðtryggðum íbúðalánum haldast óbreyttir.

Helstu breytingar eru eftirfarandi:

Vextir á íbúðalánum

• Fastir vextir á nýjum verðtryggðum íbúðalánum hækka um 0,10 prósentustig.
• Fastir vextir til 12 mánaða á nýjum óverðtryggðum íbúðalánum hækka um 0,20 prósentustig.
• Fastir vextir til 36 mánaða á nýjum óverðtryggðum íbúðalánum hækka um 0,10 prósentustig.
• Breytilegir vextir á óverðtryggðum íbúðalánum hækka um 0,25 prósentustig. 

Aðrir útlánavextir

• Kjörvextir á óverðtryggðum lánum hækka um 0,25 prósentustig.
• Yfirdráttarvextir hækka um 0,25 prósentustig.

Innlánavextir

• Vextir á sparireikningum í appi hækka um 0,25 prósentustig.
• Vextir á öðrum óverðtryggðum sparireikningum hækka um allt að 0,25 prósentustig.
• Vextir á óverðtryggðum fastvaxtareikningum hækka um allt að 0,20 prósentustig.
• Vextir á reikningum í erlendri mynt taka mið af vaxtastigi viðkomandi myntar.

Breytingarnar eru gerðar í kjölfar vaxtaákvörðunar Seðlabanka Íslands frá 19. ágúst sl. en þá hækkaði Seðlabankinn meginvexti um 0,25 prósentustig.

Breytingar á vöxtum útlána sem falla undir lög um neytendalán eða lög um fasteignalán til neytenda taka gildi í samræmi við tilkynningar þar að lútandi sem sendar verða viðskiptavinum í netbanka. Breytingar á vöxtum greiðslureikninga sem falla undir lög um greiðsluþjónustu taka gildi að tveimur mánuðum liðnum í samræmi við skilmála sem gilda um þá reikninga.