Listakonur í Landsbankanum: Leiðsögn á Menningarnótt um nýja sýningu
Í tilefni Kvennaárs 2025 opnar ný myndlistarsýning í Reykjastræti 6 þar sem sjónum verður beint að listaverkum í eigu bankans sem eru eftir konur. Sýningin opnar á Menningarnótt og um leið uppfærum við listaverkavef Landsbankans með sérstakri umfjöllun um listaverk eftir konur.
Í listasafni Landsbankans eru fjölmörg listaverk sem teljast til þjóðargersema og mörg þeirra eru eftir konur. Við val á verkum á sýninguna var reynt að endurspegla þróun listarinnar á Íslandi á 20. öld og sýna verk kvenna sem allar hafa markað spor í íslenska listasögu, hver með sínum hætti. Um er að ræða málverk, textílverk, grafíkverk og leirverk eftir 24 listakonur. Sýningarstjóri er Sigrún Hrólfsdóttir, myndlistarkona.
Leiðsögn um sýningu kl. 12.00, 13.00 eða 14.00
Sýningin verður opnuð kl. 12.00 á Menningarnótt 23. ágúst 2025. Sigrún Hrólfsdóttir sýningarstjóri býður upp á leiðsögn um sýninguna kl. 12, 13 og 14.
Í kjölfarið gefst gestum kostur á að taka þátt í göngu um húsið og skoða önnur listaverk sem þar eru. Athugið að pláss í göngurnar er takmarkað og er skráning í þær því nauðsynleg. Boðið verður upp á léttar kaffiveitingar.
Sýningin er á jarðhæð Landsbankans í Reykjastræti 6 sem er opin alla virka daga milli kl. 9-17. Sýningin mun standa út árið 2025.
Listakonur á listaverkavefnum
Listaverkavefur Landsbankans opnaði á Menningarnótt 2024 og hefur notið töluverðra vinsælda. Á Menningarnótt 2025 munum við opna nýjan hluta vefsins þar sem birtar eru myndir af um 90 verkum úr listasafni bankans sem eru eftir konur.
Listi yfir konur sem eiga verk á sýningunni
- Arngunnur Ýr
- Ásgerður Búadóttir
- Barbara Árnason
- Björg Þorsteinsdóttir
- Brynhildur Þorgeirsdóttir
- Edda Jónsdóttir
- Guðmunda Andrésdóttir
- Guðrún Einarsdóttir
- Hlaðgerður Íris Björnsdóttir
- Hulda Vilhjálmsdóttir
- Júlíana Sveinsdóttir
- Karen Agnete Þórarinsson
- Karólína Lárusdóttir
- Kogga
- Kolbrún S. Kjarval
- Kristín Jónsdóttir
- Louisa Matthíasdóttir
- Nína Sæmundsson
- Nína Tryggvadóttir
- Ragnheiður Jónsdóttir
- Róska
- Rúna - Sigrún Guðjónsdóttir
- Tove Ólafsson
- Þorbjörg Höskuldsdóttir
