Morgunfundur um fjármögnun og uppbyggingu innviða
Fundurinn verður haldinn í Norðurljósasal Hörpu frá kl. 8.30-10.00. Húsið opnar kl. 8 og verður léttur morgunverður í boði.
Lilja Björk Einarsdóttir, bankastjóri Landsbankans, setur fundinn og ræðir möguleika á samvinnu einkaaðila og opinberra aðila við mikilvægar innviðaframkvæmdir.
Teitur Samuelsen, forstjóri Austureyjar- og Sandeyjarganganna og fyrirhugaðra Suðureyjaganga í Færeyjum, segir frá undirbúningi, framkvæmd og fjármögnun þessara gríðarmiklu innviða.
Kashif Khan hjá Metlife Investment Management í Bretlandi, ræðir um fjármögnun á innviðaframkvæmdum en Metlife er mjög umfangsmikið á þessu sviði.
Ingólfur Bender, aðalhagfræðingur Samtaka iðnaðarins, fjallar um ástand og framtíðarhorfur innviða á Íslandi.
Við reiknum með að Lilju Björk, bankastjóra Landsbankans og Ingólf, aðalhagfræðing Samtaka iðnaðarins, þurfi lítt að kynna en kynnum hér erlenda gesti okkar til leiks:
Félagið sem Teitur stýrir rekur Austureyjar- og Sandeyjargöngin sem eru tvö 11 km löng jarðgöng á milli Austureyjar og Sandeyjar í Færeyjum. Gangnagerðin hófst árið 2016 og lauk árið 2023. Verkefnið var fjármagnað annars vegar með eiginfé að fjárhæð 53 milljónir evra og hins vegar með láni að fjárhæð 360 milljónir evra. Kashif Kahn er forstöðumaður í almennum útlánum hjá MetLife Investment Management, þar sem hann ber ábyrgð á þróun og framkvæmd nýrra viðskipta, auk umsjónar með núverandi fjárfestingum. Kashif gekk til liðs við MetLife árið 2015 og hefur yfir 14 ára reynslu af ráðgjöf og fjárfestingum í innviðalánveitingum.
Pallborðsumræður
Stjórnandi: Ólöf Skaftadóttir, ráðgjafi og hlaðvarpsstjórnandi.
Þátttakendur:
- Eyjólfur Ármannson, samgöngu- og sveitarstjórnarráðherra.
- Ólafur Sigurðsson, framkvæmdasjóri Birtu lífeyrissjóðs.
- Sigurður Hannesson, framkvæmdastjóri Samtaka iðnaðarins.
- Sigþór Sigurðsson, framkvæmdastjóri Colas Ísland.
