Morgunfundur um nýja hagspá til 2027
Við boðum til morgunfundar í tilefni af útgáfu nýrrar hagspár Landsbankans í Hörpu þriðjudaginn 15. október.
Á fundinum mun Una Jónsdóttir, aðalhagfræðingur Landsbankans, kynna nýja hagspá til ársins 2027 og James Ashley, hagfræðingur hjá Goldman Sachs, fjallar um efnahagsþróun og horfur á mörkuðum. Fundinum lýkur með pallborðsumræðum um tækifæri í útflutningsgreinum.
Fundurinn verður í Silfurbergi Hörpu, þriðjudaginn 15. október, frá kl. 8.30-9.45. Húsið opnar kl. 8.00 með léttum morgunverði.
Dagskrá
Lilja Björk Einarsdóttir, bankastjóri Landsbankans, setur fundinn.
Una Jónsdóttir, aðalhagfræðingur Landsbankans, kynnir hagspá til ársins 2027.
James Ashley, hagfræðingur og forstöðumaður stefnumála og ráðgjafalausna fyrir Evrópu, Miðausturlönd, Afríku og Asíu hjá eignastýringu Goldman Sachs, flytur erindi.
James hefur mikla þekkingu og innsýn í alþjóðlegt efnahagsumhverfi og er vinsæll fyrirlesari og álitsgjafi. Hann býr yfir rúmlega 20 ára starfsreynslu í fjármálageiranum. Áður en James hóf störf hjá Goldman Sachs vann hann m.a. hjá Barclays Capital og sem aðalhagfræðingur Evrópumála hjá Royal Bank of Canada.
Pallborðsumræður um tækifæri í útflutningsgreinum.
- Eggert Þór Kristófersson, forstjóri First Water.
- Guðmundur Fertram, stofnandi og forstjóri Kerecis.
- Ingvar Hjálmarsson, forstjóri Nox Medical.
- Jónína Guðmundsdóttir, forstjóri Coripharma.
- Hildur Margrét Jóhannsdóttir, hagfræðingur hjá Landsbankanum, stýrir umræðum.
