Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur
Fréttir

Fimm áhuga­verð verk­efni hljóta sjálf­bærnistyrk

Sjálfbærnistyrkjum Landsbankans var úthlutað í þriðja sinn í vikunni sem leið. Fimm áhugaverð verkefni hlutu styrki að þessu sinni upp á alls 10 milljónir króna.
Afhending sjálfbærnistyrkja 2024
2. september 2024

Verkefnin eiga það öll sameiginlegt að hafa jákvæð áhrif á umhverfið og stuðla að frekari sjálfbærni í atvinnulífi og samfélaginu öllu.

Sérstök áhersla er á orkuskipti við úthlutun styrkjanna og styðja þeir við heimsmarkmið Sameinuðu þjóðanna um sjálfbæra þróun, þ.e. númer 13 um aðgerðir í loftslagsmálum og númer 9 um nýsköpun og uppbyggingu.

Öll verkefnin hlutu styrki upp á tvær milljónir króna en í ár bárust um 40 umsóknir.

Afhending sjálfbærnistyrkja 2024
Afhending sjálfbærnistyrkja 2024

Sjálfbærnistyrkir 2024:

Use See

Use See - sjálfbærniþjálfun og aðlögun fyrir skapandi greinar hlaut tveggja milljóna króna styrk. Styrkurinn nýtist til þróunar á fræðsluefni, þjálfun og stuðningi til handa fólki sem starfar í skapandi greinum og mun gera þeim kleift að taka upp sjálfbæra starfshætti án mikils tilkostnaðar.

Með fjármögnun á þróun náms- og kennsluefnis mun fyrirtækið USE SEE bjóða upp á opin námskeið á netinu sem allir í skapandi greinum geta sótt, sér að kostnaðarlausu.

Námsefnið og þróun þess byggir á aðlögun á námskeiði um sjálfbæra kvikmyndaframleiðslu sem fyrirtækið þróaði í vetur fyrir íslenska kvikmyndagerð. 

Dýpi

Dýpi hlaut tveggja milljóna króna styrk til þess að framleiða umhverfisvæna og sjálfbæra kalkmálningu úr kalkþörungum frá Vestfjörðum.

Framleiðslunni er ætlað að stuðla að verndun og endurnýjun náttúrunnar þar sem kalkmálningin er bæði einstök og vistvæn.

Dýpi leggur áherslu á framleiðslu á hágæðavöru sem er unnin úr kalkþörungum sem hlaðast upp á hafsbotni Arnarfjarðar. Kalkþörungarnir eru nauðsynlegir fyrir lífríki sjávar og grisjun þeirra stuðlar að heilbrigði hafsins. 

Icebatt

Icebatt ehf. hlaut tveggja milljóna króna styrk til að endurnýta og gefa notuðum rafbílarafhlöðum nýtt líf eftir að hefðbundin notkun þeirra er á enda.

Enginn markaður er fyrir notaðar rafbílarafhlöður sem stendur þó að tugir rafbíla lendi í tjónum á ári hverju og aðrir partar séu nýttir áfram.

Markmið Icebatt er að koma notuðum rafbílarafhlöðum í notkun og gefa þeim nýtt líf með því að nota þær í lítil afl- og varaaflkerfi fyrir t.d. fjarskipta-, neyðar- og eftirlitskerfi. Með því að taka þær í sundur og raða þeim saman í minni einingar er komið í veg fyrir urðun rafhlaðnanna og verðmæti sköpuð í stað förgunar. 

Sps

SPS ehf. hlaut tveggja milljóna króna styrk til að fullþróa gervigreindarlíkanið GreenFish sem spáir fyrir um magn, gæði og fyrirhugaða samsetningu afla fiskiskipa eftir landfræðilegum hnitum, byggt á víðfeðmu safni sjávargagna og veðurfræðilegra gagna.

Líkanið nýtir söguleg gögn til að spá fyrir um veiðiafrakstur, aðstoða við auðlindastjórnun og stórauka sjálfbærni veiðiaðferða auk þess að spá fyrir um líklegustu staðsetningu flökkustofna, svo sem loðnu og makríls, á leið þeirra um íslensku lögsöguna.

Með því má meðal annars draga úr kolefnislosun og olíunotkun í sjávarútvegi, tryggja sjálfbæra nýtingu fiskistofna og bæta samsetningu og gæði afla.

Livefood

Livefood ehf. hlaut tveggja milljóna króna styrk til að þróa áfram íslenska hágæðagrænkeraosta sem eru með svipað bragð og áferð og hefðbundnir ostar.

Framleiðslan fer fram í Hveragerði og nýtir hveragufu en til stendur að nýta jarðvarmann enn frekar við framleiðsluna og verður styrknum varið til að finna lausnir í tækjabúnaði til framtíðar.

Um er að ræða fyrstu og einu grænkeraostaverksmiðjuna á Íslandi og er áhersla lögð á að hún sé samkeppnishæf við bæði hefðbundna osta og innflutta grænkeraosta.

Afhending sjálfbærnistyrkja 2024
Afhending sjálfbærnistyrkja 2024
Afhending sjálfbærnistyrkja 2024
Afhending sjálfbærnistyrkja 2024
Afhending sjálfbærnistyrkja 2024
Afhending sjálfbærnistyrkja 2024

Í úthlutunarnefnd 2024 sátu Aðalheiður Snæbjarnardóttir, forstöðumaður sjálfbærni hjá Landsbankanum, Guðmundur Þorbjörnsson ráðgjafi hjá EFLU verkfræðistofu, Kristján Vigfússon kennari við Háskólann í Reykjavík og Sara Pálsdóttir, framkvæmdastjóri Samskipta og menningar hjá Landsbankanum.

Þú gætir einnig haft áhuga á
18. nóv. 2026
Sjáðu í gegnum svikin - fræðslufundur í Hamraborg
Hvernig berum við kennsl á netsvik og hvernig verjum við okkur gegn þeim? Fölsk skilaboð, grunsamleg símtöl og gylliboð á netinu geta virst trúverðug en ýmislegt getur hjálpað okkur að sjá í gegnum blekkingarnar.
16. nóv. 2026
Hugarafl hlýtur 4 milljóna króna styrk
Landsbankinn veitti Hugarafli fjögurra milljóna króna styrk í nafni allra fyrirtækja sem hlutu viðurkenningu Creditinfo sem Framúrskarandi fyrirtæki árið 2026. Líkt og undanfarin ár veitir bankinn styrk til góðs málefnis í nafni fyrirtækjanna. 
13. nóv. 2026
Bláa Lónið hefur lokið hlutafjárútboði
Almennu hlutafjárútboði Bláa Lónsins hf. lauk kl. 16:00 þann 13. nóvember. Alls bárust tæplega 4 þúsund áskriftir að andvirði um 15,3 ma. kr.
10. nóv. 2026
Almennt hlutafjárútboð Bláa Lónsins hf. er hafið
Almennt hlutafjárútboð Bláa Lónsins hf. er hafið. Þann 5. nóvember 2026 birti Bláa Lónið lýsingu sem samanstendur af samantekt, útgefandalýsingu og verðbréfalýsinu. Tekið verður við áskriftum á vef bankans frá kl. 10:00 þriðjudaginn 10. nóvember 2026 til kl. 16:00 föstudaginn 13. nóvember 2026.
10. nóv. 2026
Nýr og endurbættur netbanki einstaklinga
Við höfum gefið út nýjan og endurbættan netbanka einstaklinga. Þar er enn einfaldara og þægilegra fyrir viðskiptavini að fylgjast með fjármálum sínum og sinna bankaerindum.
9. nóv. 2026
Landsbankinn og Brutto einfalda fjármál fyrirtækja
Fyrirtækjaeigendur geta nú sinnt fjármálum og haldið utan um daglegan rekstur á einum stað með Brutto, nýju rekstrarkerfi fyrir lítil og meðalstór fyrirtæki.
6. nóv. 2026
Opinn kynningarfundur um hlutafjárútboð Bláa Lónsins hf.
Bláa Lónið hf. og Landsbankinn hf. boða til opins kynningarfundar, þriðjudaginn 10. nóvember kl. 10, í tengslum við almennt hlutafjárútboð Bláa Lónsins og umsókn um töku allra hluta félagsins til viðskipta á Aðalmarkaði Nasdaq Iceland.
6. nóv. 2026
Almennt hlutafjárútboð Bláa Lónsins hf.
Í tengslum við almennt hlutafjárútboð Bláa Lónsins hf. („félagið“) og umsókn um töku allra hluta þess til viðskipta á Aðalmarkaði Nasdaq Iceland, hefur félagið birt lýsingu sem dagsett er 5. nóvember 2026, sem samanstendur af samantekt, útgefandalýsingu og verðbréfalýsingu.
Austurbakki
29. okt. 2026
Uppgjör Landsbankans fyrir fyrstu níu mánuði ársins 2026
Hagnaður Landsbankans á fyrstu níu mánuðum ársins 2026 nam 33,1 milljarði króna eftir skatta, samanborið við 29,5 milljarða króna hagnað á sama tíma í fyrra. Hagnaður á þriðja ársfjórðungi var 11,1 milljarður króna. Arðsemi eiginfjár var 13,3% samanborið við 12,2% á sama tímabili árið áður.
28. okt. 2026
Fjölmenni og líflegar umræður á hagspárfundi
Fullt hús var á Kjarval miðvikudaginn 21. október þegar Greiningardeild Landsbankans kynnti hagspá sína til ársins 2029.