Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur
Fréttir

Ný út­gáfa af al­menn­um við­skipta­skil­mál­um

25. maí 2023 - Landsbankinn

Við höfum birt nýja útgáfu af almennum viðskiptaskilmálum bankans. Skilmálarnir gilda í viðskiptum milli Landsbankans og viðskiptavina, hvort sem um er að ræða einstakling eða fyrirtæki. Auk skilmálanna gilda, eftir atvikum, ákvæði samninga, skilmála og reglna um einstakar vörur eða þjónustu sem bankinn kann að veita viðskiptavini.

Með útgáfunni eru uppfærð ýmis ákvæði skilmálanna í ljósi breyttra laga og reglna auk þess sem orðalag er skýrt, m.a. varðandi vinnslu persónuupplýsinga, framkvæmd áreiðanleikakönnunar, heimildir lögráðamanns, umboð, öryggisráðstafanir, greiðslureikninga og greiðslukort. Þá er uppfærslunni ætlað að veita viðskiptavinum nánari fræðslu um þau atriði sem þar er fjallað um.

Nýju skilmálarnir gilda frá og með 1. júní 2023 gagnvart nýjum viðskiptavinum, þ.e. þeim viðskiptavinum sem staðfesta skilmálana frá og með þeim degi. Gagnvart núverandi viðskiptavinum gilda eldri skilmálar til 31. júlí 2023 en nýju skilmálarnir frá og með 1. ágúst 2023.

Skilmálarnir eru aðgengilegir á afgreiðslustöðum bankans og á vef bankans:

Almennir viðskiptaskilmálar Landsbankans (ný útgáfa)

Helstu efnisbreytingar á almennum viðskiptaskilmálunum eru eftirfarandi:

  1. Heimilisfang bankans er uppfært (grein 1.3).
  2. Vinnsla persónuupplýsinga er skýrð og aukin fræðsla veitt þar að lútandi (grein 2.1). Samhliða útgáfu uppfærðra skilmála er persónuverndarstefna bankans uppfærð.
  3. Kveðið er nánar á um framkvæmd áreiðanleikakönnunar að því er varðar húsfélög (grein 2.3).
  4. Tekið er fram að lögráðamanni er heimilt að fá upplýsingar um viðskipti ófjárráða viðskiptavinar (grein 2.6).
  5. Ákvæði um umboð er uppfært að því er varðar breytingar, afturköllun og niðurfellingu umboðs (grein 2.7).
  6. Tekið er fram að viðskiptavinum beri að kynna sér leiðbeiningar og tilmæli bankans um öryggisráðstafanir og fylgja þeim (grein 2.9).
  7. Tekið er fram að ef viðskiptavinur fær sent einskiptis auðkenningarnúmer/-kóða til samþykktar á framkvæmd greiðslu skal hann ekki heimila greiðsluna með númerinu/kóðanum nema hafa sannreynt að um rétta fjárhæð, réttan gjaldmiðil og réttan viðtakanda sé að ræða (grein 3.1, 2. mgr. og grein 5.4, 1. mgr.).
  8. Afmörkun greiðslureikninga gagnvart sparireikningum og öðrum reikningum er skýrð (grein 4.1, 1. mgr.).
  9. Orðalag um verðtryggingu og bindingu innstæðu er uppfært í ljósi nýrra reglna Seðlabanka Íslands um verðtryggingu sparifjár og lánsfjár (grein 4.1, 3. mgr. og grein 4.6, 2. mgr.).
  10. Bætt er við ákvæði um boðskiptaleið fyrir framlagningu gjaldayfirlits skv. lögum um greiðslureikninga (grein 4.4).
  11. Sett er inn ákvæði um boðgreiðslur (grein 5.3, 3. mgr.).
  12. Skýrðar eru afleiðingar uppsagnar eða lokunar á korti m.t.t. greiðsludreifingar og eftirstöðva á kortareikningi (grein 5.6, 2. mgr.).
  13. Upplýsingar eru skýrðar um tilkynningu til bankans um óheimilaða eða ranglega framkvæmda greiðslu og hvaða skilyrði eru fyrir bótaábyrgð vegna slíkrar greiðslu (grein 6, 1. mgr.).
  14. Kveðið er á um að uppsögn samnings um greiðslureikning skv. lögum um greiðslureikninga fari eftir ákvæðum þeirra laga (grein 7, 1. mgr.).
  15. Upplýsingar um úrskurðarnefnd um viðskipti við fjármálafyrirtæki eru uppfærðar, m.a. um nýtt heimilisfang og vefsetur nefndarinnar (grein 7, 3. mgr.).

Ákvæði skilmálanna sem falla undir gildissvið laga um greiðsluþjónustu mynda rammasamning um greiðsluþjónustu milli viðskiptavinar og bankans í skilningi laga um greiðsluþjónustu. Núverandi viðskiptavinur hefur rétt á að tilkynna bankanum um uppsögn rammasamnings um greiðsluþjónustu fyrir 1. ágúst 2023 ef hann vill ekki samþykkja breytingarnar. Núverandi viðskiptavinur telst hafa samþykkt breytingarnar tilkynni hann bankanum ekki um annað fyrir 1. ágúst 2023.

Almennir viðskiptaskilmálar Landsbankans (ný útgáfa)

Þú gætir einnig haft áhuga á
18. nóv. 2026
Sjáðu í gegnum svikin - fræðslufundur í Hamraborg
Hvernig berum við kennsl á netsvik og hvernig verjum við okkur gegn þeim? Fölsk skilaboð, grunsamleg símtöl og gylliboð á netinu geta virst trúverðug en ýmislegt getur hjálpað okkur að sjá í gegnum blekkingarnar.
16. nóv. 2026
Hugarafl hlýtur 4 milljóna króna styrk
Landsbankinn veitti Hugarafli fjögurra milljóna króna styrk í nafni allra fyrirtækja sem hlutu viðurkenningu Creditinfo sem Framúrskarandi fyrirtæki árið 2026. Líkt og undanfarin ár veitir bankinn styrk til góðs málefnis í nafni fyrirtækjanna. 
13. nóv. 2026
Bláa Lónið hefur lokið hlutafjárútboði
Almennu hlutafjárútboði Bláa Lónsins hf. lauk kl. 16:00 þann 13. nóvember. Alls bárust tæplega 4 þúsund áskriftir að andvirði um 15,3 ma. kr.
10. nóv. 2026
Almennt hlutafjárútboð Bláa Lónsins hf. er hafið
Almennt hlutafjárútboð Bláa Lónsins hf. er hafið. Þann 5. nóvember 2026 birti Bláa Lónið lýsingu sem samanstendur af samantekt, útgefandalýsingu og verðbréfalýsinu. Tekið verður við áskriftum á vef bankans frá kl. 10:00 þriðjudaginn 10. nóvember 2026 til kl. 16:00 föstudaginn 13. nóvember 2026.
10. nóv. 2026
Nýr og endurbættur netbanki einstaklinga
Við höfum gefið út nýjan og endurbættan netbanka einstaklinga. Þar er enn einfaldara og þægilegra fyrir viðskiptavini að fylgjast með fjármálum sínum og sinna bankaerindum.
9. nóv. 2026
Landsbankinn og Brutto einfalda fjármál fyrirtækja
Fyrirtækjaeigendur geta nú sinnt fjármálum og haldið utan um daglegan rekstur á einum stað með Brutto, nýju rekstrarkerfi fyrir lítil og meðalstór fyrirtæki.
6. nóv. 2026
Opinn kynningarfundur um hlutafjárútboð Bláa Lónsins hf.
Bláa Lónið hf. og Landsbankinn hf. boða til opins kynningarfundar, þriðjudaginn 10. nóvember kl. 10, í tengslum við almennt hlutafjárútboð Bláa Lónsins og umsókn um töku allra hluta félagsins til viðskipta á Aðalmarkaði Nasdaq Iceland.
6. nóv. 2026
Almennt hlutafjárútboð Bláa Lónsins hf.
Í tengslum við almennt hlutafjárútboð Bláa Lónsins hf. („félagið“) og umsókn um töku allra hluta þess til viðskipta á Aðalmarkaði Nasdaq Iceland, hefur félagið birt lýsingu sem dagsett er 5. nóvember 2026, sem samanstendur af samantekt, útgefandalýsingu og verðbréfalýsingu.
Austurbakki
29. okt. 2026
Uppgjör Landsbankans fyrir fyrstu níu mánuði ársins 2026
Hagnaður Landsbankans á fyrstu níu mánuðum ársins 2026 nam 33,1 milljarði króna eftir skatta, samanborið við 29,5 milljarða króna hagnað á sama tíma í fyrra. Hagnaður á þriðja ársfjórðungi var 11,1 milljarður króna. Arðsemi eiginfjár var 13,3% samanborið við 12,2% á sama tímabili árið áður.
28. okt. 2026
Fjölmenni og líflegar umræður á hagspárfundi
Fullt hús var á Kjarval miðvikudaginn 21. október þegar Greiningardeild Landsbankans kynnti hagspá sína til ársins 2029.