Fréttir

Lands­bank­inn í 1. sæti hjá Sustaina­lytics

Landsbankinn fær bestu einkunn sína hingað til í uppfærðu UFS-áhættumati frá Sustainalytics og er nú í 1. sæti af 423 bönkum sem fyrirtækið hefur mælt í Evrópu.
17. maí 2021 - Landsbankinn

Við lækkum úr 13,5 niður í 9,7 á skala sem nær upp í 100 og færumst úr öðru sæti í það fyrsta. Þetta þýðir að Sustainalytics telur hverfandi áhættu á að Landsbankinn verði fyrir fjárhagslegum áföllum vegna umhverfismála, félagslegra þátta og stjórnarhátta (UFS-þátta).

Lilja Björk Einarsdóttir, bankastjóri Landsbankans: „Við erum gríðarlega stolt af því að komast í lægsta áhættuflokk Sustainalytics. Þessi niðurstaða sýnir að við erum að gera hlutina rétt. Þennan frábæra árangur má þakka mikilli vinnu sem við höfum lagt í sjálfbærni undanfarinn áratug. Meðal nýjustu aðgerða bankans í sjálfbærni er að fá utanaðkomandi endurskoðun á sjálfbærniskýrslu okkar og alþjóðlega vottun á kolefnisjöfnun bankans. Einnig má nefna þætti sem munu skipta enn meira máli í framtíðinni og það er t.d. breytt vinnuumhverfi, fjölbreytni starfa um allt land og að snúa áskorunum upp í tækifæri. Uppfært UFS-áhættumat Sustainalytics, sem metur bankann með hverfandi áhættu, er gott stöðumat á því hvar við stöndum og nú er áskorunin að halda áfram okkar góða starfi því við viljum við vera í fremstu röð.“

Nánar um áhættumat Sustainalytics

UFS-áhættumat metur áhættu og áhættustýringu fyrirtækis í tengslum við umhverfismál og félagslega þætti, auk stjórnarhátta sem taldir eru mikilvægir fyrir hvert fyrirtæki út frá undirliggjandi atvinnugreinum. Aðferðafræðin metur umfang mikilvægrar UFS-áhættu sem áhættustýring fyrirtækis nær ekki til. Því meiri áhætta sem fellur utan áhættustýringarramma fyrirtækis, því hærra er áhættumatið.

Sustainalytics hefur nú mælt UFS-áhættu fyrirtækja í tæpa þrjá áratugi og er meðal þeirra alþjóðlegu matsfyrirtækja sem fjárfestar horfa helst til þegar UFS-áhætta fyrirtækja er skoðuð.

UFS-áhættumat

Árs- og sjálfbærniskýrsla Landsbankans fyrir árið 2020

Þú gætir einnig haft áhuga á
New temp image
16. sept. 2021

Landsbankinn á Þórshöfn flytur

Afgreiðsla Landsbankans á Þórshöfn hefur tekið til starfa í húsnæði Kjörbúðarinnar að Langanesvegi 2. Þjónusta bankans og afgreiðslutími breytist ekki og hraðbanki er aðgengilegur á opnunartíma Kjörbúðarinnar.
New temp image
16. sept. 2021

Upptaka af fræðslufundi: Fara markaðir bara upp?

Landsbankinn hélt fræðslufund um mikilvægi eignadreifingar þann 15. september 2021 í Silfurbergi Hörpu.
New temp image
1. sept. 2021

Ný lög um fjármálagerninga – þú þarft mögulega að bregðast við

Ný lög um fjármálagerninga taka gildi 1. september 2021. Breytingarnar valda því að lögaðilar sem ætla að stunda viðskipti með fjármálagerninga, þurfa að bregðast við. Hið sama á við um einstaklinga sem eru með annað ríkisfang en íslenskt eða eru með tvöfalt ríkisfang.
New temp image
31. ágúst 2021

Hluti af RSA-lyklum að renna út

Viðskiptavinir sem eru með útrunna RSA-lykla geta orðið fyrir því að geta ekki gengið frá greiðslum. Ef þú færð villuskilaboð um að auðkenni sé rangt þegar þú ætlar að staðfesta greiðslu er líklegt að lykillinn þinn sé útrunninn.
New temp image
31. ágúst 2021

Landsbankinn breytir vöxtum - fastir íbúðalánavextir óbreyttir

Breytilegir vextir á óverðtryggðum íbúðalánum hækka um 0,20 prósentustig. Fastir vextir á óverðtryggðum íbúðalánum breytast ekki. Vextir á verðtryggðum íbúðalánum, bæði breytilegir og fastir, verða einnig óbreyttir. 
New temp image
23. ágúst 2021

Nýtt skrifstofuhótel og fjarvinnuver í Þorlákshöfn

Sveitarfélagið Ölfus, Landsbankinn og Þekkingarsetrið Ölfus Cluster vinna sameiginlega að því að koma upp skrifstofuhóteli og fjarvinnuveri.
20. ágúst 2021

Landsbankinn fyrirmyndarfyrirtæki í stjórnarháttum

Landsbankinn fékk í dag árlega viðurkenningu Stjórnvísi fyrir stjórnarhætti sína og nafnbótina fyrirmyndarfyrirtæki í góðum stjórnarháttum. Lilja Björk Einarsdóttir, bankastjóri, tók á móti viðurkenningunni fyrir hönd bankans.
19. ágúst 2021

Árshlutauppgjör Landsbréfa 30. júní 2021

Landsbréf hf. hafa birt árshlutareikning fyrir fyrri hluta ársins 2021. Hagnaður af rekstri Landsbréfa var 602 milljónir króna á fyrri hluta ársins samanborið við 232 milljónir króna fyrir sama tímabil árið áður. Hreinar rekstrartekjur námu 1.604 milljónum króna á fyrri hluta ársins samanborið við 844 milljón króna fyrir sama tímabil árið áður.
New temp image
13. ágúst 2021

Starfsemin áfram kolefnisjöfnuð í gegnum alþjóðlega vottuð verkefni

Starfsemi Landsbankans hefur verið kolefnisjöfnuð fyrir árið 2021 og höfum við hlotið endurnýjun á hinni alþjóðlega viðurkenndu CarbonNeutral® vottun.
New temp image
12. ágúst 2021

Tilkynning um kaup Landsbankans á eigin hlutum – lok endurkaupatímabils

Þann 23. júlí 2021 birti Landsbankinn tilkynningu um að bankinn byðist til að kaupa hluti af hluthöfum samkvæmt endurkaupaáætlun á tímabilinu 26. júlí 2021 til og með 9. ágúst 2021. Á endurkaupatímabilinu keypti Landsbankinn samtals 1.700.672 eigin hluti á genginu 11,3387, að kaupvirði 19.283.411 krónur.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur