Fréttir
Við erum til staðar til að leysa úr málum
Vegna fjöldatakmarkana þarf að panta tíma í útibúum og í fyrirtækjaþjónustu. Við hvetjum viðskiptavini til að nota símann, netbanka og Landsbankaappið eins og hægt er en þannig er hægt að leysa fjölmörg erindi á einfaldan og fljótlegan hátt.
4. október 2020
Hægt er að bóka tíma í útibúi eða símtal frá ráðgjafa á vef bankans. Yfirleitt er hægt að komast að samdægurs. Við biðjum viðskiptavini um að panta aðeins tíma í útibúi ef erindið er brýnt og ekki má leysa úr því með öðrum hætti.
Tímapantanir í útibúum og fyrirtækjaþjónustu eru nauðsynlegar vegna hertra samkomutakmarkana stjórnvalda. Þær taka gildi að morgni mánudagsins 5. október 2020 og ná til allra útibúa bankans, Fyrirtækjamiðstöðvar Landsbankans og afgreiðslu Bíla- og tækjafjármögnunar í Borgartúni 33 í Reykjavík.
- Viðskiptavinir geta annast nánast öll bankaviðskipti sjálfir í Landsbankaappinu, netbankanum og á vef bankans.
- Hægt er panta tíma í útibúi eða símtal frá ráðgjafa á vef bankans, með því að hafa samband við Þjónustuver Landsbankans í síma 410 4000 eða með því að senda póst á netfangið landsbankinn@landsbankinn.is.
- Við hvetjum viðskiptavini sem þurfa aðstoð eða eru óvanir að nýta sér rafrænar lausnir til að hafa samband.
- Hraðbankar Landsbankans eru flestir aðgengilegir allan sólarhringinn. Hægt er að sjá staðsetningu og fjarlægð í næsta hraðbanka í Landsbankaappinu.
Nýttu þér bankaþjónustu í símanum og á netinu
Polski
Þú gætir einnig haft áhuga á
23. júní 2026
Landsbankinn hefur endurskoðað og uppfært persónuverndaryfirlýsingu sína. Með uppfærslunni hefur heiti skjalsins verið breytt úr persónuverndarstefnu í persónuverndaryfirlýsingu. Yfirlýsingin er aðgengileg á vef bankans og hvetjum við viðskiptavini til að kynna sér efni hennar.
22. júní 2026
Mikið er um netsvikatilraunir þessa dagana og mikilvægt að hafa varann á. Við höfum birt nýja grein á Umræðunni þar sem sérfræðingur bankans fer yfir helstu leiðir til að verjast svikatilraunum. Einnig höfum við gefið út leik sem miðar að því að læra að þekkja helstu klækina sem netglæpamenn nota.
19. júní 2026
Laufey Rún Ketilsdóttir hefur verið ráðin sérfræðingur í samskiptum og miðlun hjá nýrri deild Landsbankans, Upplýsingamiðlun. Deildin gegnir lykilhlutverki í að efla samræmda og stefnumiðaða upplýsingamiðlun bankans.
11. júní 2026
Hönnun Reykjastrætis 6 hlaut BREEAM-vottun strax sumarið 2023 og nú hafa framkvæmd byggingar og frágangur lokið sömu vottun. Báðir verkþættir hlutu einkunnina frábært (e. excellent) sem er næsthæsta þrep BREEAM-vottunarkerfisins. Er bygging bankans fyrsta framkvæmdin á Íslandi til að hljóta fullnaðarvottun með þeirri einkunn samkvæmt nýjum staðli frá 2016.
9. júní 2026
Við vörum við svikatölvupóstum sem hafa borist viðskiptavinum í nafni Landsbankans. Svikapósturinn ber titilinn „Yfirlit Landsbankinn“ og er viðtakandi hvattur til að yfirfara skráðar upplýsingar um sig hjá bankanum innan sjö daga. Tilgangur póstsins er að komast yfir banka- og kortaupplýsingar viðskiptavina.
5. júní 2026
Rarik ohf. lauk miðvikudaginn 3. júní 2026 útboði á nýjum grænum skuldabréfaflokki, RARIK 100633 GB, þar sem tilboðum að heildarfjárhæð 10 milljarðar króna var tekið. Um er að ræða fyrstu grænu skuldabréfaútgáfu félagsins undir grænni fjármögnunarumgjörð þess.
5. júní 2026
Gleðigöngupotturinn er samstarfsverkefni Hinsegin daga og Landsbankans sem hefur verið stoltur styrktaraðili hátíðarinnar frá upphafi.
5. júní 2026
Það er okkur mikil ánægja að kynna Vild, nýtt vildarkerfi Landsbankans, sem byggir á heildarsambandi viðskiptavina við okkur. Viðskiptavinir safna stigum út frá því hvaða þjónustu þeir nota, hversu virkir þeir eru og hversu lengi þeir hafa verið í viðskiptum við bankann. Með fleiri stigum færast viðskiptavinir upp um þrep og fríðindin aukast.
5. júní 2026
Helgi F. Margeirsson hefur tekið við sem útibússtjóri Landsbankans á Sauðárkróki. Hann hefur starfað í útibúinu frá árinu 2009, lengst af sem viðskiptastjóri fyrirtækja.
2. júní 2026
Listahátíð í Reykjavík hófst formlega með glæsilegri opnunarhátíð síðastliðinn laugardag í Listasafni Reykjavíkur í Hafnarhúsi.