Fréttir

Lands­bank­inn veit­ir 15 millj­ón­ir króna í sam­fé­lags­styrki - 2018

Samfélagsstyrkjum að upphæð 15 milljónum króna var úthlutað úr Samfélagssjóði Landsbankans þriðjudaginn 18. desember sl. Alls hlutu 37 verkefni styrki að þessu sinni en verkefnin sem hlutu styrki eru afar fjölbreytt og gagnast fólki á öllum aldri og víða um land.
19. desember 2018

Samfélagsstyrkjum að upphæð 15 milljónum króna var úthlutað úr Samfélagssjóði Landsbankans þriðjudaginn 18. desember sl. Alls hlutu 37 verkefni styrki að þessu sinni en verkefnin sem hlutu styrki eru afar fjölbreytt og gagnast fólki á öllum aldri og víða um land.

Styrkþegar ásamt Lilju B. Einarsdóttur bankastjóra Landsbankans og Guðrúnu Agnarsdóttur formanni dómnefndar.

Þrjú verkefni hlutu styrk að fjárhæð 1 milljón króna, 14 verkefni hlutu 500.000 króna styrk og 20 verkefni fengu 250.000 króna styrk.

Rúmlega 300 umsóknir bárust sjóðnum að þessu sinni. Samfélagsstyrkjum Landsbankans er ætlað að styðja mannúðar- og líknarmál, menntamál, rannsóknir og vísindi, forvarnar- og æskulýðsstarf, sértæka útgáfustarfsemi og verkefni á sviðum menningar og lista.

Dómnefnd samfélagsstyrkja var að þessu sinni skipuð þeim Ármanni Jakobssyni, prófessor við Háskóla Íslands, Felix Bergssyni, leikara og Guðrúnu Agnarsdóttur, lækni, en hún var jafnframt formaður dómnefndar.

Samfélagsstyrkir Landsbankans 2018

1.000.000 kr.

  • SAFT og Heimili og skóli - Fær styrk fyrir verkefnið Sjálfsmynd, birtingamynd kynjanna, sexting, klám, kynlíf og netið. Tilgangur verkefnisins er að útbúa námsefni fyrir öll þrjú námsstig grunnskóla, þar sem á ábyrgan hátt er fjallað um sjálfsmynd, birtingamynd kynjanna, sexting, klám, kynlíf og netið. Ásamt því að útbúa handbók fyrir foreldra og kennsluleiðbeiningar fyrir kennara.
  • Páll Stefánsson - Styrkurinn er veittur til útgáfu bókarinnar 53 milljónir. Viðfangsefni bókarinnar er flóttafólk. Páll hefur ferðast um heiminn og tekið myndir og safnað sögum af fólki sem hefur þurft að flýja heimkynni sín. Allur ágóði bókarinnar mun renna til flóttamanna í gegnum Rauða krossinn og Flóttamannahjálp Sameinuðu þjóðanna sem vinna hörðum höndum við að hjálpa þeim 53 milljónum sem nú eru á flótta.
  • Píeta Ísland, félagasamtök - Styrkinn fá Píeta samtökin sem bjóða upp á tvenns konar stuðninghópa fyrir fólk sem misst hefur ástvin fyrir eigin hendi; almennan stuðningshóp og stuðningshóp fyrir karlmenn. Stuðningur er nauðsynlegur til að jafnvægi náist eftir sjálfsvíg ástvina og hópar eru áhrifamikil tæki í slíkri liðveislu.

500.000 kr.

  • Ratatam - Suss! er forvarnarverkefni gegn ofbeldi sem byggist á samnefndri leiksýningu. Ætlunin er að bjóða ungu fólki að sjá sýninguna. Markmiðið er að fræða ungt fólk betur um ofbeldi, þróun þess og afleiðingar. Eftir hverja sýningu eru sérstakar umræður með kennurum og fagaðilum.
  • Dropinn styrktarfélag barna með sykursýki - Styrkurinn er veittur til að styðja við stærsta verkefni Dropans sem er að bjóða upp á árlegar sumarbúðir fyrir börn og unglinga með sykursýki.
  • Alþjóðlega tónlistarakademían í Hörpu - Alþjóðlega tónlistarakademían í Hörpu fær styrk til að halda námskeiðið Harpa International Music Academy 2019. Á námskeiðinu kenna fremstu hljóðfæraleikarar landsins, auk erlendra kennara, og er þetta frábær vettvangur fyrir íslenska hljóðfæranemendur að kynnast jafnöldrum frá ólíkum skólum og löndum, læra hjá nýjum kennurum og spila á tónleikum í Hörpu.
  • Elín Agla Briem - Styrkurinn er veittur til verkefnisins Sveitaskólinn í Trékyllisvík sem stendur fyrir stuttum námskeiðum í gamla skólahúsinu í Finnbogastaðaskóla. Gestanemendum er boðið að koma þangað í 3 -7 daga og kynnast sveitalífinu í þessari afskekktustu sveit landsins.
  • Skjaldborg - Styrkurinn er veittur til verkefnisins Skjaldborg - hátíð íslenskra kvikmynda. Skjaldborg er kvikmyndahátíð sem sérhæfir sig í að frumsýna íslenskar heimilamyndir. Verður hátíðin haldin í 13. sinn á Patreksfirði í júní á næsta ári.
  • Guðlaug Mía Eyþórsdóttir - Guðlaug Mía Eyþórsdóttir fær styrk til að endurbæta vefgagnagrunninn Blái vasinn. Blái vasinn er gagnagrunnur og vefsíða þar sem safnað er saman heimildum um íslenska myndlistarmenn fyrr og síðar en markmið Bláa vasans er að gera þekkingarleit um íslenska myndlist auðvelda og skilvirka.
  • Act Alone - Styrkurinn er veittur til verkefnisins Act Alone 2019. Act Alone er einstök leiklistar- og listarhátíð sem er helguð eins manns listinni. Verður hátíðin haldin á Suðureyri í 16. skipti í ágúst 2019.
  • Hraðar hendur - Styrkurinn er veitturinn til verkefnisins Táknmálstúlkun í leikhúsi. Þau sem að því verkefni koma stefna á að táknmálstúlka tvær leiksýningar í atvinnuleikhúsi leikárið 2019-2020.
  • Landsamtök íslenskra stúdenta - Styrkurinn er veittur til verkefnisins Student Refugee Ísland. Verkefnið felur í sér að útbúa leiðarvísi, handbók og vefsíðu með öllum þeim upplýsingum sem flóttafólk þarf á að halda til þess að eiga kost á að sækja um háskólanám á Íslandi.
  • Bataskóli Íslands - Fær styrk til að þróa námsleið fyrir jafningjafræðara og sjálfboðaliða. Bataskólinn er fyrir þá sem hafa glímt, eða glíma við geðrænar áskoranir, aðstandendur þeirra og starfsfólk á velferðar- og heilbrigðissvið.
  • Margrét Guðnadóttir - Hlýtur styrk fyrir verkefnið Bætt umönnun fólks með heilabilun í heimahúsi og stuðningur við aðstandendur. Margrét vinnur að vettvangsrannsókn þar sem fylgt er eftir einstaklingum greindum með heilabilun sem búa í heimahúsi og aðstandendum þeirra. Skoðaðar eru þær aðferðir sem fjölskyldur koma sér upp til að takast á við daglegt líf og þær áskoranir sem felast í að lifa með heilabilun.
  • Rauði krossinn á Íslandi - Styrkinn fær Ungfrú Ragnheiður og verkefni Eyjafjarðardeildar Rauða krossins á Akureyri þar sem einstaklingum með erfiðan vímuefnavanda er veitt heilbrigðisaðstoð og nálaskiptaþjónusta eftir hugmyndarfræði skaðaminnkunar.
  • Bjarkarhlíð - Styrkinn fær Bjarkarhlíð sem er þjónustumiðstöð fyrir fullorðna þolendur ofbeldis. Þar gefst einstaklingum kostur á viðtölum og ráðgjöf hjá félagsráðgjöfum, lögreglu og lögfræðingum, þeim að kostnaðarlausu. Þolendur ofbeldis fá aðstoð að komast úr ofbeldisaðstæðum og vinna úr áföllum.
  • Hjálparstarf kirkjunnar - Styrkurinn er veittur til verkefnisins Töskur með tilgang sem er verkefni í þágu kvenna af erlendum uppruna. Konurnar hittast einu sinni í viku og sauma saman fjölnota innkaupapoka og grænmetispoka úr efni sem hefur fengist gefins. Verkefninu er í senn ætlað að koma í veg fyrir félagslega einangrun kvennanna og efla þær, sporna við plastpokanotkun og endurnýta efni sem annars yrði fargað.

250.000 kr.

  • Landssamband slökkviliðs- og sjúkraflutingamanna - Styrkurinn er veittur til verkefnisins Eldvarnarátak 2018. Markmið verkefnisins er að hvetja almenning til varkárni í umgengni við eld og huga að eldvörnum á heimilum.
  • Knattspyrnuvinafélag Litla Hrauns - Styrkurinn er veitur til verkefnisins Knattspyrnuforvörn án fordóma og á að nýtast til að bæta þjálfun og auka fræðslu fyrir fanga á Litla Hrauni.
  • Skógarmenn KFUM – Fá styrk fyrir verkefnið Gauraflokkur í Vatnaskógi. Gauraflokkur er sumardvöl í Vatnaskógi fyrir drengi sem greinst hafa með ofvirkni, athyglisbrest og aðrar skyldar raskanir.
  • 101derland – Styrkurinn er veittur til verkefnisins Snælda. Snælda er námskeið ætlað ungum og efnilegum tónlistarkonum. Námsefnið er víðfeðmt og verður meðal annars farið yfir hvernig best er að haga lagasmíðum, ýmis atriði varðandi hljóðupptöku verða kynnt og farið verður yfir fagleg atriði tónlistariðnaðarins sem gott er að kunna skil á.
  • Dómkórinn í Reykjavík - Styrkinn fær Dómkórinn í Reykjavík, ásamt einsöngvurum og kammersveit, til að flytja Jólaóratoríu Bachs í Hallgrímskirkju. Jólaóratorían hefur glatt hjörtu tónlistarunnenda um langan aldur, enda eitt höfuðverka síðbarokksins. Verkið inniheldur sex kantötur sem Bach samdi undir árslok 1734.
  • Byggðasafnið í Görðum, Akranesi – Styrkurinn er veittur til verkefnisins Ný grunnsýning Byggðasafnsins í Görðum. Safnið hefur sérstöðu í íslenskri safnaflóru og býr yfir fjölbreyttum safnkosti, bæði munum og ýmsum húsakosti sem gefur fjölmörg tækifæri í sögumiðlun. Ljóst er að löngu er orðið tímabært að uppfæra fastasýningu safnsins en núverandi grunnsýning hefur staðið í um fjörtíu ár. Fyrirhugað er að opna nýja grunnsýningu safnsins á næsta ári, á 60 ára afmælisári safnsins.
  • Tónskáldafélag Íslands – Styrkurinn er veittur til verkefnisins Myrkrabörn. Myrkrabörn er ný tónlistarhátíð fyrir börn og fjölskyldur þeirra sem mun fara fram í Kaldalóni í Hörpu í janúar og febrúar, samhliða Myrkum músíkdögum. Á dagskrá verða tónleikar sem kynna mismunandi form samtímatónlistar auk þess sem haldnar verða opnar vinnustofur þar sem börn fá tækifæri til þess að kynnast nýstárlegum og spennandi aðferðum í sköpun samtímatónlistar.
  • Hlutmengi ehf. – Styrkurinn er veittur til verkefnisins Píanó í Mengi. Mengi er menningarmiðstöð í hjarta Reykjavíkur sem er ekki rekin í hagnaðarskyni. Til stendur að kaupa píanó svo að hægt verði að standa fyrir fleiri tónleikum þar sem píanó kemur við sögu.
  • Félagið Íslensk Grafík – Styrkurinn er veittur til verkefnisins Íslensk Grafík 50 ára - samvinna og miðlun til framtíðar. Félagið Íslensk Grafík verður 50 ára á næsta ári og í tilefni stórafmælisins mun félagið vera með sýningar, námskeið og fleiri spennandi viðburði allt afmælisárið.
  • Pangea stærðfræðikeppni – Styrkurinn er veittur til að halda stærðfræðikeppnina Pangea árið 2019 þar sem allir nemendur áttundu og níundu bekkja á Íslandi geta tekið þátt. Tilgangur keppninnar er að auka áhuga á stærðfræði og efla sjálfsmynd barna með því að gera þeim kleift að ná árangri við úrlausn verkefna. Keppnin er haldin í 18 löndum í Evrópu.
  • Núvitundarsetrið ehf. – Styrkurinn er veittur til verkefnisins Innleiðing núvitundar í skólastarfi. Fagaðilar á vegum Núvitundarsetursins hafa þróað heildræna nálgun í að innleiða núvitund í skólastarfi. Markmið þessarar heildrænu nálgunar er að innleiðingarferli loknu verði mannauður skólans sjálfbær til að viðhalda og þjálfa núvitund fyrir starfsfólk og nemendur.
  • Vaka Rögnvalsdóttir – Vaka Rögnvaldsdóttir hlýtur styrk fyrir langatímarannsókn sína: Svefn, hreyfing og holdafar íslenskra ungmenna. Niðurstöður rannsóknarinnar munu veita innsýn í breytingar á heilsu og lifnaðarháttum barna, ungling og ungmenna og hjálpa til við að móta og styrkja forvarnir og eflingu lýðheilsu til framtíðar.
  • Þóra Sigfríður Einarsdóttir - Þóra Sigfríður Einarsdóttir hlýtur styrk fyrir rannsókn sína: Áföll og áfallastreita hjá íslensku þjóðinni. Þóra er doktorsnemi við Háskólann í Reykjavík og vinnur að rannsókn sem felst í því að afla faraldsfræðilegra upplýsinga um tíðni áfalla hjá íslensku þjóðinni.
  • Guðrún Tryggvadóttir - Styrkurinn er veittur til útgáfu bókar um rannsókn á lífsverki Ámunda Jónssonar smiðs og listamanns á Suðurlandi sem meðal annars smíðaði kirkjur og önnur mannvirki á 18. öld. Rannsókn á lífsverki Ámunda hefur ekki verið unnin heildstætt áður.
  • Elín Sigríður Arnórsdóttir - Elín hlýtur styrk til þess að gefa út Jökuldælu á rafrænu formi. Efnið er í nokkrum hlutum og er varveitt á Héraðsskjálasafninu á Egilsstöðum og má segja að sé einskonar byggðarsaga sveitarinnar í Jökuldal.
  • Kvenfélag Grímsneshrepps - Styrkurinn er veittur til að rita 100 ára menningarsögu Kvenfélags Grímsneshrepps sem hefur haldið uppi öflugu starfi í heila öld. Markmið með ritinu er að segja sögu þeirra kjarnakvenna sem veturinn 1918-1919 stofnuðu félagið, þar sem bæði eldgos og sjúkdómar settu svip á tíðarfarið ein einnig þeirra kvenna sem á eftir þeim komu og hafa haldið starfi félagsins öflugu og sterku öll þessi ár.
  • Félag nýrnasjúkra - Félag nýrnasjúkra fær styrk til að kaupa spjaldtölvur fyrir Blóðskilunardeild Landspítalans. Spjaldtölvurnar nýtast bæði fyrir sjúklinga á meðan þeir eru í blóðskilun en einnig fyrir hjúkrunarfræðinga til að auðvelda upplýsingagjöf til sjúklinga áður en meðferð hefst.
  • Heiðrún Janusardóttir - Alzheimersamtökin á Akranesi hljóta styrk til að geta boðið upp á stuðning fyrir fólk með heilabilunarsjúkóma og aðstandendur þeirra í heimabyggð.
  • Blóðgjafafélag Íslands - Styrkurinn er veittur til Blóðgjafafélags Íslands með það að markmiði að fjölga blóðgjöfum. Hlutverk félagsins er m.a. að fræða blóðgjafa, almenning og aðra um mikilvægi blóðs til lækninga, afla og veita fræðslu um blóðsöfnun og blóðbankastarfsemi.
  • Vinaskákfélagið - Styrkurinn er veittur til verkefnisins Vinaskák í VIN sem er athvarf fyrir fólk með geðraskanir. Tilgangur Vinaskákfélagsins er að efla skáklíf meðal fólks með geðraskanir. Vinaskákfélagið hlúir að skáklífinu í VIN, jafnframt því að efna til viðburða í þágu fólks með geðraskanir, í samvinnu við athvörf, búsetukjarna, geðdeildir, félagasamtök og einstaklinga.

Nánari upplýsingar um stuðning Landsbankans við samfélagið

Þú gætir einnig haft áhuga á
14. júní 2024
Hægt að nota Auðkennisappið við innskráningu
Við vekjum athygli á að hægt er að nota Auðkennisappið til að skrá sig inn og til auðkenningar í netbankanum og Landsbankaappinu og innan tíðar verður einnig hægt að framkvæma fullgildar rafrænar undirritanir. Það hentar einkum þegar þú ert í netsambandi en ekki í símasambandi eða ert með erlent farsímanúmer.
Grænland
12. júní 2024
Fjárfestadagur Amaroq Minerals
Fjárfestadagur Amaroq Minerals verður í húsnæði Landsbankans í Reykjastræti 6, fimmtudaginn 13. júní kl. 14.00-16.00. Húsið opnar kl. 13.30 og að fundi loknum verður boðið upp á drykki og léttar veitingar.
Netöryggi
10. júní 2024
Vörum við svikatilraunum í tölvupósti
Við vörum við tölvupósti sem sendur er í nafni Landsbankans. Í póstinum er sagt að reikningi viðtakanda hjá bankanum hafi verið lokað og fólk beðið um að smella á hlekk til að skrá sig inn. Með þessu vilja svikararnir fá fólk til að gefa upp innskráningarupplýsingar.
Námsstyrkir 2024
3. júní 2024
Bankinn úthlutar námsstyrkjum að upphæð 8 milljónir króna
Landsbankinn úthlutaði námsstyrkjum til sextán námsmanna úr Samfélagssjóði bankans þann 31. maí. Styrkirnir voru veittir í þrítugasta og fimmta skipti og heildarupphæð námsstyrkjanna nemur átta milljónum króna. Alls bárust um 400 umsóknir í ár.
Skólahreysti 2024
27. maí 2024
Lið Flóaskóla er sigurvegari Skólahreysti 2024
Flóaskóli og Laugalækjarskóli luku keppni með jafnmörgum stigum í æsispennandi úrslitakeppni Skólahreysti í Mýrinni í Garðabæ laugardaginn 25. maí. Báðir skólar hlutu 57,5 stig af 72 mögulegum! Það sem ræður úrslitum þegar skólar eru jafnir af stigum er gengi þeirra í keppnisgreinunum fimm. Flóaskóli var stigahærri en Laugalækjarskóli í þremur keppnisgreinum af fimm og því er Flóaskóli sigurvegari Skólahreysti 2024.
Netöryggi
24. maí 2024
Ísland.is er aldrei notað við innskráningu í appið eða netbankann
Við vörum við svikaskilaboðum sem eru send í nafni Ísland.is í þeim tilgangi að safna persónuupplýsingum og komast inn í netbanka einstaklinga. Athugið vel að Ísland.is er aldrei notað til innskráningar í app eða netbanka Landsbankans.
Austurbakki
23. maí 2024
Vegna ráðgefandi álits EFTA-dómstólsins
EFTA-dómstóllinn birti í dag ráðgefandi álit á túlkun á tilteknum ákvæðum tilskipana Evrópusambandsins sem varða fasteignalán til neytenda. Tilskipanirnar hafa verið teknar inn í EES-samninginn og innleiddar með íslenskum lögum.
Plúskort
22. maí 2024
Engin færslugjöld eða árgjöld með Plúskorti Landsbankans
Með því að nota Plúskort Landsbankans greiðir þú engin færslu- og árgjöld en kortið safnar samt Aukakrónum sem þú getur notað til að versla hjá samstarfsaðilum.
17. maí 2024
Greiðslumat óaðgengilegt frá föstudegi kl. 17 til laugardags kl. 15
Vegna viðhalds verður ekki hægt að framkvæma greiðslumat í Landsbankaappinu og netbankanum frá klukkan 17 föstudaginn 17. maí til klukkan 15 laugardaginn 18. maí.
Fjármálamót: Þarftu að endurfjármagna?
13. maí 2024
Fjármálamót: Þarftu að endurfjármagna?
Frábær mæting var á Fjármálamót í Landsbankanum í Reykjastræti á þriðjudaginn sem tileinkað var fasteignamarkaði og endurfjármögnun.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur