Fréttir
Opinn fundur um langlífi og samfélagsbreytingar 12. febrúar
Fjölgun eldra fólks er ein stærsta samfélagsbreyting sem Íslendingar munu standa frammi fyrir á næstu árum og áratugum. Landsbankinn og Landssamband eldri borgara efna til opins fundar um áhrif þessara breytinga á einstaklinga og samfélagið mánudaginn 12. febrúar.
7. febrúar 2018
Fjölgun eldra fólks er ein stærsta samfélagsbreyting sem Íslendingar munu standa frammi fyrir á næstu árum og áratugum. Landsbankinn og Landssamband eldri borgara, í samvinnu við Félag eldri borgara í Reykjavík, efna til opins fundar um áhrif þessara breytinga á einstaklinga og samfélagið.
Fundurinn verður haldinn mánudaginn 12. febrúar í sal Félags eldri borgara í Reykjavík að Stangarhyl 4 í Reykjavík frá kl. 16-17.
Dagskrá fundar
- Ari Skúlason, hagfræðingur í Hagfræðideild Landsbankans: Eldra fólk er unglingar nútímans — samfélagsbreytingar vegna hækkandi meðalaldurs.
- Sigríður J. Guðmundsdóttir, formaður Félags eldri borgara Selfossi: Af lágum launum á lítil eftirlaun — reynslusaga.
Boðið verður upp á kaffi og meðlæti. Allir velkomnir.
Greinaröð Ara Skúlasonar á Umræðunni
Fundurinn er haldinn í tengslum við birtingu greinaraðar Ara Skúlasonar á Umræðunni, efnis- og fréttaveitu Landsbankans. Í greinunum fjallar Ari um áhrifin sem hækkandi meðalaldur mun hafa á samfélagið og um möguleg viðbrögð við þessum miklu breytingum.
Þú gætir einnig haft áhuga á
17. sept. 2025
Í samræmi við ákvörðun aðalfundar greiddi Landsbankinn í dag 9.446 milljónir króna í arð til eiganda. Heildararðgreiðslur bankans á árabilinu 2013-2025 nema þar með um 210,6 milljörðum króna.
15. sept. 2025
Dana Zaher El Deen K. Al Hennaw og Diana Al Barouki hljóta í ár styrk úr Hvatasjóði Landsbankans til grunnnáms við Háskólann í Reykjavík skólaárið 2025-2026.
10. sept. 2025
Þórunn Inga Ingjaldsdóttir hefur verið ráðin forstöðumaður nýju einingarinnar Tryggingar á Einstaklingssviði hjá Landsbankanum og mun hún hefja störf í byrjun október.
3. sept. 2025
Frá og með 8. september 2025 verða dagslok bankadaga í innlánakerfum Reiknistofu bankanna færð frá kl. 21.00 til miðnættis. Þetta hefur m.a. þau áhrif að millifærslur sem eru gerðar eftir kl. 21.00 og fram að miðnætti verða bókaðar sama dag.
3. sept. 2025
Sjálfbærnidagur Landsbankans 2025 verður haldinn í Grósku fimmtudaginn 4. september. Á sjálfbærnideginum fáum við innsýn í hvernig íslensk fyrirtæki nálgast sjálfbærnimálin, hvernig þau takast á við áskoranir og hvaða tækifæri eru fram undan. Við lofum bæði fjölbreyttri og spennandi dagskrá og ljúffengum veitingum!
26. ágúst 2025
Landsbankinn og TM á Selfossi munu flytja sig yfir í nýtt hús við Austurveg 11 á Selfossi fyrir árslok 2027, samkvæmt langtímaleigusamningi sem gerður hefur verið við Fossver ehf.
25. ágúst 2025
Landsbréf hf. hafa birt árshlutareikning fyrir fyrri hluta ársins 2025.
25. ágúst 2025
Á nýrri sýningu sem opnaði í Reykjastræti 6 á Menningarnótt er sjónum beint að listaverkum í eigu bankans sem eru eftir konur. Við opnuðum einnig nýjan hluta á listaverkavef bankans þar sem birt eru um 90 verk eftir konur.
18. ágúst 2025
Menningarnótt verður haldin hátíðleg í miðborg Reykjavíkur laugardaginn 23. ágúst næstkomandi. Landsbankinn hefur verið máttarstólpi Menningarnætur frá upphafi og býður að venju upp á fjölbreytta dagskrá, bæði í Reykjastræti og við Hörputorg í samstarfi við Hafnartorg og Hörpu.
14. ágúst 2025
Í tilefni Kvennaárs 2025 opnar ný myndlistarsýning í Reykjastræti 6 þar sem sjónum verður beint að listaverkum í eigu bankans sem eru eftir konur. Sýningin opnar á Menningarnótt og um leið uppfærum við listaverkavef Landsbankans með sérstakri umfjöllun um listaverk eftir konur.