Níu fengu styrki úr Háskólasjóði H/f Eimskipafélags Íslands
Níu doktorsnemar við Háskóla Íslands fengu styrk úr Háskólasjóði H/f Eimskipafélags Íslands við úthlutun styrkja úr doktorssjóðum Háskóla Íslands í vor.
Háskólasjóður H/f Eimskipafélags Íslands var settur á laggirnar af Vestur-Íslendingum árið 1964 með því að stofnaðilar lögðu til hans hlutabréfaeign sína í Eimskipafélaginu. Sjóðurinn var stofnaður til minningar um Vestur-Íslendinga og til að styðja við stúdenta í rannsóknartengdu námi við Háskóla Íslands. Fyrsta úthlutun úr sjóðnum í núverandi mynd fór fram árið 2006 og síðan hafa yfir 130 doktorsnemar fengið styrk úr sjóðnum. Sjóðurinn er í umsjá Landsbankans.
Meðal þeirra verkefna sem hlutu styrki að þessu sinni var rannsókn á áhrifum næringardrykkja í samanburði við áhrif orku- og próteinríkrar millimáltíðar á lífsgæði, líkamsþyngd og hreyfifærni hjá sjúklingum með langvinna lungnaþembu, kortlagning jarðskjálftahreyfinga í þéttbýli á Íslandi, rannsókn á bragðefnum úr þangi og rannsókn á áhrifum eldvirkni og loftslagsbreytinga á heilsufar Íslendinga.
Að þessu sinni bárust alls 146 umsóknir um styrki til doktorsnáms úr Háskólasjóði H/f Eimskipafélags Íslands og Rannsóknasjóði Háskóla Íslands og hlutu 29 umsækjendur styrki úr þessum sjóðum, þar af níu úr Háskólasjóði Eimskipafélagsins.
Stjórn Háskólasjóðs H/f Eimskipafélags Íslands skipa Helga Björk Eiríksdóttir, formaður bankaráðs Landsbankans, Lilja Björk Einarsdóttir, bankastjóri Landsbankans, Gylfi Sigfússon, forstjóri Eimskipafélags Íslands og Jón Atli Benediktsson, rektor Háskóla Íslands.
![Netbanki](https://images.prismic.io/landsbankinn/92e7a426-af51-430b-95d2-9ceeef1f1d2a_Tolva-2023-Netbanki-einstaklinga.png?fit=max&w=3840&&q=50)
![](https://images.prismic.io/landsbankinn/ZpUzJh5LeNNTxKWz_landsbankinn_gay_pride-5_medium1600x1067.jpg?fit=max&w=3840&&q=50)
![Stúlka með síma](https://images.prismic.io/landsbankinn/c8831a3c-db04-49f2-9649-78176beedd34_5U3A4396_graded.jpg?fit=max&w=3840&&q=50)
![Menningarnótt 2023](https://images.prismic.io/landsbankinn/4bf21ee8-baa5-41e4-9ce2-d6163a24466b_LANDSBANKI_menningarnott_13.jpg?fit=max&w=3840&&q=50)
![Austurbakki](https://images.prismic.io/landsbankinn/ced8837c-715d-4bd8-921f-a043ee61f45e_Austurbakki.png?fit=max&w=3840&&q=50)
![Björn A. Ólafsson](https://images.prismic.io/landsbankinn/ZobJ9h5LeNNTwzOO_LB2024_BK210509.jpg?fit=max&w=3840&&q=50)
![Landsbankinn.pl](https://images.prismic.io/landsbankinn/ZoU3LR5LeNNTwwKc_tolva-pl-2024.jpg?fit=max&w=3840&&q=50)
![](https://images.prismic.io/landsbankinn/43e0b07e-8747-4f5c-8ebe-3169c50e1e25_LB_Hrifunes_0672_01.jpg?fit=max&w=3840&rect=0,0,1708,1281&q=50)
![Arinbjörn Ólafsson og Theódór Ragnar Gíslason](https://images.prismic.io/landsbankinn/ZnRdHZm069VX17b8_landsbankinn_defend_iceland.jpg?fit=max&w=3840&rect=219,0,3201,2401&q=50)
![](https://images.prismic.io/landsbankinn/34b0b00d-b34e-45f0-9b83-f017144502e2_1920px_Nikki_V4A7550.jpg?fit=max&w=3840&rect=0,479,1281,961&q=50)