Fréttir
L.is - farsímavefur Landsbankans hlaut Íslensku vefverðlaunin
Farsímavefur Landsbankans, L.is, hlaut Íslensku vefverðlaunin 2012 í flokknum Besti smá- eða handtækjavefurinn. Dómnefnd á vegum SVEF (Samtaka vefiðnaðarins) kunngerði úrslitin í Hörpu 8. febrúar. Fyrri útgáfa L.is hlaut Íslensku vefverðlaunin sem besti smá- og handtækjavefurinn árið 2010 en glæný útgáfa hans með uppfærðu notandaviðmóti og fjölda nýjunga var kynnt í október á síðasta ári.
13. febrúar 2013 - Landsbankinn
Í umsögn dómnefndar segir: „Vefurinn ber vott um fagmennsku og metnað. Hann er úthugsaður og hnitmiðaður fyrir fólk á ferðinni. Vefurinn er léttur, lítill og ljómandi laglegur.“
„Íslensku vefverðlaunin eru kærkomin viðurkenning fagaðila og frábærar viðtökur viðskiptavina sýna okkur enn fremur að við erum á réttri leið,“ segir Snæbjörn Konráðsson, forstöðumaður vefdeildar Landsbankans. „Markmið okkar er að bjóða þjónustu sem er sniðin að þörfum viðskiptavina bankans og er þetta okkur því mikil hvatning.“
Notkun L.is hefur aukist gríðarlega frá því hann var uppfærður. Í nóvember voru rúmlega 147 þúsund síðuflettingar í farsímaútgáfu netbankans. Í desember voru þær komnar upp í tæplega 238 þúsund og í janúar 303 þúsund.
Þú gætir einnig haft áhuga á
14. okt. 2026
Landsbankinn vill vekja athygli viðskiptavina á rannsókn lögreglunnar á höfuðborgarsvæðinu sem leiddi í ljós að yfir 300 ungmenni hafi notað VPN-stillingu (e. VPN profile) fyrir iPhone sem nefnist „Island Surge VPN“.
13. okt. 2026
Skatturinn hefur á ný opnað umsóknir um að ráðstafa viðbótarlífeyrissparnaði skattfrjálst inn á húsnæðislán. Með úrræðinu getur þú nýtt bæði eigið framlag og mótframlag launagreiðanda til að greiða niður lánið þitt. Sótt er um á þjónustuvef Skattsins.
2. okt. 2026
Styrkás hf. hefur undirritað samning um kaup á öllu hlutafé Malbikstöðvarinnar ehf. og lóðum félagsins á Esjumelum. Fyrirtækjaráðgjöf Landsbankans var ráðgjafi Styrkás í viðskiptunum.
29. sept. 2026
Á hverju ári veitum við samfélagsstyrki úr Samfélagssjóði Landsbankans og nemur upphæðin samtals 20 milljónum króna.
10. sept. 2026
Háskólanemarnir Salvador Di Marzio Láruson og Oliwia Slodowska hljóta í ár styrk úr Hvatasjóði Landsbankans til grunnnáms við Háskólann í Reykjavík skólaárið 2027-2028.